Kasusastraan mawit saking kruna sastra sane mateges ajah-ajahan, polih pangater su- sane mateges luih utawi becik, polih pangater lan pangiring (ka-an) sane nyinahang artos kawentenan dadosne Kasusastraan. inggih punika kawentenan ajahajahan utawi kaweruhan sane luih utawi becik tur mabuat.
Kaanggen buatan nincapang seni, ilen ilen, miwah unen unen ring Bali. Mangda prasida ngamolihag daging daging tattwa agama saha nincapang sradha baktine sajeroning ngrajegang agama hindu Baline.
Kasusastraan Bali lisan (basa tutur) inggih punika kasusastraan Bali sane katuturang saking pamiarsa sane asiki ka pamiarsa sane tiosan. Kasusastraan Bali tulis (surat) inggih punika kasusastraan Bali sane kawedar ngangge sasuratan.
NOVEL
Novel mawit saking basa itali Novella sane sukseman ipun orti. Novel inggih punika: nyeritayang sebagian utawi makasami indik pemargin pengarang utawi sang sane kawedar. Ring Novel wenten pitungkasnyne atawi konflik. Saking konflik prasida ngantenang nasib tokoh utama sane maduwe cihna realistis.
UNSUR INTRINSIK
1. Insiden inggih punika kejadian/peristiwa sane wenten ring karya sastra satua sane mekrana wenten alur. 2. Alur inggih punika pemargin satua . 3. Tokoh/penokohan inggih punika tokoh sane wenten ring cerita, lan penokohan inggih punika sifat/watak/karakter dari tokoh punika. 4. Latar inggih punika genah, waktu kejadian sane medaging ring cerita. Latar kakepah dados 3 inggih punika : latar tempat, waktu dan sosial.
5. Tema inggih punika unteng sane wenten ring karya sastra (satua / drama) 6. Amanat inggih punika tetuek sane kawedar ring daging cerita.
Unsur Ekstrinsik inggih punika unsur sane wenten ring jabannyane karya sastra. Unsur ekstrinsik marupa nilai-nilai sane wenten ring karya sastra punika sakadi nilai agama, miwah nilai-nilai sane lianan.
Suksma