Ol Misa Bilong Onarim God (Votive Masses), Pages 878-899
Ol Misa Bilong Onarim God (Votive Masses), Pages 878-899
Ol i ken yusim “Misa bilong onarim God” (Votive Masses), sapos dispela i helpim ol bilipmanmeri.
Pris i mas bihainim stia na orait bilong bisop bilong daiosis.
Tasol ol i no ken yusim ol dispela misa long ol Bikpela Pestode, long ol Sande bilong Atven, Len na taim
bilong Ista, long wik bilong Ista, long De bilong Tingim ol Manmeri I Dai Pinis, Es Trinde, na ol wikde
bilong Holi Wik.
I no gutpela long yusim ol “Misa bilong onarim God” long ol “De bilong tingim ol Santu” (memorial), long ol
wikde bilong Atven, ol wikde bilong Krismas na ol wikde bilong taim bilong Ista.
Tasol sapos dispela inap helpim ol bilipmanmeri, peris pris, o pris yet, i ken kisim ol dispela misa long
tingting bilong em.
Long ol wikde bilong taim bilong yia, na long ol “De bilong tingim, sapos ol i laik “(optional memorial), pris i
ken kisim “Misa bilong onarim God” bilong helpim gutpela lotu bilong ol bilipmanmeri.
BIGIN: Bikpela oltaim i save laikim yumi tumas. Em i salim Pikinini bilong em wanpela
tasol bilong rausim sin bilong yumi. Em i no mekim dispela wok bilong helpim
yumi tasol. Nogat. Em i mekim bilong helpim olgeta manmeri i stap long graun.
(Lukim Jer 31: 3; 1 Jn 2: 2)
o: Bikpela, bai mi singsing amamas long bikpela marimari bilong yu olgeta de.
Bai maus bilong mi i telimautim stretpela pasin bilong yu oltaim oltaim.
(Sam 89:1)
PRE: Yumi pre: (Ol i sarap, na pre liklik taim)
God Papa,
marimari bilong yu i nogat arere.
Strongim bilip bilong pipel bilong yu,
bai ol i save gut na kisim kliapela tingting olsem,
laikpasin bilong yu tasol i bin mekim mipela i kamap.
Helpim ol long save olsem blut bilong Krais i bin kisim bek mipela,
na long strong bilong Holi Spirit
yu bin mekim mipela i kamap nupela gen.
Mipela i askim dispela samting long nem bilong Jisas Krais,
em i Bikpela bilong mipela, Pikinini bilong yu,
em i stap laip na em i king wantaim yu na wantaim Holi Spirit,
God bilong oltaim.
KOMUNIO: Bikpela i save marimari oltaim long ol manmeri i stap aninit long em. Em i save
mekim gut long ol lain tumbuna i kamap bihain long ol. (Sam 103: 17)
o: Wanpela soldia i sutim sait bilong Jisas long spia na wantu blut wantaim wara i
kapsait. (Jn 19: 34)
BIGIN: Bikpela i mekim promis pinis long yu olsem na em i no inap long senisim tok
bilong em. “Yu stap pris inap oltaim long pasin bilong Melkisidek.” (Sam 110:4)
KOMUNIO: Jisas i tok olsem, “Dispela em i bodi bilong mi, mi givim bilong helpim yupela.
Dispela kap wain em i nupela kontrak mi mekim long blut bilong mi. Olgeta taim
yupela i dring long dispela kap, yupela i mas mekim olsem bilong tingim mi
gen.” (1 Ko 11:24-25)
BIGIN: Bikpela i opim dua bilong heven. Na em i salim mana bilong kaikai i kamdaun
olsem ren na em i givim bret bilong heven long ol manmeri. Olsem na ol
manmeri i kisim kaikai bilong ol ensel. (Sam 78:23-25)
KOMUNIO: Jisas i tok olsem, “Mi dispela bret i gat laip na i lusim heven na i kam daun.
Sapos wanpela man/meri i kaikai dispela bret, em bai i gat laip i stap oltaim. Na
dispela bret mi bai givim long em, em i bodi bilong mi. Mi givim, bai ol manmeri
bilong graun ol i ken kisim laip.” (Jn 6:51)
Tupela arapela misa bilong onarim Holi Yukaris i stap. Ol i ken kisim Misa bilong
onarim Jisas Krais, em i Bikpris bilong oltaim, pes 881, o: Misa bilong Bikpela Pestode
bilong Bodi na Blut bilong Jisas Krais, pes 244.
OL MISA BILONG ONARIM GOD (VOTIVE MASSES) 883
BIGIN: Olgeta ensel na olgeta manmeri na ol arapela samting i stap long heven na long
graun na aninit long graun ol i ken brukim skru long ai bilong Jisas. Na olgeta
i ken tokaut olsem, “Jisas em i Bikpela.” Na long dispela pasin ol bai i givim
biknem long God Papa. (Fl 2:10-11)
Prefasio bilong olgeta de 1, P 28, o wanpela arapela prefasio long laik bilong ol.
KOMUNIO: I nogat narapela man inap kisim bek yumi. Nogat. Long nem bilong Jisas
wanpela tasol yumi olgeta manmeri bilong graun inap i stap gut. (Ap 4:12)
BIGIN: Bikpela, long blut bilong yu, yu bin kisim bek mipela bilong givim mipela long
God. Yes, yu kisim bek ol manmeri bilong olgeta lain, na bilong olgeta tok pIes,
na bilong olgeta kain kala skin na bilong olgeta kantri. Yu bin mekim mipela i
kamap pris bilong God bilong mipela, na mipela i stap lain king.(Lukim Re 5:9-10)
KOMUN1O: Dispela kap i gat blesing bilong God em i save bungim yumi wantaim blut bilong
Krais. Na dispela bret, yumi save brukim, em i save bungim yumi wantaim bodi
bilong Krais. (Lukim 1 Ko 10:16)
BIGIN: Bikpela tingting bilong bel bilong yu i stap inap oltaim. Em i save kisim bek ol
long ples bilong ol daimanmeri na givim kaikai long ol long taim bilong hangre.
(Sam 33:11,19)
PRE: Yumi pre: (Ol i sarap, na pre liklik taim)
God Papa,
mipela i tingting long Santu Hat bilong Jisas.
Kirapim laik bilong mipela
long bihainim ol gutpela pasin na gutpela tingting bilong em,
bai mipela i ken kamap wankain olsem Jisas,
na bihain mipela i ken i stap olgeta wantaim em long heven.
Mipela i askim dispela samting long nem bilong Jisas Krais,
em i Bikpela bilong mipela, Pikinini bilong yu.
Em i stap laip na em i king wantaim yu na wantaim Holi Spirit,
God bilong oltaim.
KOMUNIO: Jisas i tok olsem, “Sapos wanpela man o meri i dai long wara, orait, em i ken
kam long mi na dring. Man o meri i bilip long mi, planti wara i gat laip bai i
kamap long bel bilong em, na i ran i go.” (Jn 7:37-38)
o: Wanpela soldia i sutim sait bilong Jisas long spia. Na wantu blut wantaim wara i
kapsait. (Jn 19:34)
BIGIN: God i givim pinis Holi Spirit long yumi, na pasin bilong God long laikim tru ol
manmeri, em Holi Spirit i bin kapsaitim long bel bilong yumi. (Ro 5:5)
TOK BILONG Ol rit bilong Pentekos, pes. 240, o ol rit bilong Konpirmasio,
GOD: o Buk bilong Rit n. 764-768.
KOMUNIO: God, soim strong bilong yu long mipela. Bipo yu bin helpim mipela long dispela
strong tasol insait long haus holi bilong yu long Jerusalem. (Sam 68:28)
BIGIN: Jisas i tok olsem, “Helpim tru bilong strongim yupela em Holi Spirit. Em Spirit
bilong tok i tru, na em bai i kam.” (Lukim Jn 14:26 na 15:26)
o: God Papa,
yu save long olgeta manmeri.
Yu save tu long olgeta tingting na laik bilong mipela.
I no gat wanpela samting mipela inap haitim long yu.
Long wok bilong Holi Spirit, klinim tingting na laik bilong mipela,
bai mipela i ken laikim yu tru na litimapim nem bilong yu oltaim.
Mipela i pre olsem long strong bilong dispela Holi Spirit,
na long nem bilong Jisas Krais, em i Bikpela bilong mipela,
em i stap laip na em i king wantaim yu na Holi Spirit, God bilong oltaim.
TOK BILONG Ol rit bilong Pentekos na bilong Konpirmasio. Buk bilong Rit n. 764-768
GOD:
KOMUNIO: Jisas i tok olsem, “Holi Spirit, em i save stap wantaim Papa na i kam, em bai i
kamapim biknem bilong mi.” (Lukim Jn 15:26 na 16:14)
BIGIN: Jisas i tok olsem, “Spirit bilong God i kam i stap long mi. Em i makim mi long go
bringim gutpela tok long ol rabismanmeri.” (Lk 4:18)
o: God Papa,
yu save lukautim na stiaim mipela long Holi Spirit bilong yu.
Sambai long mipela long marimari bilong yu,
na harim ol pre bilong mipela.
Strongim bilip bilong mipela,
na helpim mipela oltaim long grasia bilong yu.
Mipela i pre olsem long strong bilong dispela Holi Spirit,
na long nem bilong Jisas Krais, em i Bikpela bilong mipela,
em i stap laip na em i king wantaim yu na wantaim Holi Spirit,
God bilong oltaim.
TOK BILONG Ol rit bilong Pentekos, o bilong Konpirmasio. Buk bilong Rit n. 764-768.
GOD:
KOMUNIO: God, yu save givim Spirit long olgeta samting, na ol i kisim laip. Yu save mekim
olgeta samting bilong graun i kamap nupela gen. (Sam 104:30)
10 A. Ol i ken kisim ol misa bilong Santu Maria i stap long pes 691-701. I gat
sampela misa bilong kain kain taim bilong yia. Pris i putim waitpela klos misa.
BIGIN: Olgeta disaipel i stap wanbel na ol i save bung na pre wantaim Maria, Mama
bilong Jisas. (Lukim Ap 1:14)
Pris: Lord i stap wantaim yupela. Ol: Na wantaim spirit bilong yu.
Pris: Litimapim hat bilong yupela. Ol: Mipela i litimapim long Lord.
Pris: Yumi tenkim God i Lord bilong yumi. Ol: Em i gutpela na i stret.
KOMUNIO: Taim wanpela man i marit long Kena bilong Galili, mama bilong Jisas i stap long
haus bilong marit. Jisas i wokim namba wan mirakel olsem mak bilong bikpela
namba na strong bilong em. Na ol disaipel bilong em i bilip long em.
(Lukim Jn
2:1,11)
BIGIN: Maria Virgo, God I Stap Antap Tru em i bringim biknem long yu i winim tru nem
bilong olgeta meri bilong graun. Na olgeta taim ol manmeri i stori long yu, ol bai
i no inap lusim tingting long strongpela bilip bilong yu. (Lukim Jud. 13: 18-20)
o: God Papa,
taim Jisas, Pikinini bilong yu, i dai long alta bilong diwai kros,
em i laik, Mama bilong em, Santu Maria Virgo,
i kamap mama bilong mipela tu.
Mipela i ran i kam long Mama Maria na mipela i askim yu,
bai mipela i ken painim bel isi,
taim mipela i singautim nem bilong em.
Mipela i askim dispela samting long nem bilong Jisas Krais,....
KOMUNIO: God i salim ensel Gebriel i go long wanpela yangpela meri, nem bilong em
Maria. (Lukim Lk 1: 26-27)
BIGIN: Ol disaipel i stap wanbel na ol i save bung na beten wantaim Maria, mama bilong
Jisas (Lukim Ap 1: 14)
KOMUNIO: Dispela meri i bin karim Krais, Bikpela, em i ken amamas. Tasol mobeta, yumi
tok olsem, ol manmeri i harim tok bilong God, na i bihainim, em ol i ken
amamas. (Lukim Lk 1: 27-28)
BIGIN: Yupela olgeta ensel bilong Bikpela, yupela ol strongpela lain bilong em i save
bihainim tok bilong em na yupela i save putim yau gut long tok bilong em,
yupela i mas litimapim nem bilong Bikpela. (Sam 103:20)
KOMUNIO: God bilong mi, mi bai litimapim nem bilong yu long ai bilong ol ensel.
(Sam 138:1)
Ol i ken kisim tu misa bilong ol Ensel Lukaut, 2 Oktoba, i stap long pes 643.
12. MISA BILONG ONARIM SANTU JON BAPTAIS
Kisim Misa bilong apinun bipo long Bikpela Pestode bilong Jun 24, pes 573.
BIGIN: Lukim! Dispela man i gat gutpela tingting, na em i save mekim gut wok bilong
em. God i bin makim dispela man bilong lukautim famili bilong em. (Lk 12:42)
TOK BILONG Ol rit bilong pestode bilong Santu Josep, long 19 Mas, pes 535,
GOD: na long 1 Me, pes 549.
Ol i ken kisim tu misa bilong Santu Josep, long 19 Mas, i stap long pes 535,
o Santu Josep, wokman, 1 Mei, i stap long pes 549.
OL MISA BILONG ONARIM GOD (VOTIVE MASSES) 895
BIGIN: Jisas i tok olsem, “Yupela i no bin makim mi bilong i stap wantaim yupela.
Nogat. Mi makim yupela bilong i stap ol lain bilong mi. Na mi givim wok long
yupela, bai yupela i ken i go na karim kaikai na bai kaikai bilong yupela i ken
i stap gut.” (Jn 15:16)
KOMUNIO: Jisas i tok olsem, “Yupela ol man i bin bihainim mi, bai yupela i sindaun long
12 sia. Na yupela bai bosim ol 12-pela lain bilong Israel.” (Mt 19:28)
BIGIN: Jisas i tok long Saimon Pita olsem, “Mi pre pinis bilong helpim yu, bai bilip
bilong yu i no ken pundaun. Na taim yu tanim na yu kambek, orait, yu mas
strongim ol brata bilong yu.” (Lk 22:32)
KOMUNIO: Pita i tok olsem, “Yu Krais, Pikinini bilong God i gat laip.” Na Jisas i bekim tok
long em olsem, “Yu Pita, na bai mi wokim sios bilong mi antap long dispela
ston.” (Mt 16:16,18)
BIGIN: Aposel Pol i tok olsem, “Mi save pinis long dispela man mi bilip long en. Na mi
save tru, em inap long lukautim gut dispela wok em i putim long han bilong mi,
bai dispela wok hia i ken kamap gut inap long de Bikpela i kam bek gen.
(2 Ti 1:12; 4:8)
KOMUNIO: Santu Pol i tok olsem, “Olgeta wokabaut bilong mi long graun, em i wokabaut
long bilip tasol. Mi bilip long Pikinini bilong God, em i marimari long mi na em
i lusim laip bilong em yet bilong helpim mi.” (Ga 2:20)
Pris i putim retpela klos misa. Ol i yusim misa bilong pestode bilong wan wan aposel
yet. Tasol sapos i gat pestode bilong tupela aposel wantaim, na misa i no fit gut long
dispela aposel ol i laik onarim, ol i ken yusim misa i stap hia.
BIGIN: Long olgeta de telimautim dispela gutpela nius, Bikpela i bin kisim bek yumi.
(Sam 96:2)
KOMUNIO: Jisas i tok olsem, “Papa bilong mi em i givim kingdom long mi. Olsem tasol mi
givim kingdom long yupela. Na long kingdom bilong mi yupela bai i kaikai na
dring long tebol bilong mi.” (Lk 22:29-30)
BIGIN: Ol santu long heven i amamas, long wanem, ol i bin bihainim Jisas Krais.
Na ol i singsing amamas i stap wantaim em inap oltaim.
KOMUNIO: Ol manmeri, bel bilong ol i klin, em ol i ken amamas. Bai ol i lukim God. Ol
manmeri i save mekim dai ol kros na pait. Em ol i ken amamas. Bai ol i kolim ol:
pikinini bilong God. Ol manmeri i bihainim stretpela pasin na long dispela as ol
i kisim hevi long ol arapela. Em ol i ken amamas. Kingdom bilong heven em i
bilong ol. (Mt 5:8-10)