Kisah Rakyat matan Kalimantan Selatan nang bajudul Putri Junjung Buih,

mangisahkan tentang asal muasal kehadiran sang Putri Junjung Buih nang imbah
menjadi anak Raja Amuntai Kalimantan Selatan.
Awal kisah Karajaan Amuntai ini liwar unik, karena belain lawan karajaan
nang lainnya. Nang mana melainkannya ialah kerajaan ini dipimpin oleh dua urang
badingsanak. Nang mana Raja Pertama atawa nang labih tuha bangaran Parmaraga.
Sedangkan saikungnya Raja kedua, atawa ading dari raja nang pertama beisi
ngaran Sukmaraga. Tapi sayang, ada sebuting hal nang maolah kedua raja tersebut
bersedih karna dua raja badingsanak ini sama-sama kada baisi juriat. Buhannya
sama-sama handak baisi anak, tapi Raja Kedua nang bangaran Sukmaraga baisi
kahandak nang labih ganal gasan baisi anak sehigga Sukmaraga bausaha banar
gasan baisi anak, maka saban malam sidin dan bininya memohon lawan buhan
dewa agar dikaruniai sapasang anak lakian nang kambar. Selawas beberapa talu
malam berdoa, ternyata akhirnya doa tersebut ada tanda-tanda akan dikabulkan
oleh buhan dewa. Sukmaraga lalu mendapatkan petunjuk dari buhan dewa. Sidin
disuruh tulak gasan bertapa ke sebuah pulau di parak kuta Banjarmasin. Akhirnya
mamulailah Sukmaraga bertapa di sana, dalam pertapaannya ia mendapat wangsit
agar meminta bininya menyantap kambang Kastuba. Kada lawas kemudian sidin
pun behancap-hancap tulak mencari kambang Katsuba, imbah bunga itu didapatkan
sidin pun langsung mambarikan lawan bininya. Ternyata bujur petunjuk nang sidin
dapatkan, kada lawas bininya pun hamil, imbah labih dari 9 bulan mengandung,
akhirnya sang permaisuri meranakkan anak kambar.
Nang mana ini pun maulah Raja Pertama (Raja Tuha) handak jua baisi anak,
oleh karna itu sidin pun umpat berdoa nang kaya dilakukan oleh Raja Anum. Setelah
beberapa waktu berdoa dan memohon lawam buhan dewa, sidin pun sama jua
mendapatkan wangsit gasan bertapa ke Candi Agung nang ada di Kuta Amuntai,
kada lawas kemudian sidin pun tuntung menjalankan pertapaan, sidin pun bulik
akan tetapi ditengah perjalanan sidin manamukan seurang bayi babinian nang lagi
larut di sungai, dengan lakas Raja Tuha langsung menyuruh panglima istana nang
bengaran Datuk Pujung gasan meambil bayi tersebut. Rombongan bubuhannya pun
takajut imbah manolongi bayi tersebut dikarnakan bayi tersebut kawa berpandir.
Bayi itu baucap gasan ditenunkan salambar kain dan sehelai salimut nang kawa

dituntungkan dalam waktu satangah hari lawan kada tanggung-tanggung sang bayi
mahandaki kalau diambili lawan 40 urang babinian bungas. Imbah malihat kejadian
ajaib ini, Raja pun menyuruh mengadakan sayembara gasan menuruti kahandak
bayi tersebut. Lalu diadakan lah sayembara tersebut dan didapatkan seurang
jawara nang bengaran Ratu Kuripan. Ratu Kuripan liwar banyak baisi keahlian
disamping pandai menenun, binian ini memiliki kekuatan gaib nang luwar biasa,
kada nang sembarang urang kawa nang kaya sidin.
Lalu hadiah sayembara pun segera diumumkan lawan Raja Tuha gasan
meangkat Ratu Kuripan menjadi pengasuh si bayi. Bayi di atas buih itu pun kawa
diambil dan diangkat anak oleh Raja Tuha. Bayi itu pun dingarani Putri Junjung Buih.
Pambarian ngaran ini diilhami lawan proses penemuan sang bayi nang dulu
terapung diatas segumpalan buih pada sebuah sungai. Sementara itu, Ratu Kuripan
diangkat menjadi pengasuh Putri Junjung Buih. Ratu Kuripan melajari sabarataan
ilmu nang sidin beisi dan membimbing Putri Junjung Buih sampai dewasa. Karna
kapintarannya, Putri Junjung Buih tumbuh menjadi putri nang liwar langkar serta
dikaruniai kapintaran nang luwar biasa. Raja Tuha sangat menyayanginya. Kelak di
kemudian hari, Putri Junjung Buih menjadi anutan rakyat Amuntai dan menikah
lawan pangeran dari karajaan Majapahit. Akhirnya mereka menurunkan raja-raja
nang berkuasa di wilayah Kalimantan.