Paksa Bhairawa

Duke sane riin ring Kerajaan Medang Kemulan sane kapimpin antuk
Ida Bhaginda Raja Taki Pati tur madue patih sane mewasta Patih Jina Pati.
Ring Medang Kemulan punika kewentenan sima nenten dados mapendem
utawi kebakar yening wenten jatma sane ngelayu sekar utawi padem.
wangke punika kagenahan ring tiang pancang ring Setra Medang Kemulan
ring sisi tukade. Nika mawinan akeh wangke sane kaplaiban olih cicing tur
mabo bengu. Duke rahina anu wenten orti sane ngewentenang anak
lingsir mabhiseka Ida Bhagawan Bharang sane ngerayun utawi ngajeng
wangke sane wenten ring setra Medang Kemulan Punika. Orti punika
kapiragi olih Ida Bhaginda Raja Taki Pati turmani Ida ngutus patih idane,
Patih Jina Pati mangda prasida ngemademang Bhagawan Bharang punika.
Patih Jina Pati laut memargi ke setra ring sisi tukad punika kairing olih
pangiring idane.
Risampune ka setra punika kacingakin Ida Bhagawan Bharang
nedeng mupulang tulang wangke sampun kaajeng tur kakaput antuk kasa
putih. Patih Jina Pati laut nantang Ida Bhagawan Bharang punika tur
katuduh ngelarang dharma sane nenten patut. Gelis satua enggal Ida
Bhagawan Bharang Prasida kapademang tur kasaksiang olih para
pangiring Patih Jina Pati, laut ida mewali ke Puri tur ngaturang indik
Bhagawan Bharang sane sampun prasida kapademang. Dina meganti dina
pangiring Patih Jina Pati tengkejut malih nyaksiang Ida Bhagawan Bharang
kari maurip sekadi sane sampun-sampun mupulang tulang wangke tur
kakaput olih kasa putih. Pangiring ipun melaib ke puri tur ngaturang indike
punika.
Ida Bhaginda Raja Taki Pati tangkejut tumani nuding Patih Jina Pati
nenten becik ngemargiang titah idane. Patih Jina Pati tangkejut turmani
krodha ring pikayunan, laut memargi ka setra malih kairing antuk
pangiring idane. Risampune neked ring setra kacingak Ida Bhagawan
Bharang laut Patih Jina Patih nantang Ida Bhagawan Bharang punika tur
kasanggupin antuk Ida Bhagawan Bharang. Laut Ida Bhagawan Bharang
Mamurti dados raksasa sane madue prabhu utawi sirah sane akeh tur

mesuang geni maring cangkem idane ditu lantas Patih Jina Pati masimpuh
sareng pangiring Idane. Ring buyoga setra Medang Kemulan punika Ida
Bhagawan Bharang mituturin Patih Jina Pati indik pemargine sane
ngerayunin

bangke

punika

boye

je

nenten

sios

wantah

mangda

wewidangane nenten cemar, tur ngebecikan pemargin sang sane sampun

padem, tur mituturin indik Ida ngemargiang dharma kamoksan siwa keras
sane mawasta Paksa Bhairawa.