*Almanak HKBP*

*Selasa (02/04/2024)*

*1 Samuel 12:22*

12:22 Ai ndang tagamon tadingkonon ni Jahowa bangsona ala ni Goarna na timbul i, dung sapala
dihalomohon Jahowa mambahen hamu gabe bangsona.

12:22 Sebab TUHAN tidak akan membuang umat-Nya, sebab nama-Nya yang besar. Bukankah TUHAN telah
berkenan untuk membuat kamu menjadi umat-Nya?

*Buku Ende 364:2+4* Tautan : https://youtu.be/QiRzlYstxKk

*SAI HURANAPI DOLOK I*

(2) Ndang tarsulandit patmu da, diloas Tuhanmi. Na so dung modom i, tongtong haposi Debata. Ndang olo nok
mataNa, sai ho do jinagaNa.

(4) Sai diramoti Debata tondim nang dagingmi. Di na marmara i, lao ruar manang masuk da. Saleleng ni lelengna,
tongtong ho jagaonNa.

*Sijahaon manogot: Mateus 28:11-15*

28:11 Alai di na laho i nasida, nunga sahat deba sian angka parjaga i tu huta, dibaritahon ma saluhut na masa i tu
angka sintua ni malim. 28:12 Jadi marluhut ma nasida rap dohot angka sintua ni bangso i martahi, dilehon ma
hepeng na nia tu soldadu i; 28:13 laos ninna ma: Dok hamu ma: Tagan tarpodom hami, ro do angka siseanna
bornginna i, manangko Ibana. 28:14 Jadi molo tung tarbege i tu panguhum, hami pe mandamedamei ibana huhut
sumarihon, unang susa hamu. 28:15 Dung i dijalo nasida ma hepeng i, dibahen ma songon na pinodahonna tu
nasida, gabe mehet ma hata ondeng di halak Jahudi ro di sadari on.

*Sijahaon borngin: 2 Musa 23:1-9*

23:1 Ndang jadi pararatonmu barita gapgap, jala unang paherbang tanganmu rap dohot parjahat, gabe
sitindangkon hageduhon. 23:2 Ndang jadi paihutonmu tahi torop laho manjahati, jala ndang jadi parpanguluanmu
hata bada, manang manolopi hata torop laho papeolhon uhum. 23:3 Na pogos pe ndang jadi ampinanmu di
pargulutanna. 23:4 Molo jumpang ho lombu ni musum, manang halodena lilu, ingkon mulak togihononmu tu
ibana. 23:5 Molo diida ho halode ni halak na mangkagigihon ho mandate dibahen soratna, ndang jadi
pasombuonmu peak, ingkon paheheonmu do i rap dohot binoanna. 23:6 Ndang jadi pailingonmu uhum tu halak na
pogos hasolhotonmu di pargulutanna i. 23:7 Sai paholang ma ho sian hata gapgap, jala ndang jadi mate bunuonmu
halak na lidang dohot na tigor, ai ndang olo Ahu mamintori halak parjahat. 23:8 Ndang jadi jaloonmu silehonlehon,
ai papitung mata ni halak angka na tonggor hian nian anggo silehonlehon, jala dipapeol parhataan ni halak
partigor. 23:9 Ndang jadi hilangonmu halak dagang, ai diboto hamu do roha ni halak dagang ala halak dagang nang
hamu na jolo di tano Misir.

*Tangiang*

*Ari Selasa : KELUARGA*

1. Asa dipasupasu Debata ngolu ni rumatangga dohot keluarga saluhut ruas.

2. Asa diparbisuhi Debata angka natoras laho mangajari angka ianakhonna mangolu di bagasan poda
dohot ajar ni TUHAN.

3. Asa lam diharingkothon saluhut ruas na martangiang dohot manjaha Bibel siganup ari.

4. Asa dijagahon DEBATA sude dakdanak, remaja nang naposo, dipadao sian mara lumobi sian
penyalahgunaan narkoba.

5. Asa dipasupasu angka ianakhonni Huria marsikola sadenggandengganna laho pauliulihon karakter
manang parange na denggan, mangeahi parbinotoan dohot hapistaran huhut tongtong biar mida
JAHOWA.

6. Asa lam martanggungjawab sude ianakhon ni Huria naung tammat sian parsikolaan asa hatop
mulaulaon manang marusaha laho paneanghon situhukon ni natoras.

*(Sumber: Almanak HKBP Tahun 2024)*

https://www.youtube.com/@Debatamangaramoti

Halaman 15

https://www.youtube.com/watch?v=TX9oy5VFDPQ

https://hans5958.github.io/HKBP-Guidebook/

https://alkitab.app/