ACARA MANGKOBAR BORU

A. Pendahuluan

Acara mangkobar boru merupakan salah satu hal yang tidak dapat
dipisahkan dalam kehidupan kita. Kegiatan tersebut merupakan salah satu
bagian dari adat istiadat khususnya dalam adat batak. Acara ini merupakan
suatu rangkaian yang harus di jalani seseorang sebelum memasuki mahligai
rumah tangga.

Berikut adalah pemeran dalam acara praktek mangkobar boru:

NAMA NIM SEM

1. Mempelai pria : Muhammad Abdi 13 330 0064 V

2. Mempelai wanita : Dian nora siregar 13 330 0047 V

3. Orang kaya : Alimatussakdiyah Nst 13 330 0041 V

4. Suhut : Nur Asiah Batubara 13 330 0065 V

5. Hombar Suhut : Alimatussakdiyah Nst 13 330 0041 V

6. Anakboru : Ernayanti 13 330 0052 V

7. Kahanggi : Enni Etika Mardia 13 330 0050 V

8. Harajaon : Nur Asiah Batubara 13 330 0065 V

9. Hatobangon : Enni Etika Mardia 13 330 0050 V

10. Do’a : Arman Batubara 12 330 00 VII

11. Pandongani alaklai : Nur Halimah 12 330 00 VII

12. Pandongani boru : Khorunnisa 12 330 00 VII

1
B. Perlengkapan dalam Acara Mangkobar Boru

Berikut adalah perlengkapan yang disediakan pada saat acara

mangkobar boru yaitu:

1. Indahan Tukkus/ jagar-jagar.

2. Ulu ni ambeng/kerbau.

3. Burangir si rara huduk.

4. Pinang dan Gambir.

5. Timbako tali.

6. Soda.

7. Ikan mas.

8. Telur.

9. Sira dan Amak lampisan.

C. Kata Yang Disampaikan Saat Acara Mangkobar Boru

Berikut adalah kata-kata yang lazim disampaikan dalam mangkobar

boru, yaitu:

HATA NI ORANG KAYA

Assalamualaikum warohmatullohi wabarokatuh.
Puji syukur mari ma sama-sama ita panjatkon tu hadirat ni tuhanta na
madung malehen di hita kesehatan tarlobi-lobi kesempatan sahinggo bisa ita
markumpul di acara parsidangan na mulia on, atope pade dokonon di pantar si
ria on ima di bagas ni anakta si Abdi dohot si Dian nora.
Inda luapa songono juo salawat dohot salam marima samo-samo ita
hadiahkon tu arwah ni nabinta nabi besar Muhammad saw. Harana syafaat ni
beliau do na ita haropkon muloi sian dunia on tarlobi-lobi tongkinnai tu ari na
parpudi. Na berlafaskon allohumma solli ala saidina Muhammad wa ala ali
saidina Muhammad. Na ami hormati ima tu barsisan suhut (keluarga/famili

2
sian adaboru). Kemudian tu barisan anakboru (atope barisan keluarga/famili
sian halak lai), satorusna anak nami boru nami, umum na koum-koum sasudena
namadung menyempatkon waktuna, maringonkon langkahna anso bisa
markumpul di bagas si riaon on.
Songoni artina au sebagai orang kaya ima namamimpin acara
parsidangan adat namulia on. Ita muloi ma acara ta sian
1. Si pandokkon hata, ima na parjolo tu barisan ni suhut.
2. Kemudian dilanjutkon hombar suhut.
3. Nasatorusna dilanjutkon buse ma tu barisan ni anakboru.
4. Di patorus buse ma tu kahanggina.
5. Kemudian harajaon.
6. Hatobangon,sian huta nita on.
7. Songoni artina nangkinan i ima tu si pandokkon hata, kemudian di
lanjutkon buse ma tu si pangalusi hata, ima tu anak nami si Abdi dohot
boru nami si Dian nora.
8. Pala madung siap naron di alusi alai baru ma mardoa ita tu tuhanta.
9. Do’a
10. Marrasoki (Penutup).
Sebelum ita muloi sian si pandokkon hata dison artina adong burangir
si rara huduk si bontar adop-adop goarna, angkon naget bagi-bagi on tu koum-
koum sasude na madung hadir di acara parsidangan on, adope suhut habolonan
lehenima tu koum-koum burangir i anso ita muloi acara nitaon. Harani madung
siap do tong di bagi burangir nangkinan i sebelum ita muloi sian si pandokkon
hata, untuk mengambil berkah na mari ma samo-samo ita mangucapkon
basmalah…
Songoni artina nangkinan i naudokon na parjolo ita muloi ma sian
barisan suhut, di parsilaon ma suhut.

3
 HATA NI SUHUT
Assalamu’alaikum wr.wb.
Santabi sampulu, sampulu noli santabi di langit na hu junjung ditano
na hu jojahi. Parjolo au marsantabi ampot adong na hurang lobi. Taradop tu
sahala ni anak ni raja-raja dohot anak ni na mora-mora. Sumurung lobi di raja
panusunan bulung, haruaya parsilaungan, bandir paronding-ondingan, na malo
sumambut lidung, patama nadi angan-angan.
Di son, sumurdo burangir nami, ima burangir si rara huduk, sibontar
adop-adop, dalan mar galas bisuk, paboahon na dung dapot. Ima burangir na
hombang dua sarangkap, anso hombang tahi mardomu pokat.
Pangitean ni andung dohot lidung taradop anak ni raja-raja dohot anak
no na mora-mora, di parsidangan na mulia on. Ia anggo dalan ni sinta-sinta na
palalu si godang ni roa, ima salaho di langka-langka si anak sinuan tunas:
Na patan-tan si manjolak,
Na pagayung alang si mangido,
Langka tu huta ni alak,
Bagi adong rongkap ,marsuo.
Mangkail-kail sipuntung,
Mar sambil barapati,
Mangadu-ngadu untung,
Manjalahi dongan satahi.
Baen adong do, na maribo ni roha, taringot di langka-langka ni anak
na tandang marepal-epal, na palagut luluk dohot simbora, na mardalan
marengal-engal manjalahi tumbuk ni roha.
Ima gadis na uli bulung,
Si nuan bayu ni morana,
Na malo sumambut lidung,
Paihut roha ni anak namboruna.
Baen madung salose adat dohot ibadatna, taringot mada ompu i di
niet, taradop anak lomo-lomo, tikki partubuna, naro sian laut naso mar ombak.
Sareto godang ni roha ni kahanggi dohot sude di anak boru, di haroro ni

4
parumaen ina panyunduti. Muda anak on simbur magodang, nangkan
pajuguhon do dijuluan, dijoloni anak ni raja-raja, songoni dohot anak ni na
mora-mora. Dalan manuk tukkon, patidahon godang niroha. On mada na di
parsintahan, somba tu anak ni raja-raja, songon i dohot tu anak ni na mora-
mora. Holos ni andung dohot lidung, anso saut dohot tulus. Anso ulang songon
si ngot-ngot di bagasan ipon, tungkol di bagasan ngadol.
Ima bere, anak nami on godang ni pamatang sajo doon, pala
pangalaho na danakan dope on. Ajari ia bere anso manjadi istri na taat dohot
sholeha. Ho pe inang, malo-malo ho mambuat roha ni bou mu, malo ho
pamasuk dirimu tu alak an. Upasikola doho inang, di sikola na maragama so
pade ho. Upature do sude mulai parabitonmu sampe tu parbagasanmu inang.
Ulang ko lupa tu umak mu dohot tu anggi mu inang, pala adong masalah pade-
pade saloson kamu bere dohot ko inang. Tarsaima hata sian au mewakili suhut.
Baen dison dope kahanggi, tarlobi di anak boru nana gogo marjujung,
dipasahat dipatama hobar on, maradop anak ni raja dohot anak na mora,
botima. Assalamu’alaikum wr.wb.

5
 HATA NI HOMBAR SUHUT
Assalamu’alaikum warohmatullohi wabarokatuh.
Syukur Alhamdulillah mari ma samo-samo ita panjatkon tu hadirat ni
tuhannta na madung managalehen dihita kesehatan songoni juo kesempatan
sahinggo bisa ita markumpul di acara parsidangon namulioa on ima di pesta
pernikahan ni boru nami si Dian nora.
Nasatorusna salawat dohot salami ma tu arwah ni nabinta nabi
Muhammad saw. Namadung menjungkirbalikkon ummat na muloi ngon alam
kegelapan sampai tu alam naterang benderang na disinari cahaya iman dot
islam ima na hita rasoi saat on, na berlafazkon allohumma solli ‘ala saidina
Muhammad wa ‘ala ali saidina Muhammad.
Santabi sampulu, sampulu noli au marsantabi.Ima tu hadopan ni raja-
raja songoni na mora-mora. Tarlobo-lobi di ompunta na martua marsahala. Na
malo pasahut patulus godang ni roha. Sonngoni artina di parsuoan on na lain
sian .Godang ni roha, songoni artina au dison sebagai hombar suhut.
Na get mangalehen sapatah dua patah hata. Ma nambai sian si
pandokon hata ne pertama. Hamu nadua sajoli. Na juguk di amak lampisan.
Horas amu sian on tu pudi. Totop hamu di bagasan hadengganan. Hamu
madung di patobang adat. Di tinggalkon ma maso maposo. Hami tuturi
manurut adat. Anso malo hamu adat panglaho. Amang inang di jolo munu
tarpayak indahan ribu-ribu.Sanga pe indahan si godang manita. Pangidoan
hombang ratus hombang ribu. Martamba-tamba hama mora. Tarsaima sahat ni
hata. Rajanta doma pasahat patupasa ima tu tondi dohot badan munu. Botima.
Assalamu’alaikum wr.wb.

6
 HATA NI ANAKBORU
Assalamu’alaikum warohmatullohi wabarokatuh.
Syukur Alhamdulillah hita ucapkon tu hadirat ni tuhanta na madung
mangalehen di hita kesehatan dohot kesempatan sahinggo nian tarlaksana dope
parsidangan na mulia on. Salawat dohot salam ita hadiah kon tu nabi
Muhammad saw. Na madung mambawa ita dari alam kegelapan tu alam na
terang benderang nadi sinari cahaya iman rap Islam.
Nau hormati ima tu barisan suhut, harajaon, hatobangon, umumna
koum-koum sasudena na madung manyempatkon waktu na manghadiri acara
parsidangan ni anakta si Abdi rap si Dian Nora. Santabi sampulu sampulu noli
au marsantabi, tu barisan ni anak ni raja, namora, kahanggi songoni buse ma tu
harajaon dohot sasudena. Sauduran mangiutkon hata ni namora songoni hormat
tahi tu anak ni raja dumpang ninna godang ni roha ima di haroroan tulang
naposo nami anakboruna. Dison pira manuk na dihobolan sira na ancim
pandaian anso hobol tondi dohot badan dapot buse nian parsaulian.
Tumbur ni bulu tolang
Nung-nung marbola dua
Simbur laho magodang
Peng-peng lahu matua
Dison di haroroan name tu bagas ni alak eda, artina ami naget patobang adat
anak nita on ima na margolar si Abdi dohot si Dian Nora.
On anak nami on na margolar si Abdi parange do ninna na humposo,
boti nian nahurang pamikir, songoni buse nian tu pangalaho. On ma baen naro
hami nadisuruh nimora dohot harajaon, songondia uhum ni jagiton nami anso
malo hami pabohaon na tu halak sahuta. Sahotik do hata si paingot, ho nian
anak ku Abdi, ho madung di patobang adat, artina ho madung amang adong
tanggung jawabna. Songoni buse amang jadi on ma orangtua mu na di bagason
sarupo mai dohot orangtua mu sandiri.
Songoni buse ho parmaen ku Dian jadi on buse ma orangtua mu
sarupo ma dohot orangtua na di topotkon mu. Inang mu gogo nada sadia boti
buse na bariba tangan, malo-malo ma hamu amang inang na mangatur rumah

7
tanggaon. Rumbuk ma hamu nian nadua sajoli mudah-mudah an jadi keluarga
sakinah, mawaddah, warohmah. Dapot buse nian anak na soleh dohot nasoleha
na marguna tu keluarga. Tarsaima hata sian au botima. Assalamu’alaikum
warohmatullohi wabarokatu.

HATA NI KAHANGGI
Assalamu’alaikum warohmatullohi wabarkatuh.
Sanatabi sampulu, sampulu noli au marsantabi. Hujujung do jari
sampulu, pajonjong adat dohot ugari. Natutu mada andung dohot holos suhut
siabolonan. Taringot di lakka-lakka ni anakta si nuan tunas. Palagut luluk
dohot simbora dongan timbako tali, na paihut arsak ni roha manjalahi dongan
sa tahi. songonon mada ibana na paihut-ihut dalan, na pahulu-hulu bondar na
paihut padan ni ompunta, naihonan manjalaki dongan matobang, mula hami
kahanggina lain di songon ni pandokkon ni umpama doda
Naga-naga tus-tus
Naga-naga ditomboman
Naga-naga napatulus
Na pasahut di angan-angan
Poken kayu laut
Torang ari di tarlola
Baga-baga di paihut
Ulang ma nian sanga mangua
Mula dapot ditikkina sang ape dimason, anso nian martoruk ni abara
ma sude anak ni raja , boti anak namora paihut patuluskon jana pasahat pasang
galuda ni si godang ni roha. Tarsaimada hata sian hami kahanggina u sudahi
dohot salam
assalamu’alaikum warohmatullohi wabarokatuh.

8
 HATA NI HARAJAON
Assalamu’alaikum wr.wb.
Pertama-tama hita ucapkon ma puji dohot syukur nita tu Allah SWT,
nadung mangalehen di hita kesehatan dohot kesempatan sehinggo hita bisa
marlugut di bagas na marbahagia on. Songoni buse, shalawat dohot salam tu
nabi ta, nabi besar Muhammad SAW, namadung mangangkat hita sian alam
kebodohan tu alam na bahat dohot ilmu songoni pe moral. Au selaku harajaon
di kampung on, get manambahi nasehat doma tu amu bere dohot inang nami.
Arana attong madung rap hita tangihon do nakkin hata-hata sian barisan suhut,
anak boru songoni buse dohot kahanggi. Au sekedar memperjelas dohot
manambahi doma botima. Di son di jolo namu di suguhon do indahan tukkus
dohot jagar-jagar guar na.
Arti ni i bere-inang , pala adong saulakon rasoki namu namar rumah
tangga i, ulang lupa amu bere-inang ingot kamu orang tua namu. Ulang lupa
amu bere-inang lek tunduk kamu tu na lobi tobang ngen kamu nadua. Rendah
hati amu bere-inang arana jadi sukses kamu saulakon abenna kasih sayang ni
umak dohot aya’ namu do pagodang kamu dohot pasikolahon namu. Baru di
indahan i adong do telor dohot sira di ginjang nai. Arti ni i, rasa ni sira i sama-
sama hita boto asin doi, tapi pala inda adong sira di masakan i, inda tabo rasa ni
masakan i. On mada arti na bere-inang nami, dalam rumah tangga adong do
maso na tarjadi masalah. Tapi, baen hamu ma masalah i songon sira nakkinan,
ima sebagai bumbu-bumbu penyedap doi namar rumah tangga i bere-inang.
Baru attong adong do pinang, gambir, burangir, timbako di
pajuguhon di ginjang ni tampayan on. Arti ni i bere dohot inang nami get
manghormati leluhur doon. Dohot melambang kon acara siriaon nita sadarion.
Tarsaima mungkin hata sian au harajaon. Urang lobi na au mangido moof.
Usadahi ma dohot salam. Assalamu’alaikum wr.wb.

9
 HATA NI HATOBANGON
Asssalamu’alaikum warohmatullohi wabarokatuh.
Puji dohot syukur inda lupa hita panjatkon tu hadirat ni tuhanta na
madung mangalehen di hita kesehatan boti juo kesempatan sahinggo bisa ita
markumpul di parsidangan na mulia on.
Salawat dohot salam inda lupa ita hadiahkon tu ruh nabi besar
muhammad saw nadia syafaatna do na hita haropkon di hari na parpudi di
kesempatan on au selaku na mawakili hatobangon sian huta on nangkin
madung hita bege do tong nasehat ngon suhut, kahanggi, boti anakboru mudah-
mudahan nian hamu nadua na hami sandingkon di parsidangan namuliaon bisa
hamu ma nian malaksana on na sude di kehidupan rumah tangga namu. Mula
adong do tong parbadaan di hamu malo-malo ma hamu elek marsielek an olo
marsioloan anso ulang adong hata parsarakan.
Mudah-mudah an nian jadi keluraga na sakinah, mawaddah dan
warohmah ma nian hamu. Nada be bahat da hata na dapot hu samapaion
mungkin tarsaima hata sian au selaku mewakili hatobangon sian huta on
usudahi ma dohot salam. Assalamu’alaikum warohmatullohi wabarokatuh.

10
 SI PANGALUSI HATA
1. Mempelai Wanita
Assalamualikum wr.wb.
Pertama-tama hita ucapkon ma puji dohot syukur nita tu Allah SWT,
nadung mangalehen di hita kesehatan dohot kesempatan sehinggo hita bisa
marlugut di bagas na marbahagia on. Songoni buse, shalawat dohot salam tu
nabi ta, nabi besar Muhammad SAW, namadung mangangkat hita sian alam
kebodohan tu alam na bahat dohot ilmu songoni pe moral.
Dison au mangalusi hata, sian umak, hatobangon songoni harajaon
dohot sude tu koum-koum nami sangan pe hata ni bou. Tarimo kasih ma tu
umak, namadung pature au nulai sen menek sampe marbagasku. Nangge adong
be umak urasa na hurang pambaenan ni umak tu au, madung pas ma urasa
umak. Mangido moof au umak pala inda tarbalas au dope aha nadi baen ni
umak tu au, songoni perjuangan ni umak selama on tu au inda tarbalas dope
umak. Ulang marsak umak sangape mabiar, arana bope madung langka
matobang au umak lek uingot do umak i. Sude nasehat ni umak insyaallah
utarimo doi umak dohot ulaksanaon do sude aha-aha hata si paingot nadi lehen
tu au. Tarsaima nian hata sian au, usudahi ma dohot salam.
Assalamualaikum wr.wb.
2. Mempelai Pria
Assalamu’alaikum wr.wb.
Tarimokasih sude tualak nantulang dohot halak sahutaon na madung
hadir di pernikahan namion, uida tong baya, tanda do di son naidokkon ni
pepatah sa anak saboru, uida tong pade do sude na i baen ni nantulang on, di
haroro nami sadarion. On ma nantulang uoban ma boru ni nantulang on, ulang
se mabiar nantulang upature pe ia denggan mulai sian parabiton sampe tu
pangalaho nia. Berusaha pe ami bina rumah tangga nami on. Songon dia na
diharopkon sasudena ima keluarga na sakinah, mawaddah, warohmah. Pala
lungun roa ni nantulang tu boru ni nantulang on lek ro do ami mangulangina tu
bagas on nantulang sanga pe nantulang ro tu amian saulakon. Tarsaima hata
sian au, usudahi ma dohot salam. Wassalamu’alaikum wr.wb.

11
 DO’A

Assalamu’alaikum wr.wb.

‫صالَ ةُ و ا ل َّسالَ ُم‬ َّ ‫ اَل‬.‫ بِ ْس ِمأ هَّلل ِ ا ل َّر حْ َم ِن ا ل َّر ِحي ِْم‬. ‫اَ ُعوْ ُذ بِا ا هَّلل ِ ِمنَ ا ل َّش ْيطَا ِن ا ل َّر ِجي ِْم‬
َ ‫ َو َعلَى اَلِ ِه َو‬. َ‫ف ا اْل َ ْنبِيَا ِء َو ا ْل ُمرْ َسلِ ْين‬
‫ اَ للَّهُ َّم ْغفِرْ لَنَا ُذ نُوْ بَنَا‬. َ‫صحْ بِ ِه اَ ْخ َم ِع ْين‬ ِ ‫َعلَى اَ ْس َر‬
‫ َر بَّنَا ظَلَ ْمنَااَ ْنفُ َسنَا َو اِ ْن لَ ْم تَ ْغفِرْ لَنَا َو تَرْ َح ْمنَا‬.‫ص ِغ ْيرًا‬
َ ‫َو لِ ْي َو لِ ِد ْينَا َورْ َح ْمهُ َما َك َما َر بَّيَنَا‬
‫ َر بَّنَا اَ تِنَا فِى ا ل ُّد ْنيَا َح َسنَةً َو فِى ْاالَ ِخ َر ِة َح َسنَة َو قِنَلال َع َذ ا‬. َ‫لَنَا ُكوْ ن ََّن ِمنَ ْالخَا ِس ِر يْ ن‬
‫ب ا لنَّا ِر‬.
َ
Ya Allah, ya tuhan kami. Ridhailah apa yang kami kerjakan hari ini.
Berkahilah pernikahan mereka ya Allah. Berilah keberkahan kepada kedua
mempelai. Jadikanlah, mereka keluarga yang sakinah, mawaddah dan warahma
ya allah. Berilah keduanya anak-anak yang sholeh dan sholeha ya Allah.
Jadikanlah keduanya sebagai keluarga panutan yang bisa bertetangga dengan
baik dan rukun dalam setiap pergaulannya ya allah. Amin,,amin,,amin,,ya
rabbal ‘alamin. Alhamdulillahirobbil ‘alamin. Wassalamu’alaikum wr.wb.

12
D. Penutup
(Oleh Orang Kaya)
Harani madung siap do tong hita laksanaon adat rap ibadatna. Dison
artina madung tarpayak dijolo nita indahan ribu-ribu mari ma samo-samo ita
parrasokion. Harani madung siap dotong hita parrasokion bersama, songoni
artina au dison sebagai orang kaya, bege amu amang inang tu sude tutur kata, si
paingot ni ayah umak munu songoni juo tarlobi-lobi tu haraja on, hatobangon
mudah-mudah an nian sude si paingot nangkinan i tartarimo badan dohot tondi
munu, baen golomon ni ngolumunu. Mudah-mudahan amang inang manjadi
keluarga na sakinah,mawaddah, warohmah hamu.
Songoni artina nangkinan i mana tau adong hata-hata atope tutur kata
sipaingot naso dijugukan na dison au mewakili mangido moof maradu tu
koum-koum sasudena, tarsaima sahat ni hata manyusun adat ni ompunta
semoga tar pelajari ma sude pomparta…
HORAS…HORAS…HORAS

E. Kesimpulan
Acara mangkobar boru merupakan salah satu hal yang tidak dapat
dipisahakan dalam kehidupan kita, mungkin semua orang pasti mengalaminya
sebelum memasuki mahligai rumah tangga. Dalam acara mangkobar boru ada
rangkaian acara, baik dari barisan suhut maupun anakboru, harajaon,
hatobangon. Yang semuanya itu memberikan nasehat, bekal kepada kedua
mempelai, sehingga apa-apa yang disampaikan-nya menjadi pegangan kedua
mempelai dalam menjalani bahtera rumah tangga ke depan nantinya.

F. Saran
Dengan adanya makalah ini, penulis berharap agar para pembaca
mengetahui bagaimana tahapan-tahapan dalam mangkobar boru, dan apa-apa
saja yang harus disiapkan sebelum mangkobar boru. Dan makalah ini bisa
menjadi sumber informasi bagi pembaca. Dapat memperluas wawasan para
pembaca, sehingga nanti dapat teraplikasikan dalam lingkungan kita.

13
 DAFTAR PUSTAKA

Perkasa Alam Ch.St. Tinggibarani dkk. (1977). Buku Pelajaran Adat Tapsel,
Padangsidimpuan.

14
 LAMPIRAN GAMBAR

Pembagian burangir kepada semua orang yang mengikuti acara

mangkobar boru.

Orang kaya (baju warna krem) sedang menyampaikan susunan

acara mangkobar boru.

15
Suhut (baju ungu jilbab ungu) sedang menyampaikan hata kepada
kedua mempelai.

Anak boru (baju putih jilbab pink) sedang menyampaikan nasehat

kepada kedua mempelai.

16
Kahanggi (baju putih jilbab hijau) sedang menyampaikan nasehat

kepada kedua mempelai.

Harajaon (baju ungu jilbab ungu) sedang menyampaikan hata sipaingot

kepada kedua mempelai.

17
Hatobangon (baju putih jilbab hijau) sedang menyampaikan hata-hata

nasehat kepada kedua mempelai.

Kedua mempelai (kebaya pink dan laki-laki berkopiah hitam)

sedang mangalusi hata dari suhut, anakboru, kahanggi, mora dan harajaon.

18
Suasana saat berdo’a menutup acara.

Acara marrasoki (memakan nasi yang disediakan).

19
Kedua mempelai hendak berangkat menuju rumah mempelai pria.

Kedua mempelai hendak berangkat menuju rumah mempelai pria.

20