Ingkang kinurmatan bapa ibu Dwija ing laladan kecamatan Ampel. Ingkang kula tresnani kanca–kanca kula siswa siswi ingkang mirsani lomba ing wekdal menika. Sumangga kula derekaken ngaturaken puja puji Syukur wonten ngarsanipun Allah, Gusti ingkang murbeng kawasa, awit wonten kalenggahan siang menika penjenengan dalasan kula sampun pinaringan sehat mboten wonten pambengan setunggal menapa sahingga kita saget kempal manunggal wonten papan menika kanthi manggih keslametan saha kawilujengan tinebihaken saking sambe kala. Para pamirsa ingkang kinurmatan ing mriki kulo badhe sesorah kanthi irah-irahan “Luru Ilmu Ngupadi Kamulyaning Gesang”. Para pamirsa ingkang kinurmatan, gesang wonten jaman sak punika kedah tanggap saha tanggon dumateng kawontenan ingkang lumampah, artosipun jaman modern menika manungsa kedah ngupadi kamulyaning gesang saha ajining diri saha jumbuhaken dateng ombyakking panggesangan kanthi nggladhi dhiri, luru ilmu supados saget nderek dateng suasana kemajengan jaman punika, kedah nggadhahi panguaos ilmu kanthi luru ilmu ingkang sak estu mboten keblidhu kalian tumindak sembrono, sak remenipun piyambak ingkang dadosaken manungsa ingkang mboten nggadhahi jati diri . Monggo kagem nggigah semangat kita supados sami saestu anggenipun sinau, kula bade nyekar tembang macapat “Pucung”, sugeng mirengaken : Ngemu iku kelakone kanthi laku Lekase lawan khas Tegese khas nyantosani Setya budya pangkese dur angkara Para pamirsa minulya keparenga badhe kula wedharaken werdinipun sekar pangkur menika: Ngelmu iku kelakone kanthi laku, tegesipun bilih ilmu menika saget dipun luru kanthi saestu Saestu linambaran tulusing manah supados saget nggayuh ilmu ingkang wigati. Lekase lawan khas, tegesipun luru ilmu menika kedah dipun lampahi kanthi rekaos murih kasembadan sedaya sedyanipun. Tegese khas nyantosani, tegesipun menawi sampun ngupadi ilmu menika kedah dipunlampahi kanthi saestu murih nggayuh kasantosanipun gesang. Setya budya pangekese dur angkara, tegesipun tiyang ingkang sampun pana babagan ilmu saget kagem tameng saking sifat angkara murka. Para pamirasa ingkang kinurmatan dados uwosipun ngupadi ilmu menika supados saget migunani tumrab pribadi kita piyambak menapa dene dateng bebrayan agung ingkang satemah saget ngripta gesang ingkang ayom ayem tentrem tinebihaken saking rubeda lan minggahipun saget mujudaken kunacaraning bangsa, inggih menika bangsa lan negari Indonesia. Para dewan juri lan sedaya pamirsa, mekaten ingkang saget kula aturaken wonten ing wekdal menika, kula nglenggana kathah cewet saha sisip atur kula, awit saking menika mawantu wantu kula nyuwun angunging pangaksami. Wassalamu’alaikum warroh matullahi wabarakatuh