Pangertenane Drama • Drama iku nduweni teges sawijining olah seni kang dipentasake dening para paraga ing panggung lan nduweni pesen utawa amanat kang bias kanggo tepa-tuladha ing urip bebrayan. • Cerita kang dienggo bisa ngisahake kedadean nyata ing alam ndunya utawa rekadaya (fiksi) • Ing sakjroning drama iku nduweni unsur-unsur : Paraga, Setting, Alur, lan Dialog. • Ing unsur paraga dewe kaperang dadi : Paraga Utama, Paraga Pembantu, lan Paraga Figuran. Jenis-jenis drama basa jawa Miturut jenis /penyajian lakon jenis sandiwara bisa kaperang dadi wolung jenis! • Tragedi, yaiku lara lapane/duka. cerita sandiwara kang isine kebak kasedihan. Pelaku utama saka wiwitan nganti pungkasan pagelaran nasibe ora becik saengga penonton bias nduweni rasa sedih. Tuladha : Romeo and Juliet, Malin Kundang • Komedi, yaiku suka gembirane cerita sandiwara kang bisa nuwuhake rasa lucu tumrap para penontone. Kelucuan ing sajrone drama asring ngandut sindiran kritikan lan amanat kangge anggota masyarakat tartamtu • Tragekomedi, yaiku cerita sandiwara kang isine kebak kasedihan ananging uga ngandhut perkara-perkara kang bisa andadekake guyuning ati. Sedih lan gumujeng asring silih geganten. • Opera, yaiku cerita sandiwara kang pacelathone dilagokake kanthi kairing musik/gamelan. Drama punika luwih ngutamakake lagu lan musik tinimbang lakon. Lakon namung minangka sarana mawon. Opera kang cendek diarani OPERET • Melodrama, yaiku cerita sandiwara kang pacelathone diucapake kanthi iringan musik/gamelan. • Farce, yaiku sandiwara kang wujude ora adoh saka dhagelan, kang diutamakake ing cerita iki peran lucu kang bisa gawe guyune penonton Lan krasa bungah • Tablo, yaiku jenis sandiwara kang ngutamakake obahing paraga utawa kaprigelane rikala akting. Para paraga boten ngucapake dialog, ananging namung gerak-gerik kemawun kang ditampilake. • Sendratari, yaiku minangka kolaborasi antarane seni sandiwara/drama lan seni tari, para paragane padha nduweni kaprigelan nari. Rangkaian prastawane asring diwujudake kanthi tarian kang diiringi musik tanpa dialog. Nanging wonten narasi singkat kang dipocapake kanggo ngerteni prastawa apa kang lagi kapentasaken. Tuladha : Sendratari Ramayana ing Prambanan Yogyakarta.