Nama : Subhan Nadi

Asal Sekolah : SMA Negeri 1 Karang Intan

MATERI BAKISAH BAHASA BANJAR

Assalamualaikum wr.wb

Ngaran ulun Subhan Nadi

Kiaw aja ulun Aliando

Umur ulun 15 tahun

Asal sekolah Sman 1 Karang Intan

Alamat rumah: Jln ir p.m noor kota padang panjang, RT 1 ketuanya ja pulang

Nomor hp 0895401180964 isi bio tempulu jomblo

Sebelumnya ulun handak berterima kasih dulu nah lawan dewan juri, wan
penonton sabarataan yang hakon hadir disini gasan melihat ketampanan ulun seorang.

Sebelum ulun bekisah ulun handak bekoyo dulu nah, pian melihat aja kolo liwar
kaya apa langkarnya muha ulun. Ulun kada handak sombong disini Alhamdulillah
muha langkar, hidung mancung, awak gagah, dompet kancang, pacar 7 gandak 5
cadangan 3. Ahhh astagfirullah tasambat am…

Ulun hanyar berapa bulan naja jua masuk SMA, tapi am sehari ngini 7 kali ada
ta cewe dimuka kelas ulun bulang bulik handak melihat ulun ja, behhh liwar mun
teitihi cewe nya nih, mun kada mata kijip-kijip ilatnya jajuluran. Kada pang nah
mendusta akan amun ulun kekantin neh ditakuni tarus belanja kah ding jar, inggihh ka
aee (manja-manja).
 Aja langsung ja nah ulun disini ulun handak membawa akan kesah yang
berjudul “Pertualangan 3 Orang Maling Desa Konoha”.

Jadi dikesah akan di sebuah Desa Konoha ada 3 urang maling, ngarannya Utuh
Buntat, Mondi, Alexander. Ngarannya maling gawian bececuntan ae lah, jadi pas
malam ngitu Utuh Buntat, Mondi, lawan Alexander tadi handak mancuntan ka rumah
haji Maskun. Pas sudah jam 2 an beraksi ae neh betiga tadi, Haji neh sudah guringan
sidin, datangan buhan betiga nih jadi jar Utuh Buntat “Lex ikam tunggui di muka kolo
pina ada urang kena padahi. Ikam Mon ae ke dapur, aku ke kamar”.

Masuk Utuh nih ke kamar Haji, lampu rumah nih bemati, beugai ae Si Utuh nih
mencari harta benda ampun Haji tadi, pas tedapat kupiah Haji pakai ae neh. Cari-cari
Si Utuh nih kada sing dapatan jua, keluar ae neh Utuh tadi handak mendatangi Mondi.
Sekalinya Mondi neh jua kada sing dapatan ngapa-ngapa, handak keluar ae jua neh Si
Mondi nih handak belapor lawan Utuh bahwa di dapur kadada ngapa-ngapa. Pas sama-
sama keluar neh melihat Si Mondi nih urang bekupiah putih bejalan, dikiranya nih Haji
Maskun tabangun, melihat kaya itu bedadas ae Si Mondi neh baluncat keluar rumah.

Melihat Si Mondi bedadas beluncat kaluar rumah bedadas ae jua Utuh neh
umpat keluar rumah, dikira Si Utuh tadi Haji Maskun neh nang tebangun. Melihat Si
Utuh buntat yang di sangka haji Maskun memberak, bemagin ae bedadas bukah ai
Mondi lawan Alex tadi. Melihat Mondi lawan Alex tadi begagas pulang bukah, bukah
ae jua Si Utuh buntat nih di kira tadi Haji Maskun ngini memberak. Bukahhh haja kada
tau di lurung lagi sekalinya plakkk tecabur betetiga nih ke pahumaan, iyaa nang
tekumpul pulang.

Merasa kehausan, uyuh kolo neh tuntung beberakan, mencari keminum.

sekalinya melihat lahang ampun Haji Maskun neh begantungan di atas pohon, jadi jar
Utuh Buntat neh “Aja bebagi tugas kita, ikam Lex ae jaga akan di muka sana kolo pina
ada urang, nahh ikam Mon ae naiki ke atas, mun aku disini menyambut akan
lahangnya”. Jadi naik ae neh Si Mondi tadi kepohonny , lawas mehadangi turun Mondi
neh membawa banyu lahang tadi, minuman ae buhannya neh gokk gokkk gokkkk
habis, di gantungnya ae neh pulang wadah lahang tadi ka atas pohon pulang. Beucap
Si Utuh Buntat neh “Behh dasar nyaman banar banyu lahang ngini, malam isuk kita
kamarian pulang”.

Bulikan ae buhan be3 tadi, mbah bulik nang betiga tadi datang haji Maskun neh
handak meambil banyu lahang sidin, naik ae sidin neh melihati kepohonnya, melihati
tekajut sidin “Astagfirullah karing, ngini neh ada nang mencuntan lahang aku jar sidin”.
Jadi malam isuknya bedehulu haji Maskun neh ke kebun sidin handak meintai siapa
gerang yang mencuntan lahang sidin neh. Lawas nunggui sekalinya timbul Si Utuh
Buntat, Mondi, lawam Alex tadi handak mencuntan banyu lahang ampun haji Maskun
pulang, jadi jar haji maskun tadi “Ooh buhan ngini kah nang mencuntan banyu lahang
aku, awas ja buhannya ae ku balas tuh pang malam isuk buhan ikam.”

Gokk gokkk gokkkk… kanyang buhan Utuh Buntat nih, meandak ae pulang
wadahnya tadi keatas pohon, jadi jar Utuh Buntat neh pulang “Dasar bujur-bujur
nyaman banar nahh, pokoknya malam isuk kita kemarian pulang”. Mbah ngitu bulikan
ae buhannya nang betiga tadi.

Jadi pas malam isuknya pulang sung-sung pada malam dahulunya haji Maskun
nih ke kebun sidin, meambil sidin bedehulu kelahang sidin, mbah ngitu beucap ae sidin
“Nahh ku balas ikam malam ini maling ae“. Memacul sidin ke tapih, bedangkak di
tanai sidin di wadah lahang tadi broooooottttttttt jar, bantas ikam situ. Digantung sidin
ae pulang ke atas pohon anau neh pulang, bulik sidin neh. Imbah sidin bulik datangan
pulang buhan Utuh Buntat ngini handak mencuntan banyu lahang ampun haji Maskun.

Menaiki ae neh Mondi ke pohonnya, turunn Mondi neh membawa banyu

lahang, pas handak minuman sekalinya datang si Alfred nih, di takuni Alfred ae
“Beaapaan buhan ikam di sini?” Gair Utuh buntat neh kolo dipadahakannya ke urang
kampung tadi, lalu ae Utuh nih membawai Si Alfread jua minuman, sekalinya hakonn
Alfread nih di bawai Utuh Buntat tadi “Aja buhan ikam ja dulu meminumi, biar aku
pehabisannya aja” jar Utuh Buntat. Jadi Alex ae neh bedehulu meminum, gok gokk
gokkk sekalinya teungut Alex tadi neh, di takuni ae kenapa jar? “TA TA TA
HAMBAR” Imbahnya Mondi pulang meminum, gok gokk gokkk teungut jua pulang
“TA TA TA MASAM”. Seikungnya pulang si Alfread “TA TA TA HANYAU” Imbah
tu hanyar Si Utuh pulang “TA TA TAHIIIII…. Uma ae jara aku mencuntan mun kaya
ini hasilnya, sudah merugi akan urang, bedosa bisa masuk penjara ha pulang”.

Jadi pesan yang di sampaikan jangan pernah sekali kali kita meambil hak urang
tanpa seizin ampunnya, jangan pernah mencuntan penonton ae!!! Karma berlaku.