GEREJA PUNGUAN KRISTEN BATAK

PARTORDING NI ACARA
BUHABUHA IJUK

MINGGU, 31 MARET 2024

1
I. Pangaradeon:
(Parhalado mangarade di Konsintori Huria)
II. Ibadah.
1. Marende sian B.E No. 96 : 1-2 “Nunga Talu Hamatean” BL. 101
♫♪♫
Nunga talu hamatean dibaen Tuhan Jesus i,
Ai na hehe do Ibana songon na nidokNa i.
Haleluya, haleluya. Nunga hehe Jesus i
Haleluya, haleluya. Nunga hehe Jesus i. (Jongjong)
♫♪♫
Ia angka boruboru lao do tu tanoman i,
Ndang disi be Tuhan Jesus, nunga hehe sian
i. Haleluya, haleluya. Nunga hehe Jesus i
Haleluya, haleluya. Nunga hehe Jesus i.
2. Votum - Introitus – Tangiang (U = Uluan R = Ruas)
U = Marhitehite goar ni Debata Ama dohot goar ni AnakNa Tuhan Jesus
Kristus dohot goar ni Tondi Parbadia na tumompa langit dohot tano on.
Amen.
Halleluya! Rimpun di Debatanta do haluaon dohot hasangapon dohot
hagogoon!
R = Halleluya! Amen!
U = Puji hamu ma Debatanta, hamu saluhut naposoNa, na manghabiari
Ibana, angka na metmet nang angka na balga!
R = Halleluya! Ai nunga mangarajai Tuhan Debatanta naung
pahehehon Tuhan Jesus sian na mate. Haleluya, nunga hehe Jesus i.
U = Pinuji ma Debata, Ama ni Tuhanta Jesus Kristus, naung manubuhon hita
paduahalihon, sian godang ni asi ni rohaNa, marhitehite haheheon ni
Jesus Kristus sian angka na mate, asa marpangkirimon na mangolu hita.
Haleluya
Martangiang ma hita:
Ale Tuhan Jesus, na mandok mauliate do hami tu Ho ala ditaluhon Ho
do dosa dohot hamatean marhitehite hamamateM i. Ala di sondangi Ho
tanomannami, asa marpangkirimon na mangolu hami ala ni haheheonMi.
Ndang pola be mabiar hami mida hamatean. Dipaunsat Ho do hami sian
haholomon tu hatiuron, sian hamatean tu hangoluan. Antong pargogoi
ma hami mamuji dohot mangoloi Ho ariari, pasangaphon Ho di bagasan
haporseaon na mangolu, paima sahat hami tu lambungMu. Marhitehite
Tuhan Jesus Kristus martangiang hami tu Ho. Amen.

2
3. Marende BE. No. 91 : 2-3 “Hatuaon Do” BL. 55
(Ditingki marende ayat. 2 tujolo ma na manjaha Hata ni Debata)
♫♪♫
Hatuaon do Las ni roha do hangongot ni Tuhanta i
Monang do Jesus talu sibolis las be, las be ma rohanta i.
Monang do Jesus talu sibolis las be, las be ma rohanta i.
♫♪♫
Hatuaon do las ni roha do hangongot ni Tuhanta i
Mungkap do dalan tu hangoluan las be, las be ma rohanta
i. Mungkap do dalan tu hangoluan las be, las be ma
rohanta i.
4. Manjaha Hata ni Debata : (Boi diaturhon hombar tu kondisi)
Panjaha I = Mateus 28 : 1 – 10 (Sekolah Minggu)
Panjaha II = Markus 16 :1–8 ( Remaja)
Panjaha III = Lukas 24 : 1 – 12 (NHKBP)
Panjaha IV = Johanes 20 : 1 – 18 (Ama)
Panjaha V = 1 Korint. 15 :1-7 (Ina)
5. Koor:
6. Marende B.E. No. 93: 3 – 4 “ Pesta Paska Hatuaon” BL. 94
♫♪♫
Tuhan Jesus do na monang Tuhan Jesus do pasuang
Las ni roha dame pe las ni roha dame pe
Dongan golom ma hataNa, Na porsea di Ibana ndang tagamon mago be.
♫♪♫
Sai tapuji ma Tuhanta na pabongot tu rohanta
Roha pangkirimon i roha pangkirimon i.
Ia mate pe donganta sogot ingkon idaonta saluhut di surgo i.
7. Jamita : Pdt. Ebenezer Sitepu, S. Th
8. Marende B.E No. 92 : 1 - 2 “Puji Ma Na Manaluhon” BL. 178
♫♪♫
Puji ma na manaluhon dosa hamatean i,
Puji ma na pangoluhon saluhut pardosa i,
Jesus na dung mate i las roham o huriaNa
Ala na mamillit ho, Jesus i mangolu do.
♫♪♫
Tole hita mangendehon halalas ni roha i,
Dohot marolopolophon sangap ni na monang
i, Na tongtong mangolu i tole hita
mangendehon Halalas ni roha i di parngolu
Jesus i.
9. Tangiang Panutup: (Jongjong)
(U= Uluan A=Ama; RM=Remaja; I=Ina; SM=Sikolah Minggu; NH=NHKBP;
P=Parhalado; S=Sude;)
3
U = Nunga hehe Jesus, Tutu nunga hehe Ibana.

4
 A = Alani, hehe do hami laho mamaritahon haheheonNa i, marhite na
manadinghon saluhut biar ni rohanami; asa marhiras ni roha hami di bagasan
Ibana, ai Ibana do mual ni Hangoluan salelengnilelengna.
U = Haleluya nunga Hehe Jesus i, tutu nunga hehe Ibana.
RM= Nunga talu sibolis, talu hamatean, talu banua toru.
U = Haleluya nunga Hehe Jesus i, tutu nunga hehe Ibana.
I = Ndang mabiar be hami mida hamatean dohot soropna, ai nunga monang
Tuhannami Ulubalang na gogo i.
U = Haleluya nunga Hehe Jesus i, tutu nunga hehe Ibana.
SM= Ibana do manogihon hami sian hamatean tu haheheon sogot.
U = Haleluya nunga Hehe Jesus i, tutu nunga hehe Ibana.
NH= HamonaganNa i ma margogoihon hami manghatindanghon Ibana tu
sandok portibi on.
U = Haleluya nunga Hehe Jesus i, tutu nunga hehe Ibana.
P = Pasupasu ma huriaM dohot parbarita na uli mamaritahon haheheon ni
Tuhan Jesus Kristus Tuhannami.
S = Marende Sian B.E No.633 : 1 - 2 “Nunga Hehe Kristus i” BL.633
♫♪♫
Nunga hehe Kristus i, Haleluya. Sian hamatean i, Haleluya.
Parlangitan jouhon ma, Haleluya. Tano on alusi ma, Haleluya.
♫♪♫
Singkop panghophopNa i, Haleluya. Gok hamonanganNa i, Haleluya.
Sondang haluaon i, Haleluya. Patiur dalanta i, Haleluya.
U = Rap mandok ma hita di tangiang “Ale Amanami...”
S = Ale Amanami…d.u.
U = Pasu-pasu
R = (Mangendehon) Amin... Amin... Amin...

Masijalangan huhut mandok

SALAM PASKAH :

SAPA : KRISTUS TUHAN. KRISTUS TELAH BANGKIT.

JAWAB : BENAR, IA SUDAH BANGKIT.

III. MENCARI TELUR PASKAH (SEKOLAH MINGGU)

IV. PERSIAPAN IBADAH PASKAH