Nama : Ni Komang Ayu Setiarini

No. : 27
Kelas : VIII A

“Pidarta Bahasa Bali”

Saraswati

Bapak Kepala Sekolah sane wangiang titiang.

Para guru lan para siswa sami sane kusumayang lan tresnasihin titiang.

Om Swastiastu

Sedurung titiang matur, ngiring sareng sami ngaturang bakti majeng ring Ida Sang Hyang
Widhi Wasa, dumogi iraga sareng sami ngamolihan kerahayuan. Rahina mangkin titiang meled
ngawentenan antuk ngeninin indik rahina Saraswati sane patut kaelingan olih iraga sami mikadi
guru lan siswa SMP N 1 Kerambitan.

Rahina Saraswati nemoning nuju Saniscara Kliwon Watugunung sane rauh nyabrang
satak dasa dina patut iraga para siswa semuyup ngaturan bakti, mangda ida masueca nyinarin tur
ngicenin pemargi sane becik lan sida rahayu sejeroning ngelaksanayang pemargi dados siswa.

Ring rahina Saraswati kebawosan Ida Sang Hyang Widhi Wasa nedunang Sang Hyang
Aji Sastra. Punika pengewuruh ring manusane sami, nika mawinang iraga sami patut nyuciang
rahina Saraswati punika. Pengewuruh punika titi pengancar iraga idup ring jagate, santukan
melarapan antuk pengewuruh iraga mrasida ngerereh pengupajiwa tur iraga mrasida ngayunin
sane cen kebawosan becik lan sane cen kebawos iwang.

Ring pekubon iraga patut eling taler mabersih-bersih minakadi buku-buku tur genahang
ring tongos sane becik, lan prasida ngaturin canang, mangda Ida Sang Hyang Widhi Wasa
ngicenin pinuntun tur setata eling ring buku sane kaanggen ngulati kaweruhan ring sekolah.

Bapak Kepala Sekolah lan Guru miwah Siswa sareng sami sane tresnasihin titiang,
asapunika atur titiang ngindikang menakadi rahina Saraswati dumogi wenten pikenehnyane.
Pinaka pinguntat titiang atur puniki antuk parama santhi.
“Om Santhi, Santhi, Santhi, Om”