TONA NI SINODE HKBP DISTRIK VIII DKI JAKARTA

Mandapothon Napinarsangapan:
Sude Ruas dohot Parhalado HKBP di Distrik VIII DKI
Jakarta
Marhite Pandita Resort/Uluan Huria
Di ingananna be

Tabe ma di hamu dibagasan goarni Tuhanta Jesus

Kristus Raja ni Huria i!
Mardongan roha mauliate di Tuhanta Debata dohot las ni
roha na sian Tuhan Jesus Kristus Raja ni Huria i, dipatupa
HKBP Distrik VIII DKI Jakarta do Sinode Distrik na
niuluhon ni Praeses HKBP Distrik VIII Pdt. Bernard Manik,
M.Th, mamungka sian ari Rabu sahat rodi Kamis, tanggal
09-10 Agustus 2023 maringanan di Green Forest - Bogor.
Dipungka do Sinode Distrik di bagasan ibadah dohot
marulaon na badia jala dipaujung marhite ibadah.
Torop ni mandohoti Sinode Distrik …. halak sian …. na
hinirim ro mandohotisa.
Denggan do mardalan Sinode Distrik i sinondangan ni
tema “HKBP Proaktif menghadirkan kebaikan Allah
bagi semua (Mateus 5;45) dohot sub tema: “HKBP
berperan aktif membangun keadilan, perdamaian dan
keutuhan ciptaan.” Laos dipaandar do tema dohot sub
tema on gabe ojahan ni hurianta laho mangarade diri
manomunomu taon 2024 gabe Tahun Oikumene Inklusif
di sandok HKBP hombar tu haputusan ni Rapot Majelis
Pekerja Sinode (MPS). Diarahon do sude Sinodestan asa
paumbukhon angka program dohot anggaran ni huria
mamungka sian tirket huria marsada-sada sahat tu resort
hombar tu ulaon oukimenes, anggiat jumpang ungkap ni
roha patupahon paralealeon di tonga-tonga ni huria,
masyarakat, nang bangsonta na marragam (pluralis).

Tahilala do parhusoran ni perekonomian, sosial dohot

politik di negaranta nang sude ruas pasca pandemic covid
19 laos dibagasan taon on ma hurianta HKBP patupa
haimbaruon marhite sentralisasi parhepongan (keuangan)
naung mardalan mamungka 1 Januari 2023. Ala na imbaru
do sentralisasi parhepongan on gabe godang dope sipauli
onta marhite pikiran, partisipasi dohot parhepengon asa
boi mardalan dohot denggan. Diigil parsinode distrik ta do
parsitutuonta sude ruas nang parhalado laho manumpahi
haimbaruon. Hombar tusi disosohon do tu sude ruas ni
huria asa tongtong marsihohot di bagasan haporseaon na
lam togu jala manghaburjuhon tumangianghonsa tu
Debata laho patulushon haimbaruon i.

Dihalashon parsinode do panghobasion ni Distrikta di

bagasan taon 2023 dohot sada ni roha ni sude huria dohot
resort manumpahi angka ulaon i. Tarida do i sian isi ni
Barita Pangulaon ni Praeses na dipaandar di Sinode i.
Dihalashon parsinode do parsitutuonta manumpahi
tanggung jawab tu dana sentralisasi perhepengon ni
HKBP laos songon i ma tu namangihut asa torus mardalan
tu dimposna. Laos disosohon parsinode do asa lam
marsitutu sude parhalado dohot ruas manghehei angka
ruas ditongatonga ni huria asa lam tumorop
parsidohotonna (kehadiran) mandohoti sude ulaon di
huria marsadasada.

Sahat tu sadarion ndang boi dope targohi ni BPSK sude

ulaon angka na patut sipatupaon nasida ala ni
keterbatasan dana na masuk , ala ni i dipangido parsinode
tu ganup huria dohot resort asa rade mangurupi na
ringkot tu:
 BPJS Kesehatan ni sude pangula gok tingki
 Biaya transport pelayanan
 Biaya mandohoti angka rapot di tirket Resort,
Distrik dohot Hatopan
 Ulaon Resort na ingkon siulahononton mendukung
program naung ditotophon di resort i

Marhadomuon tu taon 2024, Tahun Oikumene Inklusif

disosohon sinode do asa sude huria dohot ruas marsada-
sada patupa parsaoran tu na humaliangna be so pola
marbahir-bahirhon par bangsoon dohot ugamo. Ala ni i,
ditotophon distrikta do 2 agenda pokok Sinode Distrik, i
ma:
1. Program Kerja Taon 2024 na marpardomuan tu Tahun
Oikumene Inklusif HKBP,
2. Anggaran tu Program Kerja Taon 2024.
Hombar tusi do ditotophon Program Kerja dohot
Anggaran Taon 2024 siulahonon dohot sipatuluson ni
sude huria dohot resort di distrik on. Laho patulushon i,
sipabangkiton ni distrik ma panitia hombar tu ringkotna.

Ingot do Sinode Distrik ta on tu taon 2024, na patupa

Pemilihan Presiden dohot Legislatif di negaranta. Siala ni i,
denggan ma tapasahat be soaranta tanda ni warga negara
dohot warga gereja. Jala denggan do tangiangkononta
angka ruas ni hurianta na dohot gabe calon Legislatif di
DKI Jakarta dohot Pusat, anggiat boi tarpillitnasida."

Tatangianghon ma asa tulus mardalan di bagasan dame

dohot las ni roha nasa haputusan naung ditotophon di
tongatonga ni distrik ta, asa mamboan hamajuon,
haimbaruon dohot las ni roha tu sandok hurianta.

Jakarta, 10 Agustus 2022

Tabe mardongan tangiang
Atas Goar ni Parsinode