Suksman Rahina Saraswati

Om Swastyastu,

Inggih bapak Ibuk sareng semeton sane wangiang titiang ring galah puniki, sane pinaka
pujawali Sang Hyang Aji Saraswati. Sadurungnyane ngiring sareng-sareng nyihnayang rasa
pangayu bagia majeng ring Ida Hyang Parama Kawi sangkaning asung kerta wara nugraha
ida, titiang pingkalih ida dane ngamangguhang karahajengan.

Ida dane sareng sami, waluya kadi masikin segara titiang purun ngadeg iriki jagi nguningaya
Suksman Rahina Saraswati, sane minabang titiang ida dane sami sampun tatas uning.
Nanging sangkaning meled manah titiang, titiang malih ngaturang majeng ring ida dane sami.

Iraga sareng sami sampun tatas uning napi nike ilmu pengetahuan. Pengetahuan punika pateh
teken sampat sane mresidayang anggen mekarya ring gria soang-soang. Peteh masi ring Ilmu
sane pacang anggen iraga ngalih pangupa jiwa rikala ngelamar kerja ring kota. Sinamian sane
maguna ring kehidupan ring jagat bali puniki patut kasucian. Iraga melajahin ilmu
pengetahuan pastika sumbernyane buku. Buku patut iraga suciang inggih punika ring rahina
Saraswati. Ring rahina saraswati puniki sane kapuja inggih punika Ida Sang Hyang Aji
Saraswati utawi Sakti Dewa Brahma. Ida Sang Hyang Saraswati, santukan Ida sane ngicenin
karahayuan, kawicaksanan, kawibawan, miwah sakancan kawruhane sane katiba ring i
manusa majalaran antuk sastra. Rahina Saraswati rauhnyane ngenem sasih apisan, inggih
punika rikala Saniscara Umanis Watugunung. Kawentenan pralambang ring sajeroning
palawatan Ida Sang Hyang Aji saraswati,sane makeh madaging simbul lan artosnyane soang-
soang. Rahina Saraswati pastika madue suksman utawi makna sane becik. Titiang mangkin
jagi negesang napi manten suksman iraga ngemargiang rahina

Makna miwah simbol-simbol Dewi Saraswati inggih punika :

1.Kulitnyane putih, suksman ipun: dasar ilmu pengetahuan (vidya) sane putih, bersih lan suci.

2. Kitab/pustaka ring tangan kiri, suksman ipun: Sinamian bentuk ilmu miwah sains.

3. Wina, suksman ipun : seni, musik, budaya lan suara. Nike mateges simbol keharmonisan
pikiran, budhi, kehidupan dengan alam lingkungan.

4. Akshamala/ganatri/tasbih ring tangan kanan, suksman ipun: Ilmu pengetahuan spiritual

punika mawit sinamian sains.

5. Paras Ayu , suksman ipun: Simbol kebodohan miwah kemewahan duniawi prasida
ngranayang (avidya).

6. Angsa (Hamsa), suksma ipun: Prasida nyaring yeh miwah memisahkan, sane baik miwah
sane buruk.

7. Merak , suksma ipun : Rumene sane becik, Ayu lan cemerlang yadiastun hidupnyane ring
hutan.
8. Bunga Teratai/Lotus, suksman ipun: prasida tumbuh subur miwah mapikolih bunga sane
becik yadiastun hidupnyane ring yeh sane tercemar.

Suksman ring simbol simbol Dewi Saraswati punika becik pisan.

Inggih wantah sekadi asapunika prasida titiang ngaturang dharma wacana, yening prade
wenten kirang langkung atur titiang sane nenten mungguh ring pikahyunan ida dane titiang
nunas geng rna sinampura. Puput titiang antuk parama santih.

“Om Santih Santih Santih Om”