“Om awignam astu namah sidham”

Bapak Kepala Sekolah lan guru sane wangiang titiang. Ida dane sareng sami sane
dahat suksamayang titiang. Sadurunge titiang ngelanturang atur, pinih riin titiang ngaturang
antuk panganjali umat,

Om Swastyastu,

Kaping ajeng ngiring sareng sareng ngaturang puja pangastiti ring Ida Hyang
Parama Kawi, Ida Sang Hyang Widhi Wasa saantukan ring keledangan lan wara
nugrahan Ida, Ida dane prasida rauh ring galah lan genah sane becik puniki.

Titiang iriki pinaka ngwalinin sisia, dahat angayubagia sepengrauh Ida dane
para atiti uleman sareng sami nyaksinin saha nyarengin ngastitiang karahajengan
acara puniki.

Bapak/ Ibu guru makasami sane wangiang titiang, sane kapertama titiang iriki
lakar nguncarang suksmaning manah ring para guru sekadi guru rupaka sane sampun
teleb ngajahain titiang sareng sami nyantos tigang tiban.

Titiang rumasa akeh mapiutang ring para guru mawinan kapradnyanan

sampun ngicenin peplajahan nganter iraga sami nuju kerahayuan. Titiang nunas
majeng ring para guru sareng sami mangda nenten surut surut ngicenin titiang
makasami piteket sane becik mangdane nemunin kedirgayusan ring peplajahan.

Ring acara puniki, titiang makasami taler nunas gengrena sinampura ring para
guru lan pegawai iriki yening ring tigang tiban niki titiang makasami mekarya sane
nenten becik.

Inggih para atiti sinamian, wantah asapunika sane prasida atur titiang, titiang
nunas gengrena sinampura, mawinan kakirangan penyambran titiang puniki. Dumogi
Ida Sang Hayang Widhi Wasa ngenugrahin iraga sareng sami karahajengan,inggih
tiang untatin antuk paramasanthi.

Om Santih, Santih, Santih Om

TUGAS PIDATO PERPISAHAN BAHASA BALI

NAMA : I MADE GEDE PARIS WIRANTA P.

NOMOR : 29
KELAS : IXB