JANGJAWOKAN
Asihan
Asihan si pucuk gadung
Sataruk nu matak layung
Salambar nu matak édan
Aing balik sia ceurik
Wong sajagat kabeh nuturkeun aing
Jampé dipupur
Pupur aing pupur suci
Nya halis katumbirian
Nya irung kuwung-kuwungan
Nya tarang téja mentrangan
Sieup dideuleu ku deungeun
Sieup ka badan awaking
KAKAWIHAN
Ada beberapa kakawihan (nyanyian) Sunda yang populer di masyarakat Sunda
yang biasa dinyanyikan dalam permainan anak-anak, di antaranya: Tokécang,
Cingcangkeling, Oray-orayan, Ayang-ayang Gung, dan Bulan Tok.
SISINDIRAN
(1)
Ka Bandung kuring ka Bandung
Sukajadi keur maréma
Kaduhung kuring kaduhung
Henteu jadi ka manéhna
(2)
Bangkong dikongkorong kujang
Ka cai kundang cameti
Kolé di buah hanggasa
Ulah ngomong méméh leumpang
Hirup katungkul ku pati
Paéh teu nyaho di mangsa
GUGURITAN
KATIGA
(karya Yayat Héndayana)
Kekebul jalan
haliber
katebak angin katiga
eunteup dina kaca toko
sawaréh arasup kana panon
Kekebul kota
sarila
katebak angin katiga
unggut-unggutan dina emper
némbongkeun dampal leungeunna
ka sakur nu liwat
Kekebul jalan
jeung kekebul kota
nu sareukseuk kana mata
pada-pada miharep hujan silantang
pikeun dirina
Maranéhna nu hanaang
elmu, cinta, jeung alam,
atawa ukur hiburan,
nya di dieu pisan tepung,
nyaraksian sasatoan
nu langlayeuseun
kurang dahareun:
Oray nu matih
kudu dipisahkeun
dina kandang nu tohaga
supaya henteu bisaeun
ngabaruang kahirupan
Ajag jalu
kiwari nyorangan waé,
huntu, sihung, jeung kukuna,
geus parunglak
nyorangan waé di kandang.
(Ari anjing-anjing budug
kabisa ukur babaung
bari marebutkeun tulang,
turta lamun seug digebah,
birat paburencay misah,
tapi teu watara lila
marebutkeun deui tulang)
Singa nu pikun
ngaléngkah laun
ngagerem laun
di kandang nahun,
geus teu matak
sarieuneun budak
nu ngalalajoanan
bari saleuseurian
aréngklak-éngklakan.
Bebengérna belo
nu lulumpatan
ka unggal juru
matak katorékan
para manusa
jeung lian sato
di kebon binatang.
Maranéhna nu hanaang,
manusa jeung sasatoan,
nya di dieu pisan tepung
unggal poé
sili pelong,
ukur sili pelong.
“Bung!
Ari itu nu ngajungkiring
ngalekeceng murilit nunjuk langit
patung naon ?”
“Héhéh … gulali !”