Sereta mai mua malu dih anak bujang lemambang angkis ngeju,

Ia ga ngenang diri ngejang ka pintu bedaru bandir tapang.

15. Naka penyuma tulong besak,

Dih anak bujang lemambang reringkak,
Minching lingkau ai tuak,
Nyilak ka pintu bedaru bandir tasak,
Benyawa beteretak,
Tak sigi kiak-kiak munyi anak munsang di Rajang.

16. Nya baru naka penyuma nyampau penyupan,

Dih anak bujang lemambang puan,
Berindik di tempuan nyapan,
Kelalin tanggam nguku jelu kijang.

17. Naka penyuma ga asai anak bujang lemambang tupai,

Nengah ruai palan lawai paras pasu bedagang.

18. Naka penyuma tulung pengelesa,

Dih anak bujang lemambang reriga,
Berindik di sana jawa,
Ke berara belangah punggang.

19. Naka penyuma tulong pengenggai,

Dih anak bujang lemambang tupai,
Berindik di tikai bidai,
Manah amai kumbai tabur bekengkang.

20. Naka penyuma asai dih anak bujang lemambang angkis ngikik,
Berindik di tikai Haji Betuchik,
Ukai kerembai orang bukai,
Kerembai indu dara Rintik,
Kenu ku orang dara Rintik ditunang bugik bujang jeraik nandang.

21. Naka penyuma asai anak bujang lemambang kera,

Berindik di tikai anyam betuja,
Ukai tu dianyam indu kitai ditu,
Tu ga tengkebang indu dara Nia,
Ukai kitai enda ninga berita indu dara Nia,
Ditunang Buga dikumbai jelawai nandang.

22. Lengka ka kitai genteran jaku nya,

Enda lama iga ngambi sesempa makai pinang,
Nya baru tak taung-taung belumpung nibung.
23. Nya baru nyaduh jayuh kitai mayuh,
Empalung ubat enda busung.
Slaid 1 : timang jalung

- Maksud

Jaku bebungai

1. ngambi sesempa makai pinang, - ukai reti makai buah pinang (bukan maksud makan
buah pinang)
- ngetu enda lama (berhenti sekejap).

2. Haji – Jaku berasuk

- Sama enggau jaku Melayu

3. Tikai bidai
- Tikai sama enggau bidai
- Senimbal munyi lalu mai reti ti sama.

4. Tempuan nyapan
- Tempuan endang nyapan tauka besai.

5. Naka penyuma tulong besak,

Dih anak bujang lemambang reringkak,
Minching lingkau ai tuak,
Nyilak ka pintu bedaru bandir tasak,
Benyawa beteretak,
- Senimbal munyi/ enteli munyi ( ..ak)
- Ak :

6. Naka penyuma tulong pengenggai,

Dih anak bujang lemambang tupai,
- Senimbal munyi/ enteli munyi (..ai)
- Ai : lebu nagai

7. Nya baru naka penyuma nyampau penyupan,

Dih anak bujang lemambang puan,
- Senimbal munyi/ enteli munyi
- An :