I. UMPASA PASU-PASU.

HORAS HORAS
1. Andor hadukka ma togu-togu ni lombu, togu-togu ni horbo, itogu hu Ajibata
Horas ma hita sayur matua, patogu-togu pahompu, das mar nini mar nono,
ipasu-pasu Naibatanta
2.

Boras sabur-saburan, iboban ni pinggan pasu

Horas hita ganupan, sai jumpahan pasu-pasu

3.

Borasni purba tua, iboan hu tiga balata

Horas ma hita sayur matua, itumpak-tumpak Naibatanta

4.

Urat ni nangka, urat ni hotang

Hujape hita manlangkah, sai dapot-dapotan

5.

Boras ibagas supak, ibaen huparasanding

Horas nasiam namulak, horas homa hanami na tading

6.

Tubuh ma silanjuyang, itagil lang ra melus

Aha pe lang na hurang, anggo marhasoman Jesus

7.

Ratting ni hayu bor-bor, ibaen hu pingging pasu

Anggo rajin martonggo, Jumpahan pasu-pasu

8.

Pinta-pinta sori mandapot

In na pininta, sai in ma dapot.
Marbanggal na maetek
Marganjang na mapondok
Manggar-gar na pinahan
Marlimbuah na sinuan.

9.

Andor hadungka
Togu-toguni lombu
Sai sayur matua
Ronsi patogu-togu pahompu.

10. Aekni Liang Nangka

Dear bahen paridian
Huja pe manlangkah
Sai dapotan pansarian.
11. Siganda sigandua
Uratni podon-podon

Nasada gabe dua

Na tolu gabe manggolom.
12. Talunni par Sinaman
Iparjumai si Sakkeus
Horas hita ganupan
Itumpaki Tuhan Jesus.
13. Boras ni par Sinaman
Iboan hu Balata
Horas hita ganupan
Itumpaki Tuhan Naibata.
14. Horas tonduy madingin

Pir tonduy matogu

Roh ma parumaen
Tambah inang parsuhutan.
15. Jumani purba tua

Tubuhan hare-hare
Hata podah hata pasu-pasu
Sai ulang mubah sai ulang mosei.
II. UMPASA BANI NAMARUNJUK..
16. Tubuh ma sanggar dohot tobu, dohor hupagar kawat
Tubuh ma anak pakon boru, jadi jolma na marpangkat
17. Tubu ma sanggar dohot tobu, parasaran ni piduk
Tubu ma anak pintar dohot boru na bisuk
18. Tubu sanggar dohot tobu i dolok-dolok
Tubu ma anak pakon boru na mok-mok.
19. Arirang ni palia, madek-dek hu bong-bongan
Age adong parsalisihan, ulang mar sidom-doman
20. Dalan hua Ajibata, adong do tubuh Pisang
Anggo domma marrumah tangga, ulang ma adong hata mandok sirang
21. Haporas ni silongkung, i huning i tubai
Anggo domma harosuh, ulang isumengi, lang ibadai

22. Sai tubuhan lak-lakma

Tubuhan singkoru
Sai tubuhan anakma
Tubuhan boru.
23. Bintang na rumiris
Ombun na sumorop
Anak pe riris
Boru pe torop.
24. Hiou ragi hotang

Hotang panangkut para

Ulang hanami ngol-ngolan
Podas martupang ma abara.
25. Tubuh ma hariara pakon tobu

I buntu ni tapian
Sai tubuhma anak pakon boru na jitu-jitu
Na tongka panahit-nahitan.

26. Ituhor ma gan tahu

Angkutni riang-riang
Anggo domma Tarpasu-pasu
Ulang ma mandokkon sirang
27. Tubu ma sanggar
Dohor bani luhutan
Tubu ma anak pakon baru napintar
Rabei jadi parsuhutan

28. Tubuh ma sanggar dohot tobu, dohor hupagar kawat

Tubuh ma anak pakon boru, jadi jolma na marpangkat

29. Arirang ni palia, madek-dek hu bong-bongan

Age adong parsalisihan, ulang mar sidom-doman

III. UMPASA PODAH..

30. Ipokkah Buluh balakkei
Sigei ni Bagot Puli

Pinukkah ni Opungta naparlobei

Padearon ni naparpudi
31. Ia bagod i takkih, ilambung ni sampuran
Ia jaman on jaman canggih, ulang lupa hubani Tuhan
32. Halambir ni sindamak, ikuhur dop ibola
Sonaha pe nini halak, ulang lupa bani horja
33. Juma ni Tigarunggu, tubuhan lata-lata
Rajin ma hita marminggu, ase tong-tong ihasomani Tuhanta
34. I lambung passa-passa, Tubu bonani tobu
Age aha pe namasa,Hita ulang mahua
35. Urat ni riba dagei iboan hu Sukadame
Ulang bei sai marbadai, sai roh ma uhur dame
36. Habang ma anduhur, sogop hu goring-goring
Anggo pusuk uhur, eta ham mandoding-doding
37. Hondor ma langge mu, i dolok si Marsolpah
Holong ni ateimu, ingaton ku do ai madokah
38. Sedo lak-lak hasundur, haronduk ni buluk ku
Sedo halak hu sukkun, harosuh ni uhurhu
39. Tumpak ni piring ledeng, paledang-ledang pahu
Loja do hapeni inang, pagodang-godang kon au
40. Laklak itallik-tallik, i lambung ni pea-pea
halak na tahan marsik, ujungni jadi jolma na hasea
41. Lak-lakni tamba tua, hoppa mambuat kuah
Pasangap orangtua, tong-tong dapotan tuah
42. Lampuyang sakaranjang, bulung ni seng sadiha
Akkula do marganjang, uhur seng ope sadiha
43. Marboras ma halawas, i jual hu Belanda
Horas ma nasiam martugas, bai acara kebaktianta.
44. Isuan ma timbaho, isuan manoran-noran
Paubah ma parlaho, ulang songon sapari, ase iharosuhkon hasoman

45. Ulang ihondor gumba, timbaho sihondoran

Ulang martonggo rupa, parlaho do sitonggoran
46.

Anduhur pinurputan, tading iparsobanan

Anggo uhur tinurutan, lang mar parsaranan

47. Timbaho ni simarban, ulang mago sanrigat

Age lingot panonggor, ulang lupa pardingat
48.

Irlak-irlak ma senter, itoru ni durian

Lang adong labuni jenges, anggo talu do bai paruhuran.

49.

Initak ma sambor-bor, boras ronggit-ronggitan

Ijon hita manortor, ulang be borit-boritan

50. Lang be tartalgis hon, pagaman ma na ronggos hon

lang be tartangishon, paganan ma na tor-torhon
51.

Habang ma kapal terbang, mamboan pinggan pasu

Age daoh ham marlajang, ulang lupa ham hubakku.

IV. Wujud Berkat/Pasu-Pasu

Marhitei Mambere Sipanganon.
52. Riang-riang bulung motung
Rap-rap bulung hoppawa
Hinariah hinabosur
Asal rap hita tartawa.
53. Joring na birong
Tunggomni bagod puli
Sonin ma na dong
Sai bahat ma pinasuni.
54. Joring na birong
Antupni bagod puli
Sonin ma na dong
Sonin ma na pauli-uli
Manurdukhon Sipanganon /Mangapohi.
55. Habang ma ampul-ampul
Hu atasni tarbangun
On ma indahan apul-apul
Sai ulang be malungun.

56. Bagod na madung-dung

Pilo-pilo na jagar
Sae ma na malungun
Roh ma na jagar
57. Lumpat hambing bajar
Hu talun Nagaraja
Sai daohma banggor-banggor
Lintun ma goraha
Solukma tuah.
Manjalo Sipanganon
58. Bagod na marhaltou
Hatubuhanni hare-hare
Horas namanganhon/manjalo
Horas homa na mambere.
59. Borasni par Sinaman
Isuhati bani tapongan
Horas nansiam na mangan
Horas homa na nidapotan
Umpasa Ase Marhasadaon/
Marsihaholongan.
60. Bonang na sahul-hulan
Isombok sasimbokan
Nanget marsisukkunan
Ulang marsisol-solan.
61. Asok-asok mandurung
Dohor parlangkitangan
Asok-asok maruhur
Dohordo parsirangan.
62. Dohor parlangkitangan
Dohoran paransuguhan
Dohor pe parsirangan
Dohoran do pardomuan.
63. Anggo hordong langgeimu

Regaton bulung birah

Anggo holong ateimu
Dingaton do magirah.

64. Urat ni gatap tano, rongging marsiranggoman

Age pe padao-dao,Tondyttai tong marsigomgoman

65. Hodong ni birah do

Rokkat ni bagod
Dos ni riah do
Sibahen na saud
66. Ni suan sangge-sanggei
I buntu ni luhutan
Arihta(Nansiam) ma gabei
Anggo marsipaihut-ihutan.
Sin Raya sini Purba
Sin dolog sini Panei
Manlangkah pe lang mahua
Asal ma na marholong ni atei.
67. Ipongkah buluh balangkei
Sigeini bagod puli
Pinungkah ni ompungta na parlobei
Ihutkonon ni na parpudi.
68. Asarni hati nong-nong
I buntu ni tapian
Anggo mamasu-masu ma tondong
Lambin tambahma pansarian.
69. Bagod na mamboboru
Agadanni parpongkalan
Horasma nansiam boru
Horas homa ma panogolan.
70. Asarni poldong-poldong
I buntu ni tapian
Ma masu-masu ma hanami tondong
Sai rohma parsaulian.
71. Mandabuh batu baragu
Soding mandabuhonsi
Marsuruh anak boru jabu
Mamonting anak boru mintori.
72. Timbahouni si Morbou
Ulung magou san rigat
Age lingod panonggor
Ulang magou pardingat.

Napuran tano-tano
Ranggit marsiranggoman
Age hutanta padaoh-daoh
Tonduyta marsigom-goman.
Umpasa Hear-Hear (Jenaka)
73. Anggo hondor langgumu
Rigaton bulung birah
Anggo holong atei mu
Dingaton do magira.
74. Pala-pala manderes
Ulang mambur gotahni
Sapala na mambere
Ulang sonai dokahni.
75. Sihala uppat-uppat
Uppat sihala bolon
Hulajou do malluppat
Tapi haut sigundal bolon
76. Ya hodong na helpat
Ulang ipandur-durhon
Anggo ningon ipandur-durhon
Dur-durhon bani rantingni
Anggo adong hata/pangabag na lepak
Ulang iparuhurhon
Anggo ningon iparuhurhon
Paruhurhon ma hinamantinni.
Umpasa Ase ra mangubah pikkiran bani na madear. (Manjalo pembaharuan)

77. Gading-gading galogar,

Galogar ni sin Rabayu
Tadingkon padan madokah
Gantih bani padan na baru.
78. Na suan ma timbahou
Dua gantang sadari
Na ubah ma parlahou
Ulang songon sapari.
Umpasa Bani Jolma na lang Pokkut marhorja.
79. Riang-riang aribut,
Pahondor-hondor lak-lak

Mabiar lang dihut patoggor-tonggor halak

Umpasa Ase Pokkut marhorja.
80. Halambir ni sindamak,
Ikuhur dob ibolah
Nahape nini halak
Na nunut marsikolah.
81. Hiou ragi panei
Bolion hu tiga runggu
Anggo sihol pandei
ulang maila marguru
82. Palia na induru
Sibahut na i toppoh
Na maila marguru
Seng saut marpambotoh
Umpasa Ase marhasadaon.
83. I durung ma haporas
Itaoni tao Toba
Sai andoharma hita horas-horas
I hasomani Tuhanta Naibata

84. Tubuh ma simareme-eme

I batangni juma balata
Roh ma uhur dame
Itongah-tongah ni keluarganta

85. Boras sabur-saburan ma

Pagutonni manuk manuk i juma balian
Horas ma keluarga Simarmata haganupan
Ulang borit-boritan, sai jumpahan passarian.

86. Anggo hayu Robohon

Boanon hu juma luan
Anggo domma padidihon
Ulang malas hu parmingguan

87. Tubu ma tamba tua

I juma sipoholan
Anggo domma matua
Porluma nian isarihon

88. Tubuh ma tamba tua

I dolok ni si Marsolpah

Hita orang tua

Porlu mamodahi niombah

89. Etek-etek sapodang, Etek sarang banua

Age mendenta badan, Asalma ulang mahua

90. I lambung passa-passa, Tubu bonani tobu

Age aha pe namasa, Hita ulang mahua

91. Hondor ma langge mu, i dolok si Marsolpah

Holong ni atei mu, ingaton ku do ai madokah

92. Sihala sibarunje, ruak sihala bolon

Santabi ma bani umbei, dear nalang tarhorom

93. Sedo lak-lak hasundur, haronduk ni buluk ku

Sedo halak hu sukkun, harosuh ni uhurhu

94. Tumpak ni piring ledeng, paledang-ledang pahu

Loja do hapeni inang, pagodang-godang kon au

95. Laklak itallik-tallik, i lambung ni pea-pea

halak na tahan marsik, ujungni jadi jolma na hasea

96. Isuan ma timbaho, isuan manoran-noran

Paubah ma parlaho, ulang songon sapari, ase iharosuhkon hasoman

97. Anduhur pinurputan, tading iparsobanan

Anggo uhur tinurutan, lang mar parsaranan

98. Timbaho ni simarban, ulang mago sanrigat

Age lingot panonggor, ulang lupa pardingat

UMPAMA
99. Ulang songon roba-roba galunggung,
Galakan indung-indung.
100. Dohor pe partubuh,
dohorando parhundul.
101. Songon sanggar i topi dalan,
Rombang marsidung-dungan.
102. Ulang alahan lopah,
Songon bah ambalotu.

103. Songon pangombahni nan Raham,

Tading tirahapni tupang.
104. Marsitungkol-tungkolan,
Songon suhat i raboyon.
105. Marsiamin-aminan ,
songon lambakni galuh.
106. Ulang ipodomhon,
Golapni tumba-tumba.
107. Sedo gogoh jingkat,
pa daoh dung-dung.
108. Borit do tangan ,
manggijighon na so adong.
109. Ulang ipangan na idaratni huyum
110. Madabuh jarum
Hu na pot-pot
Lang ididah mata
Tapi ididah uhur.