Asil Pengelandik Jari Kitai Iban

Asil pengelandik jari tauka kraft tangan ke dikembuan serta diturun ke aki ini
kitai ari kelia agi bisi meruan dipeda serta ditampung nyentuk ke diatu.
Kemaya ari tu, asil pengelandik jari kitai Iban pan sama bela bisi dijual tauka
nyadi asil dagang. Ditu aku ngerintai ke sekeda ari asil pengelandik jari kitai
iban ke bisi ditemu aku awakka kitai sama meruan ingat, meruan nemu serta
meruan rindu ke asil pengelandik jari bansa kitai.
Selabit/Seladan

Digaga ari rutan ti udah diraut dianyam nyadi

selabit. Betulang ke kayu, diema ngena ribis.
Suah dikena mai barang ti ragak tauka enda
muat diema dalam baduk. Pia mega selabit
suah dikena ngema kayu api ke udah dibelah.
Kebuah pia, ti ngena selabit kayu api senang
disusun serta diperkas awakka nyamai diema.
Kemaya ari tu bisi bala anembiak enda
ngelala selabit sangka aku. Ari 10 engka siku
bala anembiak kitai Iban kemaya ari tu nemu ngaga selabit.
Baduk/Uyut

Leka jaku Baduk tebal agi dikena bala kitai Iban diau
tauka nguan menua Sri Aman sampai Sibu. Leka jaku
Uyut tu dikena bala kitai Iban ke nguan menua Kanowit
nyentuk ke Ulu Batang Rajang. Baduk tauka Uyut tu siti ari
utai ke dikena kitai iban mai tauka ngema barang kelimpah

Ditulis Serta Dikarang: Brian Amis

ari selabit. Baduk suah agi digaga ari rutan. Rutan tu siti bansa utai tumbuh
ngerayap dalam babas ke tan serta tegut amat ti dikena ngaga baduk serta
selabit. Tang kemaya ari tu Baduk suah agi digaga orang ari tali bata ke bisi
dijual ba kedai cina. Laban nyamai serta muntang agi ari ngena rutan iya nya
enda kiruh ngiga ke dalam babas.

Raga
Mit serta rumpas dibai. Mua raga nyau ka sebaka mua
pemansai. Suah dikena maya turun kai enggau ke
babas. Dikena alai nyimpan ikan, tekuyung, buah
enggau daun sabung. Digaga ari takang pantu ke
udah di-lit jadi lambar ke dianyam. Kemaya ari tu, raga bisi
mega digaga ari tali bata.

Jagan

Ulih digaga ari senggang, takang pantu serta bemban.

Jagan besai mua tang pandak agi burit ari baka. Suah
dikena alai nyimpan buah, baka kena ngerendam buah
kepayang.

Ditulis Serta Dikarang: Brian Amis

Baka

Mua baka sama baka enggau mua Jagan, tang

burit iya panjai agi. Digaga ari takang
pantu ke di-lit jadi lambar. Bisi mega
digaga ari senggang siti ari bansa utai tumbuh
dibabas ke bebatang oren lembut serta daun bechura
gadong. Dijembui di-lit jadi lambar. Udahnya baru ulih
dianyam nyadi Baka. Kemaya ari tu nyauka nadai agi meda Baka enggau
Jagan. Enti bisi, semina kraftangan ke dijual orang ba kedai.
Sintong
Suah dikena ngumpul buah lada enggau
kena ngetau. Mua enggau burit sama
baka Baka mina iya bisi ribis tauka tali
kena nyandik. Betali siti serta suah digaga
ari lambar takang pantu enggau bisi mega
digaga ngena tali bata. Ti dibandingka
enggau lambar takang pantu, sintong tan
agi ti sema digaga ari tali bata.

Lanji
Kitai Iban kelia suah ngena Lanji alai nyimpan kerang padi ke
ulih bumai. Reti Kerang padi iya nya padi ke agi begulai
enggau tangkai. Kebuah pia laban bedau di-indik pambar ari
tangkai padi.

Ditulis Serta Dikarang: Brian Amis

Pemansai

Siti ari perengka kena kitai iban ngulih

ke ikan, undang serta tekuyung ke lauk
maya umai tauka maya lepa pengawa
bumai

taun.

Pemansai

selalu

iya

digaga ari tangkang pantu ke di-lit

nyadi lambar sebedau dianyam jadi
Pemansai. Mua pemansai disilup tauka dibingkai ngena rutan ngulihka iya
tan serta tegut dikena. Suah iya pemansai dikena ngiga ikan, undang enggau
tekuyung ba ai ke enda dalam tauka mabu, tuggung rau serta sungai mit.
Sangka aku ari 10 indu rebak baru engka siku aja nemu nganyam, ari 10 iku
laki rebak baru engka siku aja nemu mingkai.

Capan
Capan siti bansa perkas asil pengelandik jari ti dikena bansa

kitai

Iban nampi padi awakka ulih muai antah serta ampa

padi ke agi bisi becampur enggau beras. Capan
digaga ari senggang ke di-lit nyadi lambar.
Dianyam serta mua capan dibingkai ngena
rutan ngambika tegut serta tan dikena maya nampi
Capan mega tau dikena nampi buah lada kena muai

padi.
abuk.

Ditulis Serta Dikarang: Brian Amis

Bubu
Bubu tauka Buba. Bubu digaga ngena buluh
tauka prin ke diraut nyadi baka gelegar prin
ke kena kitai ngaga tanju. Tang iya jauh mit
agi ari lambar gelegar tanju. Dibingkai serta
dianyam nyadi bubu. Guna bubu asai sepi
aku kitai ke diau di rumah panjai sama bela
nemu, iya nya kena nangkap ikan ba
sungai mit serta enda bangat deras. Diatu
nyau mimit aja bala kitai di rumah panjai
ke agi bisi ngembuan bubu. Engka laban
diatu nyau maioh bansa perkas tauka cara kena
kitai ngulih ke ikan. Tambah mega orang diatu nyau nemu ngena kambut beras
ke bubu, muntang, rumpas serta nyamai ditan ba sungai tauka ai.

Ditulis Serta Dikarang: Brian Amis