TONA NI SINODE HKBP DISTRIK XIII ASAHAN LABUHAN BATU

TU PANGHOBASION TAON 2023

Mandapothn nahinaholongan:
Sude Ruas dohot Parhalado HKBP
Di Ingananna be.

Asi ni roha ma di amu dohot dame sian Debata Amanta, dohot sian AnakNa Jesus Kristus Tuhanta i.
Amen.

Tapuji ma Tuhanta Jesus Kristus, Raja ni Huria I, na sai mangaramoti, mamikir-mikiri hita lumobi
mamasumasu huriaNa di nasa ragam ni panghobasion i. di bagasan pangaramotionNa I do nang pardalan
ni Sinode Distrik di na di tgl 14 November 2022 na maringanan di HKBP Kisaran Kota, sinondanganni
Tema: KERJAKANLAH KESELAMATANMU DENGAN TAKUT DAN GENTAR (Filipi 2:12) dohot
Sub Thema: “Mewujudkan Penatalayanan (Hajuarabagason) yang profesioal di tengah-tengah gereja dan
masyarakat demi pelayanan jemaat dan penatalayanan keuangan untuk menjadi gereja lebih mandiri,
berkeadilan, bersukacita dan meneladani Kristus”. Marhite Tema dan Sub Thema on, dihirim do asa
jumpa panghobasion na denggan dihajuarabagason marhite ragam panghobasion na marsiurupan
dibagasan biar dohot pos ni roha di Tuhan i.

Dipungka do Sinode i marhite partangiangan dohot ulaon na badia manogu huhut pataruhon sude ruas
Sinode Distrik laho manotophon angka haputusan na mansai arga, jala na mansai balga panghorhonna tu
pardalananni sentralisasi dohot panghobasion ni HKBP tu joloan on.

Bagas do diparungkilhon ruas ni sinode panghobasion asa lam marsitutu di sude kategorial lumobi
marhite na mamangke hamajuonni teknologi, songoni angka dalan pahinsathon sentralisasi parhepengon
di HKBP. Nunga ditotophon Sinode Godang 55% sipasahatonni huria sian 11 potensi pelean di huria, jala
45% ma sipangkeonni di huria.

Dung mamolus panghataion na tangkas di angka program dohot anggaran, lam tangkas ma disigati
lumobi diangka sidabudabuan ni huria na ingkon tangkas dope siurupan ni huria angka ulaon di resort
nang distrik, lumobi di angka sidabudabuanna.

Sai diurupi, dipargogoi, jala dipasupasu Tuhanta ma sude ruas nang parhalado ni HKBP patulushon angka
ulaon na tau pahothon haporseaon nang pahinsathon ngolu ni sandok HKBP gabe pasupasu tu sandok
portibi on.

Dibagasan ngolu na masitangiangan, marsiurupan ma hita patulushon Tahun Profesionalisme, taingot ma

Hatani Tuhanta na mandok: “saluhutna do tarpatupa au marhite Ibana na margogoihon ahu”
(Pilippi 4:13).

Kisaran, 14 November 2022

Tabe Mardongan Tangiang
Praeses HKBP Dist XIII Asahan Labuhan Batu

Pdt Winner Sitorus, MMin