Sumber Mantad : Arena Wati (Dusun:1978)

Pinosuat Kawagu di: Caroline Loven

Kg. Pahu, Tuaran.
RINAIT
Rinait iso mantad do koborosuratan ih noilaan do gunoon id pogiolit-olitan do tinaru
Kadazan Dusun id Sabah. Korotion nopo do boros rinait nga “dikir para bobolian” ko
boboroson do bobolian. Rinait nopo nga iso genre koborosuratan di momoguno boros di
aralom oh rati om komoyon. Rinait kapa’ampai do sambayang montok pogindahu-dahuan,
piginawaan, pisasawaan, manading do Huguan siou om nunu-nunu nopo buruanon do
bobolian.

Rinait Tongkikir No Nabalu, Tongkolut Sinundu

1. Tongkikir no Nabalu, 1.Tongkikir di Nabalu

2. Tongkolut sinundu. 2.Tongkolut si hikmat sakti
3. Mongosik kondori, 3.Pucat kerana sakit berlarutan
4. Tatalangai painan, 4.Tubuh si dara
5. Poiilihan podiri, 5.Dibebaskan dari sakit berlarutan
6. Mulok muda raiyok tunturuk. 6.Pulih jelita mengangkat jari
7. Miampal kadangkaron, 7.Ampal di mentari terbit
8. Ompuan do katakadon. 8.Ompuan di ufuk timur
9. Odoi nakuro nokuran, 9.Aduhai, oh, aduhai
10.Minitiu mongoluh-koluh, 10.Adakah dikau menyuluh si dara manis
11.Ondiq po dayang pungadau? 11.Dara jelita seperti ini?
12.Ati dayang mangun dikot. 12.Si dara sudah tiba
13.Ampal patain libabou, 13.Ampal disembelih di kayangan
14.Tonduguk mogkopio. 14.Kopoioh di tubuh manusia
15.Walai moliugang, 15.Rumah si Bugang
16.Romboton di mogulu. 16.Akan diperangkap jaring
17.Takasok ku di tumpuk, 17.Kaulah tunggak rumah si Ampal
18.Kukupok di winorun, 18.Membawa pergi tanah yang subur
19.Bangkawan di Pitobogun, 19.Induk-induk Pitobougon
20.Tonobon di Pitobogun, 20.Mengurung rapat si Pitobugon
21.Ompuan do kosiladon. 21.Ompuan di pohon silad.

Glosari
1. Pitibogun : Roh Baik, roh dari mayat orang yang mati dalam perang untuk (sembuhkan
orang sakit)
2. Ompuan/Tompuan : Roh yang wujud daripada barang-barang keperluan seharian. Seperti
padi, sayur-sayuran, buah-buahan dan sebagainya.
3. Moligung: Roh jahat dari bintang berekor
4. Silad : Daun palas, sejenis daun plam yang amat dimuliakan, dipuja oleh orang Dusun dan
Murut, dijadikan peralatan dalam berbagai upacara.
 RINAIT

Nulud om Sinuat di: Mazliza Kamin

Sumber do rinait: Dusi Longgo (83 Toun)
Kg Keligan Lohan Ranau

RINAIT MANANOM PARAI

Supi ku komburongoh

Abori ku bunanai

Supi ku bunsul do rumikot

Korikot ku nodi walai komburongoh

Kankad do rakian

Supi ku komburongoh

Abori ku bunanai

Supi ku binsoho do rumikot

Komburongoh bintayag da sumabai

Korikot ku id walai kasabai

Ku kankad do rakian

Aganaku da koruba ahap oku

Kopalad garing-garing loyukko

Sansakorong ayayah

Papa lugus sawan

Taduk do garanai ladak da kalasawan

Korikot oku nodi walai do komburongoh

Apandai rumikot walai do rakian

Rinait nopo diti nga mantad id watas Ranau. Rinait diti maan do bobolian maso do
monimpuun mananom parai. Tudu nopo momurinait maso do monimpuun mananom parai
nga mada do orumbak oh parai ih tinanom. Alansan ngawi ih mananom do parai do oluub
sinuni do parai di tinanom diolo. Nga maso baino nopo nga amu no ogumu tulun id watas
Ranau do momurinait ontok mananom do parai tu kiugama no ngawi.

Glosari :

Rinait – Mantera

Komburongoh – Doa

Bunanai – Harapan / Impian

Supi – Kurniakan lah / Berikanlah

Korikot - Datang / Sampai

Kankad – Semua / Segala-galanya

 Nulud om Sinuat di: Moini Rubin
Kg. Bambangan, Tamparuli.

RINAIT MONGOI PONOLUHUT DO PARAI

Sontiningkang sontinadou
Kokosorou monoluhut di yarai
Iso oku dayang-dayang
mondo oku rago-rago
nga kasarahai ku ie yarai
kokiraai ku ie yilod

kasarahai ku monoluhut
tano bakai yanak undi
ano bakai simbaanisakayo toh saging-saging
pudaano toh rundik-rundik
saging-saging dit osilou
rundik-rundik dit bulawan
sakayon toh monoluhut
pasakayon toh hondika
pudanan toh rinadoi

rinait rati erti dalam bahasa melayu

monoluhut popouli menjejaki

sontiningkang iso oh timpu suatu jarak masa
sontinadau monongodou-ngodou berhari hari
mondo momonsoi membuat, membina
toh yati kita
yarai parai padai
yilod tombilod beras hancur
yanak undi, simbani komburongoh alat kelengkapan bomoh(daun/batang
herba)
kokiraai ambil kira
rago-rago, saging-saging balatak raga, bakul
rundik-rundik balatak raga
pudaano, pudanan owiton membawa
bulawan okolong berkilat, bersilau-silau
hondika, rinandoi parai biji padi
 Nulud om Sinuat di:

Binol Majingkal
Kota Marudu

RINAIT

Rinait nopo diti oponsol do kogunaaon di tinaru koubasanan kadazandusun tu iti no oh sondion ong
haro oh kobolingkahangan id iso om iso tulun miagal do sumakit. Ih bobolian lohowon do mongubat
di tulun dino mooi do omomogot mantad toruol. Maso do mongubat di tulun dii haro rinait do
gunaaon do popolingos di nunu nopo toruol. Koubasanan nopo id tinaru dahai kimaragang, ong
mongolohou nopo dii bobolian mositi ongoyon om potodon kagu id walai dau, nga ih oponsol po
nunu nopo pokionuwon di bobolian do owiton momurenait mositi hiumon gisom kokito. Miagal ko
manuk wotik topurak mositi ihumon gisom kokito om milo nogi papanau do renait. Hilo bolikan
sumusuhut diti poomitanan rinait tinaru kimaragang.

POOMITANAN RINAIT

Rinait Kogunoon / Ralan Momoguno

1. Uli-Uli Umpisa Balisa Uli-Uli
Miagong Bos Muli Gapon Membalas
Berkat Si Mumamad
Mamekai Oku Duah Uli-uli
2. Mis mila luraman luraim
olou riakun olao riulad
olou penahad kuralah wahad
3. Oi anak kemarakon
mengambil bilak kunik
tugor gunting sak niang
tawar bisa
4. Tulang langkau poit omis
aku sidayang ngaran di apang-ampang
nu tanak nokotungag
5. Unduk-unduk Rangkaka Aku
Mengunduk
Yoku Lumaang Tulun Tumuku
Sid Dogon Barakat Yoku Menguno Duo
Unduk-Unduk
Ponulak Ilmu Tulun Taraat. Ralan Dau
Maganu Iso Galas Waig Basaon do renait
Om Pesuon Id Koyuwan Intolu
Ponunsub rogon ih rumikot id walai.
Ralan dau maganu apat watang lisang om
tapug basaon do renait om nogi pesuon it
tapug id kayu lisang om potodokon it kayu
sid tisan walai.
Basaon iti rinait mooi do ih tondu amu
apagon do mongkosusu. Ralan dau
maganu tapu basaon om popihidon id tian
tondu di mongkorosusu
Momolingos do toruol tian. Ralan dau
maganu tapu om uhakan do rinait.
Popihidon nogi nondo ih tapu dii id tian di
oruol.
Rinait maso do Mibisara id Mahkamah.
Ralan dau Maganu Iso Gelas Basaon
Intolu Om Moju Nogi di Waig do Intolu
 Nulud om Sinuat di:
Evelyn Bagung

RINAIT: MOKIARIGAL

Kasambawonan ku sawat
Kadahuan! Koguiyunan!
Naambil ku, naiipau ku,
Kombitok tinirikusan.

Giangok managung-agung,
Managung-agung ih sawat.

Nuon ponimbukuok,
Inturuk po panampakok,
Pogumpipian di sawat,
Morongin monguwak,
Morongin nuwak inhukod,
Niadak kurilib.

Nasasak no irunduk,
Mirunduk di Kadahauan.

Nuon no rilib wagu,

Karantas ko suab.

Umum uluhhok tinanggok!

Kadak poninsungkadok
Lobui do tindahaton,
Pinggan kinosuyaon!
Tuluk loh ukon ninan.

Mindahuk inak Gumponot,

Mindahuk Kinorohingan.
Odoi sonong do noiirus!

Sugang ku hilo ih libabo,

Sugang hilo liwodon!

Nunu po inan sayug?

Morigal kopio.

Inkokoton ku landasan,
Otuduk nopo tunturuk

Hatus minomugarau.
 Nulud om Sinuat di:
Suida Masundang

RINAIT
Rinait gunoon do komolohingan di pogulu ontok popoindalan do iso-iso kalaja toi ko
mongugad do rusod-rusod di tangaraat. Soira do momoguno diti rinait, mositi tulun di koilo
do adat rinait om kararati kokomoi do rinait om nunu kakamot do gunoo.Sabaagi do
poomitanan nopo nga rinait do momuka tana’, toi ko do haro tulun sumakit, om nunu nopo
kososuaian do rinait.

Rinait Momuka tana’

Oi raja di kosuli,tumpu do kawalos, nokodop, nokoturui kou po ma. Linow pinow kou
ma songulunan sambakanan nga pipumpung pilintuun kopo siti asi oku dikau sumandak.
Aiso no raja dii kosuli. Tumpu di kawalos nokotikid nakanit,aso mongoduat isai oh
nokoporualan om nokoponokitan ati no boi sumandak, dayang nowit ku no hiti ih
nopokonokitan,nopokorualan,tu ino kinontodon kinohudan notungan nabaan it kayu it tagai.
Nosungkadan, notindakan, notikas, novintad, norilik,natarab,nosorob,awasi ko no do
ginawo. Osonong ko no do kiniro,tu ati no manuk tiyu, pangaraa pongorosi ku dikoo.
Ponogit panaru,manuk do kinoringan piyu do kinopunon pongolingos di ruolon,nolingasan
kabarasan.

Kooturan nopo do papanau diti rinait mositi momoguno do kakamot miagal do

manuk. Tudu nopo nga sabaagi do manahak taakanon kumaa di migigion hilo tionon do
wagu. Suai ko iri,kiharo ih signifikan dau do momoguno do manuk montok do momuka
tana.Sabaagi do poomitanan nopo nga,mooi ih mogigion au do mangasaou tulun om mirad
ko sumakit tai ko nunu nopo.

(Sumber: Mantad Zandi Ayuting Bt Lamahu,70 Toun)

 RINAIT

‘Aluganan’

Paitu tulang ko do atotopot, (Berpusinglah kau tulang sebenar)

Tanud noh lumuyung do waig, (Ikutlah mengalir dengan air)

Waya no tumalib do takanon, (Ikutlah berselisih dengan nasi)

Paitu om tindurus no, (Berpusing dan luruskanlah kedudukan)

Id tunturugukan di nokotolon, (Di kerongkong yang tertelan)

Di naakaakaan paitu no. (Termakan, berpusinglah)

(Rinait di Henry Japil mantad Kg. Kituntul, Tambunan)

‘Sunsuiyon Do Kitotoi’

Sunsuiyon do kototoi (Dari titi ke titi)

Tapadan di kadaiik (Merentas susuran tangga)
Gantong notimburulu (Tajau gantong telah jatuh ke sisinya)
Gusik pointuntuad (Tajau guci terbalik)

Ondog diyoh mamahad (Penghulu dukun bersihkan sampah)

Umbus diyoh mamaku (Umbus telah buang jauh)

Walai di loi mangantob (Rumah mereka telah direntikan)

Pogun di ‘lok mangamban (Kampung di sana telah tandus)
Kiampal do rumasam (Melawan ampal di kala hujan)

Yuras do gumompus (Yuras dalam hujan-banjir)

I-Ampal do kodumaat (Ampal berada di kilat)
Ompuan do gumonit (Ompuan di kilat meyambar)

Huriyong do kumalap (Huriyong di cahaya kilat)

Ompuan do buluntong (Ompuan di pelangi)
Ompuan do karalapan (Ompuan sambaran kilat)
Ompuan do Dabaron (Ompuan di Dabaron)
Takanan di Onsimong (Tempatnya makan Onsimong)
Onsimong di moninggoron (Onsimong yang berada di guruh)
Yolingkong monumporit (Yolingkong di guntur meledak)
Takanan di yonsakit (Tempat makannya semangat penyakit)

Pilowanan di oruol (Pegang menggenggam penyakit)

Tuntuntong di gumpipi (Lihat semangat dalam impian buruk)
Takanon di borikan (Bekas sajian tempatnya duduk)

Podsupuan di Randawi (Pawang di Randawi)

Sasalan di Runduhau (Landasan Ruduhau)

Sidam do kosupuan (Kejar menangkap mereka)

Sopisupuan ku noh (Bersama denganku)

Punihomboh di Roduon (Nafasnya Roduon)

Pinukiroh di Rapakon (Pernafasannya Rapakon)

Walai do Mogkotuk (Rumahnya Mogkotuk)

Pogun di Mogkotob (Di kampung Mogkotob)

Maragasu di libaboh (Maragasu di atas kayangan)

Mogukok di sarumbau (Berburu di petala bumi)

Kiosuon di rinibak (Tangkap mereka di bawah)

Kiosuon di sinahau (Buru mereka di bawah)

Okutu do tindahaton (Tumah di lautan)

Okuad do tindubokon (Telur kutu di samudera)

Ompuan do umpitakon (Ompuan yang telah turun ke bawah)

Ompuan do hilud Kotak (Ompuan di Kota Belud)

Ompuan do hilud Gonding (Ompuan di Gonding)
Ompuan do hilud Kolimah (Ompuan di Kolimah)
Ompuan do hilup Bobut (Ompuan di Bobut)
Ompuan do hilud Lansat (Ompuan di Lansat)

Ompuan do hilup sawak (Ompuan ke arah laut)

Ompuan do hilod natadon (Ompuan yang di halaman)

(Rinait mantad di Buuk Dusun ih sinuat di Arena Wati (1978))

 Nulud om Sinuat di:
Quatro Venture Misib

RINAIT
I nopo di pogulu po nga aiso ugama do takiodu tokou. Kotumbayaan nopo diolo nga roitan
do ‘animisme’. Monongkuyaan kasari yolo do Kinorohingan i minamangun nga id bontuk do
susuyan di tinungkusan diolo. Sambahyang nopo diti nga roitan do rinait.

Kiwaa duo sabap do nokuro tu momurinait o tinaru Kadazandusun; i) Popoidu nunu

nopo i tangaraat i kobingsakit, korumbak do tanom-tanom ngawi, kapatai do tayam om nunu
nopo ii kopogowit do kobolingkangan do tulun; om ii) montok monongolig do tinan id
paganakan di momurait om sombol ngawi dau, monongolig do tayam om tanom diolo mooi
do au araag toi ko’ opunso.

I nopo momurinait nga roitan do Bobolian. Soira nopo do momurinait nga

momoguno yolo do iso kain tanaru i roitan do sandai. Koubasanan nopo di poguulu, soira
papaharo do rinait mositi do popolubuk do songinan wogok di osuhatan ginayo. Tayam nopo
diti nga owiton id rinait sabaagi ponokolinubuk. Kopongkuyaan nopodo komolohingan
guugulu nga i nopo wogok nga tayam di korohian do tinaru mongumolig,om au nogi apagon
do posodiaon on osikap.

Baino, au nodii tinaru tokou osoruan do papaharo do rinait diti tu’ kiwaa nodii do
ugama. Nga kosoruan nopo di okito do papaharo do rinait nga soira kalapas ngawi di
mororobuat mongomot om monoud. Kalapas po monoud om poposuang nodii yolo o parai id
sulap toi ko’ tangkob, lohouon nodii i Bobolian do mooi monongkotoluod kumaa di sunduan
do parai roitan do Bambarayon. Id siriba diti okito pomitanan do rinait:

MAGAWAU DO PARAI
(BOROS DUSUN TAMBUNAN)

Posik kou rondika, ii tudau kou Rinadoi,

Ii nokodop kou tinaru, ii nokohong ou atawai,
Ii pihiango no ii tohingo, ii pirawaa noi rinongou,
Ii tohingo di Rondika, ii rinongou di Rinadoi,
Ii posik kou no poitomou, ii tudau kou no pihuntab,
Ii posik kou no om pisogumau, ii tudau kou no om pisogumpu.

Parai kou no om momuraan, pihod kou no om momusiang,

Parai kou no om kiyontodon, pihod kou no om titiyudon,
Parai kou no om kitababa, pihod kou no om kisisihui,
Parai kou no om dodokutan, pihod kou no om gagakaman,
Parai kou no om opi’indai, pihod kou no opiyawoi,
Parai kou no om, topisondiyan, pihod kou no mangawahu,
Mongoturu hingkut Rondika, magawahu tindai Rinadoi.

*( Rinait dii inan Sounggit Ampirut)

 Nulud om Sinuat di:
Lenne

RINAIT

Id tinaru kadazandusun otumbayaan yolo do tulun sumakit namaan kasaho toiko sampukan
do rogon, paragasu om korombuan ih mogion id puru, puun nunuk om minontolob.

Soira romikot nopo di paragasu, kiharo tasu mingusig kinorongou doid tulun kampong.
Ontok dii somosodop tadau do korikatan di paragasu, basao yolo no hiti rinait;

Sintak bariu! (Pergi pulanglah engkau!)

Iak tutum borihan! (Berpusing baliklah engkau!)
Som-putul oh mongusing, (Sebahagian meraung,)
Som-putul oh tusigon. (Sebahagian menyalak.)

Rati do rinaait: popogidu di paragasu mooi do au mongasou do tulun kampong.

Soira nopo haro tulun id hombo nopo walai sumakit, tobpinai di sumakit mooi no momolohou
songulun tondu lohowon ih bobolian. Songinan piak toiko manuk, songinan wogok om nogi
wagas tosilou owiton mooi hilo guas puun nunuk toiko tontolob roiton di bobolian do
“kisuang-suang”. Toinsanan do tayam om kakamot dilo pinatahak mantad do tobpinai di
sumakit. Id sahau do puun nunuk toiko watu tontolob no dii bobolian mambasa do rinait;

“Oi! Aki Raganan, indau untiba poati oku mekitulong di-kau. Banar-banar do ikau no ii
osundu om aladum do pinatai tad do tanah om tavan do ikai no ii kelingos om kapali do
tanual. Oi! Aki Raganan ati oku sumamong dikau do kivaro kesusahan. Aki tulongo oku
di-kau lingso poi lo taual di-tanak ku. Ati no ii sengam wagas di bianing om wogok.
Inawit ku iti do tumanud aku memarong do adat-adat no aki.”

Rati doid Boros Melayu: “Oi! Hantu yang menunggu batu puaka ini. Bangkitlah dari tidurmu
dan keluarlah dari batu ini, kerana saya minta pertolongan mu hai hantu. Kalau kau betul-
betul sakti yang diturunkan oleh yang maha esa ke dunia kerana untuk mengubati orang
sakit, maka tolonglah ubatkan sakit anak ku itu. maka beras kuning dan korban babi ini
adalah hadiah daripada ku.”

Ahapas nodi, posuangon disido ih wagas tosilou hiri poring. Raha, tundu-undu om topos
mantad id wogok om manuk nga posuangon nogi kaagu hiri poring di kisuang no do wagas
tosilou. Poilihon nogi kaka do ih poring hiri sakai watu toiko hiri sahau id nunuk di om
ponumbarasan nogi do kaka di bobolion;

“Oi! Aki Raganan, akano no diu hiti wagas tosilou, raha, tundu-undu om topos mantad
do wogok om manuk do hiti suang poring diti”

Kahapas nopo kaka dii nga muli nogi ih bobolian hilo id walai dau om amu mongitolikud
disido. Wogok om manuk di pinatai dii nga pologoson nogi kaka poilogos poingiliu piipiro

oh timpu mooi do Raganan monokodung di tayam pinatai dii. Sataga jam mantad timpu dii
om nowit muli ih poring kisuang hilo ih walai tulun sumakit dih.

GLOSARI

1. Paragasu - Roh jahat, sejenis roh pemburu semangat atau roh

manusia.
2. Korombuan - Ia ganti nama bagi golongan roh-roh jahat dan dibenci
3. Bobolian - Dukun
4. Raganan - Penunggu pokok ara atau batu besar
5. Minontolob - Kawasan batu besar yang dikelilingi hutan.