Bapak saha ibu dwija SD ing laladan Kabupaten Kudus, ingkang kinurmatan. Pada kadang sutrisna budaya Jawi ingkang cinaketing manah. Para rawuh kakung sumawana putri ingkang tinangsulan kangkebing kekadangan “Bhineka Tunggal Ika”, ingkang kula trisnani.
wa'ala alihi wasohbihi aj ma'in). Sinartan sagunging pakurmatan, saha agunging sih saking Alloh SWT ingkah tansah paring kekiyatan tuwin kawilujengan, satemah panjenengan sedaya lan kula saged kempal manunggal ing sasana wanci punika kanthi winantu ing karaharjan, Alkhamdulillahirobbil alamin.
4. Para rawuh ingkang kinurmatan
Kamardikaning Nuswantara punika mboten satemah hadiah saking para penjajah, ananging sadaya nugrahaning Gusti ingkang maha Agung. Kejawi punika, sedaya sampun pirsa, bilih perjuanganipun para pahlawan, para relawan lan sedaya bangsa Indonesia nalika tumandhang ngrebut nagari saking regemaning para penjajah. Kamardikan mboten ateges mardika, lajeng bebas sedayanipun, ananging mardika inggih kedah nggadahi nilai kadosta kedaulatan, kemandirian, kekiyatan, nasionalisme ingkang langkung sae. Awit perjuanganipun para leluhur mboten naming arupi banda, prabea, ananing anteb tekading jiwa raga lan nyawa kangge ngrungkebi kamardikan punika. Sanggyaning para rawuh… Generasi muda sakpunika mboten namung sangga asta, ananging sampun saged katitik saking kaprigelanipun nerasaken pangajabing para pahlawan kadosta sregep sinau, makarya kangge pagesangan, nguri-uri kabudayan, netepi unggah-ungguh lan sapanunggalanipun. Sedaya wau awujud darmaning para muda anggenipun badhe ngrembakaken cita-citanipun para pahlawan. Saperangan wonten tuladha tembang : tembang pocung "ngelmu iku kalakone kanthi laku, lekase lawan kas, tegese kas nyantosani, setya budya pangekese dur angkara”. Tegesipun, sedaya pangajab kalakoni kanthi niat, badhe ndadosaken kekiatan, tandhang ingkang tulus lan usaha badhe ngalahaken tumindak ingkang cela. Saking tembang pocung punika saged dados patuladhan bilih minangka generasi muga kedhah nggadhahi tekad ingkang bulat kangge ngawekani sedaya perkawis pagesangan ing sabendinanipun, murih tetep raharja netepi hardening bangsa.
5. Bapak ibu lan para rawuh ingkang kinurmatan.
Mekaten pamatur kula ing pengetan dinten Kamardikaning Bangsa Indonesi ingkang kaping 77, sinartan pangajab, pandonga mahastungkara mugi Indonesia tambah sentosa, kuncara lan sembadaning karya. Nuwun Wassalamualikum.