HARI RAYA SARASWATI

“OM SWASTIASTU”

Ida dane, pamiarsa sinamian sane wangiang titian.

Manut baos sang maraga pawiku, umat Hindune wantah sthiti bhakti ring Ida Sang Hyang
Widhi, nanging sane maraga wicaksana maosang antuk makudang-kudang parinama.
Sinalih tunggil sane kaangken pinaka Dewi Pencipta Ilmu Pengetahuan wantah Sang
Hyang Aji Saraswati.

Sakadi sampun kauningan, umat Hindune nyanggra piodalan Sang Hyang Aji Saraswati
ngenem sasih apisan, ring rahina Saniscara Umanis Wuku Watugunung. Rahinanne punika
ketah kabaos “Piodalan Saraswati”,pinaka rahina perayaan lahirnya ilmu pengetahuan.
Ring rahinanne puniki sami umat Hindune ngaturang pangubakti majeng ring Ida Hyang
Widhi pinaka utpeti pencipta ilmu pengetahuan. Wenten anak dados professor, bengkel,
tukang, dokter miwah sane lianan sangkaning kapaica olih Ida Sang Hyang Widhi. Punika
mawinan sareng sami patut nanggra pawijilan pangweruhne.

Ida dane , para semeton sami sane singgihang titian, tetujon nyanggra Rahina Saraswati
boye wenten tios wantah ngaturang suksema ring Ida Sang Hyang Widhi, riantuk ledang
mapaica pangweruh sahe mangda nglantur pasuecan Ida, gumanti wenten anggen
ngeruruh pangupajiwa. Riantuk utama pisan kawigunan kaweruhne majeng ring kauripan
druene, punika mawinan nganggen niasa Dewi Saraswati utawi Dewi Cantik. Napi
mawinan Dewi Cantik? Santukan pangweruhe punika dahat ngenyudin. Maka sami anake
enyud utawi nyaratang pisan pangweruh, sane dados kaprabotang sarahina ngruruh
amerta.

Ring susastra “Sarasmuscaya”kabaosang, anake sane nenten madue kawruhan ten bina
kadi anak buta. Asapunika kocap laran kayun anake sane nenten madue kawruhan.
Kawruhan sane presida pinaka titi pangancan pacing ngenterang manusa ngicaeng
kasengsarang urip nyane. Make sapunapi tata carane mangda makeh madue pangweruh?
Janten mangda jemet malajah saha setata ngastawa ring Ida Hyang Aji Saraswati. Patut
taler ngelarang semboyan “Masa Muda Masa Belajar”.

Titiang naenin taler mirage, mungguing maseh I manusa sane utama wantah
katembatang utawi kebodohang. Duaning asapunika, anake sane kaliput dening
katambetang majanten pacing maparilaksane utawi ten rahayu. Malih wenten kecap ring
sastra, mungguing wit suka dukane wantah katambetang. Katambetan punika, metu
saking kaloban, lobe punika metu saking katambetan. Dados nyane, wantah katambetang
sane mawinan manusane mangguh sengsara.

Yening telebin pisan maka sami kauripane madasar sengsara mawinan kabaos
punarbhawa. Punika mawinan ring niasa Saraswati wenten Genetri (rantai) sane
nyihnayang pangetahuan punika langgeng nenten telas-telas antuk melajahin. Malajah
saenun maurip patut gelarang, yadin ririh liu enu palajahang.

Ida dane sameton sami sane tresna asihin titian, maosang indik agama, patut dasarin
antuk Tri Kerangka Agama inggih punika Tattwa, Susila, lan Upacara.Upacara kocap
cihnan anake maagama. Makadi piodalan Saraswati. Semengane irage ngastaeang ring Ida
Sang Hyang Widhi pinaka pencipta ilmu pengetahuan, weengine ngwacen lan maosang
daging sastra agama, raris benjang semengane mabanyu pinaruh, sahe nunas tirta
kaweruhan. Punika wantah cihne druene astiti bhakti ring Ida Hyang Widhi.

Wantah asapunika titian presida mahbahang atur ring galahe sane becik puniki. Maka
kirang langkung atur titian, lugrayang titian nglungsur geng rena pangampura. Pinaka
pamuput atur, titian ngaturang parama shanty,

“Om Shanti,Shanti,Shanti Om”