DUKUCH MUUNTUCH S E K U Y A J A I

AUGMATMAU

Makichik jega yaijuch jegamkamu, tagkanai

taniishmagmaunum, dukuch muuntuch nigkiuch,
ishamamujiish atsujmau pujau.

Kanagtatus tepai, sukuya aga kaunak ¡Tugkuijua! ¡tugkuijua!

¡tugkuijua!, kanumainchau wake mesemag pampainau. Imattai
dukuch nantaki, numi juwakug nagkija ishiak, waketki jega
waya agkan kanak inaisau.

Nutikamu sekuya ataktu kaunawag, dukuch kanak ¡jukaa!,

¡jukaa! wajamun antukag takamtak jega waintuawaju dutika
shintajai tusag ijuuntug dipaas pegakjijai tegak jukiaju.

dutika yaki numi muun chikachkajunum iwaka ekeniag

ukuinak ataktuu wake besemag, ¡tugkuijua! ¡tugkuijua!,
¡tugkuijua! pampainau. Imatuu amaunum dukuch
muunchakam shintaukma dekapjau yaki numi kampujanum
patatmaujin.

Nunik puyatuk chichak: –¿Yaki minash imajuish yakiich

iwagkame? nujantaiyap jakattaja–wajakmaikia,numi
kampujanum paket pemak waitus akaikiu

Nunik nugka akaiki dukuch nayaimpi diis senchi buutu.

Imattai sukuya antugkag, shiig aneasag, ¡tugkuijua!
¡tugkuijua!, ¡tugkuijua! wajainau.
Dutikam dukuch dukap tsawan pujutsuk jakauwai.
Nuniku asamtai juti aents sukuya kauna pampakuig, aents
jakatnun dekapeak saig sekuya imatua tinuji.