Nama :

Kelas :
Nomer :

Assalamualaikaum Wr. Wb

Se kaula moljaaghi, bapak kepala SDN Kolpajung.

Bapak sareng ebu guru sareng staf TU, se kaula moljaaghi.

Kanca-kanca sadeje, se kaula cintai.

Kasempadhan ka’ dhinto ngereng asareng sadhajana amoji sokkor kehadirat ALLAH SWT jugen
Rosulullah SAW sareng kalowarga sareng para sohabat epon.

Bapak sareng ebu guru sareng staf TU, se kaula moljaaghi.

Pidato se kaula ngocap aghi, ngatorragi Tentang Nabi Muhammad SAW sareng Isra’ Mi’raj. Kaula
sadhajana sebagai hamba ALLAH SWT andhi’ kawejiben berikhtiar mateppa’ jelen odhi’ kaula so
panjennengan sadhaja sopaja ngaolle kasennengan odhi’ e dunnya sareng akherat.

Bulan rajab panekah salah settongnga bulen se e dalemma epon aghaduwen kadhaddian se sanget
rajeh kaangguy ummat islam. E ka’ dhimma e malem bulen rajab panika nabi Muhammad SAW
ngalakone isro’ sareng mi’raj langkong ceppet kaangguy nguji keimanan sohabat sohabat nabi sareng
kaula so panjennengan sadhaja.

Arte epon isra’ sareng mi’raj enggi ka’dhinto gabungan duwa’ kata se arte epon ajelen sareng e angka’
ka langi’ settong hamba se paleng moljeh enggi ka’dhinto Nabi Muhammad SAW sebagai bentuk
tresna ALLAH SWT ka Nabi Muhammad SAW delem bhakto singkat, coman seperempat malem.

Coba kaula sareng panjennengan ngen angen aghi secara akal, parjelenan isra’ Nabi Muhammad SAW
dhari masjid haram se bedhe e mekka ka masjid aqsa se bhada e palestina se jara’ epon bu ebu kilo
meter etambeh parjelenan mi’raj dhari masjid aqsa palestina ka langi’ kapeng petto’ sampe’ sidrotul
muntaha coman elakoni seperempat malem.

Se paleng teppa’ kaula sareng panjennengan sadhaja sebagai ummat epon Nabi Muhammad SAW
kodhu parcajeh kadhaddiyen isra’ mi’raj ka’dhinto se ealami Nabi Muhammad SAW panika bennar.
Sareng la dhaddi katantowan ALLAH SWT kaangguy hambanya. Jika ALLAH SWT andhi’
katantowan, tadha’ se bisa nolak.

Gan sakadinto pamator kaula, sala lopot kaula nyo’on sapora. Manabi badha kakorangan ka’
dhinto dhateng dhari kaula, manabi kasampornaan ka’dhinto ghaduwen ALLAH SWT semata. Mator
sakalangkong sadhajana.

Wassalamualaikum wr. wb