Karya :arif fadilah

MUSTIKA PANCAR LIUNG

Di sebuah kerajaan yang aman damai dan sejahtra terdapat lah sebuah kampung nang andaknya di
tangah sungai antara muara ba tamu muara di kulilingi pusaran banyu baliuk kampung ini bangaran kampung
liuk banyu. Limbah kajadian seorang tokoh atawa tutuha di kampung liuk tersebut maninggal dunia
,seringkali terjadi musibah di daerah kerajaan nang kada masuk di akal nangkaya jukung tabalik,ada nang
mati lamas di banyu baah,ada jua maunjun di sungai liuk kada sing pakulih. Ketika habar kada baik ini
sampai ka karajaan ,membuat aparat kerajaan menjadi bertanya tanya,ada apa hal yang sebenarnya terjadi
karena skian ratus tahun kampung nang biasanya aman damai wahini timbul rancak terjadi bencana.

Babak 1

Di sebuah istana kerajaan samudra tirtamanik(sebuah ruang sidang di mana terdapat dua buah tahta(tempat
raja dan permaisuri)

Dua orang pengawal yang berpangkat Harapan pertama dan harapan ke dua memasuki balai persidangan

H1:Setelah kita sampai dan memasuki balai persidangan ada lebih baik kita memperkenalkan nama kalawan
jabatan kita,bujur atawa kada dangsanak?

H2:bujur banar dangsanakai!

(bertukar tempat)

H1:masin di wadi iwaknya sapat ,gangan kaladi sayur balamak,karena aku tadahulu di kerajaan ini menjabat
,alangkah bagus ikam mamparkanalakan diri badahulu dangsanak.kaya apa dangsanak?

H2:akur dangsank

(bertukar tempat)

H2:Jumbran julkarnain jaman tersebut!aku nang baisi ngaran,terpangkat sabagai harapan kedua di kerajaan
samudra tirtamanik ini .20 tahun lalu di aku batasmiah ngaran kada pernah baubah ,ngaran di ulah bagus
jadi jamaah,rajin ba ibadah ,kalawan sasak taguh iman jauh di lamah ,tapi mun di gawil babinian mau ai
bukah siup atawa rabah.Kaya apa dangsank?

H1:bujur banar dangsanakai!

(Bertukar tempat)

H2:Panah ku panah arjuna ,kupanahakan ka siring sagara.barang siapa batatap lawan aku nang baisi
mata,lamun kada bakijip pasti urangnya buta. Kaya apa dangsanak?

H1:Dasar kada tasalah dangsanakai

H2:Setelah aku memperkanalakan diri kalawan jabatan sekarang giliran ikam lagi dangsanakai?

H1:boleh dangar dangsanak?(maju ke depan dan H2 Mundur)

H1:simbatan halang kumbang asmara aku nang baisi nama terpangkat sebagai harapan pertama di kerajaan
samudra tirtamanik ini,bertahun tahun aku menjabat sebagai harapan pertama di ini kerajaan kada pernah
mendapat pandiran kada baik dari paduka sultan,bujur atawa kada dangsanak?

H2:Luput amun kada bujur dangsanakai:

H1:sesuai lawan aku baisi ngaran simbatan halang umpama gagah balincai kamana batis balangkah biar
sangar tatap baik hati macam kumbang nang mangulilingi kambang ibarat mambaawa hati nang barasih
mancari kasih asmara. Kaya apa dangsanak?

H2:akur babanaran dangsanakai?

H1:Bila mana kita sudah memperkanalakan diri kalawan jabatan kya apa limbah ini menurut pikiran harapan
ke dua?

H2:Sesudahnya kita memperkanalakn diri kalawan jabatan ayuha kita mempersiapkan balai
persidangan,karena sebentar lagi seorang perdana mentri datang mamariksa gawian kita

H1:mari dangsanak.

H1 DAN H2 kembali bersampingan pada posisi dan serempak maju memmpersiapkan mengitari ruangan dan
kembali ke penjagaan .

BABAK 2:

Perdana mentri(PM) memasuki arena (menghadap ke penonton)

PM:akulah nang bangaran indrajaya cakra cendekia berpangkat sebagai seorang perdana mentri di kerajaan
samudra tirtamanik ini,diparintah untuk memeriksa gawian harapan pertama antara kedua , (berputar di
tempat dan membelakangi harapan 1 dan 2)

PM:harapan pertama antara kedua juga?

H1&H2:harap ampun perdana mentri

PM:buka lawangan basar aku ingin memeriksa gawian buhan ikam badua

H1&H2:Silahkan perdana mentri

(perdana mentri masuk menuju meja sidang berhenti dan berdiri di balai sidang ketika sampai langsung
mengetuk meja 2 kali dengan tongkat)

PM:senang hati indrajaya cakra cendekia seorang perdana mentri melihat gawian ikam badua

H1&2:Terimakasih perdana mentri

PM:sebelum aku memanggil paduka sultan dan seluruh aparat kerajan,aku handak batakun lawan ikam
badua?

(Perdana mentri maju ke depan berdiri di depan meja sidang)

PM:harapan kedua kau unjuk muka ke hadapan aku seorang perdana mentri

(H2 Maju beberapa langkah)

Karya :arif fadilah

PM:aku ingin bertanya untuk apa engkau letakkan mandau bersilang ,tumbak ,kalawan talabang ssusun 3 di
atas dinding balai sidang kerajaan?

H2:Ulun andak mandau bersilang ,tumbak kalawan talabang susun 3 di balai sidang kerajan itu artinya
kerajaan kita siap sadia melawan dari sagala ancaman musuh baik nang fana maupun nang gaib,perdana
mentri

PM:dan untuk apa engkau pasang caramin ganal kalawan kain kuning di atas dan sisi karajaan

H2:caramin ganal kalawan kain kuning itu artinya kita akan slalu siap melihat musuh dari kajauhan baik dari
kiwa kanan atas bawah muka atawa balakang dan kain kuning itu artinya simbol kita selalu ingat lawan nang
kuasa lawan ingat wan bubuhan kula padatuan kita nang bahari mamparjuangakan karajaan ini paduka.

PM:bagus ,kada rugi ikam di diklat sumalam di mandiangin,silahkan kembali ke tempat dan harapan pertama
unjuk muka kehadapan aku empunya diri?

PM:Harapan pertama untuk apa engkau hamparkan permadani hijau ,gilang gumilang di hiasi dinding air
guci batatah manik pucuk rabung kalawan naga balimbur halilipan kadangan ular lidi mangapit kumala

H1:Permadani hijau gilang gumilang air guci batatah manik nang artinya kerajan kita selalu sejahtra
siaga,aman damai,tanpa bakakurangan mulai dalam karajaan sampai masyarakatnya paduka.

PM: waduhai bagusnya pakarjaan angkau bardua,karena satumat lagi seorang paduka sultan memasuki balai
persidangan .harapan pertama antara kedua juga hati hati engkau punya penjagaan.

H1&H2(MEMBUKA pintu penjagaan Pm menjemput paduka lalu masuk kembali beserta sultan dan staf)

Raja masuk beserta staf berdiri di depan pintu penjagaan

Raja:Setelah kita sampai di depan balai pintu penjagaan ada lebih baik segera kita masuk ke dalam balai
persidangan,benar atau sebagaimana ayahnda wajir?

Wajir:ada benar sekali padukaa sultan

(raja beserta staf memasuki balai sidang)

Raja:tersebut beta seorang pimpinan di karajaan samudra tirtamanik nang bangaran sultan tirta panca
buana,41 anak raja di raja tunduk berkhidmad di bawah pimpinan beta empunya diri,apa benar atau
sebagaimana ayahnda wajir?

Wajir:benar adanya apa yg di katakan anaknda sultan,hamba fuad abdullah selaku wajir tunduk di bawah
duli pimpinan paduka yang mulia.

Raja:beta lah sultan yang bermahkota kan tinggi intan yakud zambrud nilam baiduri mamarintah adil
kadangan bijaksana,apa benar mamanda mangkubumi?

Mangkubumi: itu benar sekali paduka yang mulia?

Raja:senang beta di hayat oleh seluruh staf kerajaan boleh dangar beta memuja kerajaan

Semua staf: kami mandangarakan!

(Musik masuk dan mulai,raja beramai)

Raja:setelah beta memuja kerajaan ramai atau sebagaimana menurut seluruh staf kerajaan

Seluruh staf:ad ramai sekali paduka sultan

Raja: harapan pertama antara kedua juga engkau berdua beta perintahkan untuk lebih meramaikan lagi

H1&H:Boleh dangar paduka sultan

(Musik_main)

Raja: Setelah kita meramaikan kerajaan apakah langsung saja kita memulai persidangan pada hari ini?kaya
menurut pemikiran ayahnda wajir

Wajir:Alangkah lebih baik lamun kita mahadang seorang panglima perang,begitu menurut pemikiran
soerang wajir paduka sultan

Raja:lamun kaya itu kita hadangi,harapan pertama Antara kedua juga hati hati engkau punya penjagaan

H1&H:dAulat paduka sultan

(masuk musik)

Panglima perang(PP):LINcai kalabang wirasakti aku nang baisi ngaran terpangkat sebagai kepala pertanda
atawa imam perang di kerajaan n samudra tirta manik ini,40 tahun aku menjabat kada pernah mendapat cacat
kalawan cela dari paduka yang mulia,ada apa kiranya paduka sultan memanggil seorang kepala pertanda
atawa imam perang nang lagi batapa di bawah bukit macan halimunan,apakah ada kekacauan atawa ada nang
maharu tanah banyu karajaanku, lamun kada malincai mambarubut isi paparutan jgn sambAT Diaku baisi
ngaran haaaiiiii.(berputar)

Panglima perang:kulihat bendera kibar kibaran di atas sungkul garis langit malintang,kiranya ada rapat
mufakat di dalam kerajaan, kumpai ilalang rami baampar,ampar batata tahu di basa , jangan di tangguh muha
nang sangar,lakun tatap baadab lwn nang tuha jua taat lwn nang kuasa,haiiii

Panglima perang:setelah aku sampai di depan pintu gerbang kerajaan ,alangkah lebih baik aku langsung
menghadap lawan paduka sultan, Harapan pertama antara kedua ?

H1&H2: harap ampun panglima perang

Panglima perang: Buka lawangan basar 15 meter ka kiri 15 meter ka kanan,karana langkah salisih angin
mangibas kalaluan mun kada tahan kalu kapidaraan

H1&H2: (mundur) silahkan!

(balai sidang)

Panglima perang:mohon ampun paduka sultan yg mulia,ada apa gerangan hamba di panggil ke dalam
persidangan pada hari ini

Raja:Panglima perang,Kali ini beta mendadak mangiau engkau punya diri ,karena ada seuatu hal yang harus
secepatnya beta sampaikan, karena sebentar lagi beta akan membuka sidang,silahkan ketempat yg beta
sediakan

Raja: apakah sidang hari ini sudah bisa beta mulai,kayapa menurut ayahnda wajir?

Wajir: alangkah lebih bagus lamun hadam lawan inang kita hadangi jua karna mungkin hadam wan inang
tahu habar sidang in i,dan satumat lagi kira kira datang ka karajaan.
Karya :arif fadilah

Raja: harapan 1&2 hatri hati engkau punya penjagaan

(Musik)

Hadam masuk dan perkenalan

Hadam:assalamualaikum panuntun?

Naah ulun disini panuntunai manjabat sabagai hadam atawa pasuruh karajaan ini, ulun banyak bisi anak
buah,ngarannya si hirang,siutih,si walang,sikarut,sijunjut,sigampal,hann aku tu tu,kada paduka sultan haja
pang nang bnyak bisi bawahan.,aku gin banyak jua,biar gawian di dapur di kabun haja bagana tatap ae ank
buah bnyak,.tapi maras ae panuntunai kdd nang kawa di pandiri,ngalih ae.,.,kucing barataan.,bila handak
babasuh piring mancungkung satundun bamara.,mun kada hiran hiran gin kada.,nahh.,sabalum umnya
manunti ulun kasia, parkanalakan ngaran ulun andrean james jhon sena,han harat kalu.,galaran di kampung
utuh singkai pang.,.napang bila bulik bagawi mawarung manyingkai tatudung wadai haja gawian,,

Mana umanya ni lah

Inang:uuy abahnya.,kaman tadih di carii hilang bini maka am manyasah takait unjun urang

Hadam:umai sawat takait unjun urang dimapa kisah

Inang:td pang manyasah pian lewat jambatan di muara sana tdi sakalinyta pas urng maunjun manimbai unjun
pas takait hidung untung kawa pacul.,

Uiyy panuntun.,parkanalakan ngaran ulun diang tipakan.,kanapa jd bangaran tipakan.,ada nang tahu lah?

Kisahnya tu bahari ujar aruah mama,aku lahir di bawah puhun tipakan,ujar,,han bujur atau kada ahu jua.,

Hadam:nah umanya karna kita sdh mamparkanalakan diri kalawan panuntun .,lakasi kita masuk kaina
paduka sultan bamamai mun kita lambat

Hadam:harapan 1&2 buka lawang unda handak masuk

H1&2: bah,hadam balalambat,lakasi masuk

Hadam:harap ampun paduka yang mulia.,ulun lambat

Raja:tahu ai ikam lambat,lakasi bakapinggir beta handak mamulai sidang hari ini

(semua sudash pada posisi)

Raja: sidang hari ini beta nyatakan di buka!!

Raja: hari ini beta mengumpulkan seluruh staf kerajaan ada kira sesuatu hal yang sangat pentring akan beta
sampaikan dan menjadi pemikiran kita bersama?

Beta mendangar habar di kampung subarang yang masih dalam wilayh kekuasaan kerajaan kita,ada
nangaran kampung liuk banyu, habar nang di dapat bbrpa minggu ini ranck terjadi kejadian2 nang kada
masuk di akal.,bujur atawa kada.,kayapa habar dari seorang panglima perang nang rancak lalu di daerah
tersebut?
Panglima perang: mohon ampun paduka,habar nang pian dangar ini dasar bujur adanya,semalam ulun hnyar
dapat habar jua,tambak atawa karamba urang di sana iwaknya matian,karna ulun balum dapat jln kaluarnya
untuk masalah ini jadi ulun baluman wani untuk balapur lawan pian

Perdana mentri:mohon ampun paduka,kiranya habar nang di bawa panglima perang atau habar nang pian
dangar itu musibah haja paduka,lamun hal nang lain mungkin di pangaruhi karna keaadaan cuaca wahini
nang kamarau

Mangkubumi;mohon ampiun pahuka.,perdana mentri aku kurang sependapat lwn ikam,karna aku mndngar
habar jua kajadian ini batatrusan,sehingga ketaklutan dari rakyat kita semakin mengusik kenyam,anan rakyat
paduka

Hadam:mohon ampun paduka yg mulia,,ulun ni kada pang pina panahunya paduka ai,tapi samalam ulun
batakun lawan kai ulun sidin urang bisa jua paduka ae,bagampiran jua sidin tu,ujar sidin panguiasa alam jin
wilayah sungai liuk banyu tu sarik,karna pusakanya ad nang manyuntan jar bujur atau kada ulun balum tantu
pasti lagi,,,kaitu p[ang habar dari ulun,,

Raja:mendengar habar dari staf barataan ini merupakan tugas kita sebagai pengayom rakyat menyelesaikan
tugas ini,lamun kaitu di pimpin panglima perang di bantu ,perdana mentri&,hadam bubuhan ikam beta
perintahkan untuk segera mencari tahu sebab musabab kejadian ini,lamun perlu kaina aku turun jua
kalapangan.,

Panglima:baik paduka sultan,titah perintah paduka hamba junjung di atas batuk kapala hamba,permisi
paduka yang mulia(keluar dengn perdana mentri wan hadam)

Raja: karena hal yg di sampaikan sudah di utarakan,menunggu habar selanjutnya dari panglima
perang,sidang hari ini beta tutup.

(keluar_)

JIN MASUK

(raja jin):panuntun ada nang tahu kah kami ini siapa?

Jin 1(kalun):siapa kita ni bos?

Jin 2(barayana)(:kita ni main mamanda kalun ae

Jin3(kulan):hahahaha

JinRAJA:dasar kada pintar saikung2 bisi anak buah., kita disini jadi jin tahu lah.,..,

Jin2:cucuk ae di make up kaini bos lah

JinRAJA:Sblum kita mulai pambicaraan hari ini,kita unjuk muka dahulu lawan panuntun.,

Mulai nang paling anum dahulu:ikam kulan

Jin3:panuntun nah ngran ulun di sini kulan kalin kulun,ulun jin paling anum disini hnyar di angkat jdi anak
oleh paduka raja.,ikam pulang ka?

Jin2:ngaran ku disini barayana burak biri biri.,disini aku sebagai sakartasir kah jurang tu lawan bandahara
mingkuti manjaga pusaka2 karajaan.,sudah gin itu haja,ka kalun pulang?

Jin1:aku nang bangaran kalun sungsang .,wakil atawa tangan kanan dri raja ji n disini.,sesudah kami
mamparkanalakan diri.,
Karya :arif fadilah

Jin RAJA:uyyy,aku kda parkanalan kah.,sia sia kaina bameke up kaini bungas2 kda di kanalakan

Jin1:iih lah,, maaf paduka

JinRAJA :baalih(maju kedepan)

JinRAJA:nahh .,kalihatan klo sdh muha nang bungas nih.,., panuntun??ngraan ku patih maharaja
galayaksa,.,aku panguasa alam jin di sini.,siapa nang wani maudak tanah banyu karajaan ku,lamun kada ku
haru jgn sambat aku baisi nama.

JinRAJA:kita sudah perkenalan diri.,kyapa selanjutnya kalun?

Jin1:kita buka pembicaraan hari ini bos?

(para jin menuju meja sidang)\

JinRAJA:hari ini aku hndk mandangar laporan buhan ikam?

Jin1:maaf ampun paduka.,tugas semalam nang di titahkan lawan ulun sudAH ulun gawi.,pasukan kerdil
smlm maharu2 daerah muara sungai.,3 buah jukung tabalik padukaai

Jin2:maaf ampun paduka?karamba tambak sunyaaan ampun urang kampung sdh ulun randami akar tuba
paduka ae

Jin 3:maaf ampun paduka baribu ampun.,samalam ulun sudah mahintipakan urang kampung padukaa ae.,

JinRAJA:mahintip napa?

Jin3:mahintip urang di jamban paduka.,limbah hitu ulun taguring di bawah pohon nyiur paduka ae.,.,

JinRAJA:bah ikam ini di bari tugas kaitu kalakuan

JinRAJA:tapi paduka ae,ulun mandangar urng kmpung bagarunum,ujar pihak karajaan rtahu habar ini dan
akan mncri sabab musababnya jar dlm waktu parak nih

JinRAJA:bagus,lamun kaitu nymn kaina aku langsung badapat lawan bubuhan karajaan.,hahahaa

JinRAJA:lamun mustika pancar liung warisan karajaan kita itu kada dapat ataw urng nang maambilnya kda
cungul ,jgn harap aku maampuni.,

Jin RAJA:lamun kaitu.,kita wahinian jua naik ka alam atas malihat kondisi kampung .,berangkat

(rombongan jin keluar arena)\

Masuk(setting area perkampungn(panglima perang,perdana mentri,hadam,beserta urang kampung)

Panglima:dasar lain hawa nya perdana mentri ai.,..hari pina muru manyambut kita bamara kamari

Perdana mentri:kd salah panglima perang,,mulai td kita bajalan aku rasa kd nyaman hati,,labih baik kita
wasri haja panglima ,,,

Hadam:nama ngintu wasri paduka?parasaan ulun sehat haja kada karas bahajan waktu mambuang.,,

Panglima:dsar wangal hadam ngini.,.ngintu panyakit wasir dam ae.,.,

Pardna mantri: lamun wasri tu mawas diri maksudnya

Hadam:owhh ,,ngintu kah padukaa.,ayuha.,.,

Masuk orang orang kampung

Urang kampung :tolong tolong.,.,hantu hantuu.,,.

(bertemu dengan rombongan kerajaan

Panglima:kanapa maka kaya urang kahilangan dacing.,ada apa .,

Hadam:kanapa.,kanapa

Urang kampung 1:ad hantu di pinggir sungai sana cungul

U kampung 2:bujurr,,inya bataring.,mata manciling

U kmpung 3:pinanny tadi umpat manyasah kami kasini jua waktu kamu bukahan

Urng kampung semua:iih iih,,kyapa apa ini.,kami kada wani

Perdana mentri:hadang jangan takutan.,,biar kami nang mahadapi.,

Hadam:kaina aku manampilingnya

Panglima:kita hadang sampai inya datang kamari

(masuk rombongan jin)

Tertawa.,seram,,

Raja jin:hayyyyy.,bubuhan ikam nang piragah wani.,,lawas kita kada badapat.,hahahahaaa

Jin 1:ngini kah bos nang rancak pian kisahakan

Jin2:pacang kaluar kajian kita hari ini

Raja jin:aku merasa ad hawa dingin di sini,dan hawa ini jua nang mambawa aku smpai kamari.,,

Jin3:jgn jgn mustika kita bosai

Raja jin:kada salah!pasti disini ad nang mambawa mustika ku nang hilang

(urang kampung talihat bingung.,panglima hadam talihat bingung,perdana mentri terlihat miumik tidak
nyaman)

Kemudian perdana mentri angkat bicara,maju ke depan

p-mentri:ap kahandak ikam jin.,ap khandak ikam maharu2 kampung ini.,urang2 nang kada salah kasian
ikam ganggui.,.,
Karya :arif fadilah

jin1:kadusah banyak pandir ikam .,.dasar manusia serakah

panglima terlihat siaga dan masih bingung dengan apa yg mereka bicarakan

raja jin:tangkap dan bunuh urang itu

panglima:biar ulun nang mahadapi

perdana mentri:kdusah ini urusanku \

panglima dan seluruh ny mundur .,perkelahian jin1,2,3 dengan p mentri dimulai.,dan perdana mentri kalah

panglima hadam mendekati p mentri,ingin maju dan melawan di larang oleh p mentri

raja jin:mana mustika pancar liung karajaan kami nang ikam cuntan 9 tahun nang lalu.,wahai perdana mentri

perdana mentri mengeluarakan mustika itu dari kantung nya., semua orng kmpung penmglima dan hadam
terkejut.

Raja jin: untuk apa ikam maambil musrtika itu sehingga mengusik kehidupan kami di alam bawah,

Jawab perdana mentri?? Dengan marah nya sang jin

Dengan terengah engah sekarat perdana mentri menjawab

Perdana mentri:aku mencuri mustika itu karena dulu aku mendapatkan mimpi menurut mimpi itu jika aku
memiliki mustika kerajaan jin maka kelak aku akan menjadi seorang raja

Raja jin:dasar manusia serakah.,ambil mustika kita dan.,,bunuh mereka.,.,(dengan sangat marah)

Pasukan jin 1,2,3,ingin menerkam perdana mentri.,

Tiba2 masuk jin 4 , raja dan beserta seluruh pasukan kerajaan dari belakang kerumunan

Jin 4:mohon ampun paduka raaja,ulun sudah mambawa akan raja nang pian suruh kamari.,,

Masuklah raja.,

Raja:perdana mentri.,sabujurannya aku sudah tahu masalah ini dari pihak kerajaan jin,, asal bubuhan ikam
tahu sabarataan,, raja di kerajaan jin ini adalah dangsanak angkat ku ., 40 tahun yg lalu saat aku bertapa aku
pernah manyalamatkan inya di bawah pagar batu amas ,,patih maharaja galayaksa nang buhan ikam kanal
itu ngaran asli nya adalah praja sakti kumbaran saat aku manyalamatakan inya inya mambari aku mustika
pancar bulan kambaran mustika pancar liuk nang ikam cuntan itu perdana mentri.,.,aku hanyar tahu ikam
bamasalah lawan karajaan dangsanakku ini.,saat aku saurangan langsung mandatangi karajaan aku takajut
skaliny karajaan jin ini dngsanakku nag lawas kada badapat,saat aku mangaluarakan mustika ku ini inmya
pinandu bahwa aku nang manyalamatakn inya bahari.,.,oleh karena aku tahu makanya ikam ku perintahkan
lngsung turun kelapangan perdana mentri biar ikam tahu ap akibat ulah ikam.,,

Raja jin:kanda.,maafakan khilafan ulun,, smlm ulun kada tahu bahwa nang mnyuntan ini adalah dari kerajaan
pian,,sampai pabila haja ulun tatap mahormati pian ulun kawa nangkaya wahini hidup jadi pemimpin karena
jasa pian., dan ulun dan kerajaan ulun siap mengabdi kepada kerajaan untuk menebus kesalahan ulun,,
Raja:kada papa,mungkin ini sudah takdir nang kuasa.,,terpaksa perdana mentri dri hari ini akan aku
berhentikian karena kesalahannya.,,

Raja: dangarakan barataan ,yang terpenting bagi kita setiap manusia,,cita cita atau harapan akan tercapai
karena usaha dan doa bukan karna benda atau pun dengan kecurangan,ketika kita buang nafsu keserakahan
dan kemunafikan insya allah semua yg dilakukan akan barakah.amiinn

ASSALAMUALAIKUM WR.WB.