Rukun Manyama Braya

Luh Putri : “Wiihh!!! Mainang tiuke, mbok enu matuasan!”

Made Sri : “Beh, mbok demit, bantes silihin tiuk tusing dadi. Enden malu, tiuke enu anggon ti
ang ngangsud tiing!”
Luh Putri : “Apa,demit? Mbok magae nulungin I Meme ene! Tusing cara Madene mara bangun
suba ngitungan layangan.”
Made Sri : “Siepang awake,eda makejang anake urusa. Awak luh lebihan munyi, cara cengceng
kebes.”
Komang Naya : “Ada apa ne? Adi mbok-mbok tiange semengan suba pragat miegan?”
Made Sri : “Mendep Mang! Komang tusing nawang apa!”
Komang Naya : “Tiang nak ngorahin beneh-beneh mbok,eda je Mbok Dek Sri galakin tiang.”
Bapa : “ Wiiih,ning! Apa lakar garang ento? Tusing med-med marebat. Selid semengan pragat
miegan,buka cicing ngajak meong.”
Luh Putri : “I Made, pa! Tiuke enu anggon tiang matuasan rebutina.”
Made Sri : “Mbok, pa! Bantes silih tiukne nengkik. Bene-beneh apa ngorahin.”
Meme : “Napi sane ngranayang semengan suba uyut ne? Nah suud monto sampun pelihang.
Cening suba kelih patutne saling asihin, tur rukun manyama. Ento tingalin ja semute di
Batarane! Ia rerad-rerod, cihna melah ia manyama. Sabilang matemu saling anggutin.
Ada ane ngompiok nyunggi nasi abulih. Ada ane matuglig ngantos tulungan ngedeng
bangken jlati. Ento sandang tulad,Ning!”
Made Sri : “Bah, meme ada-ada dogen. Semut anggon tetuladan.”
Meme : “Kene to,De. Makejang ane ada duur gumine pantes anggon tetuladan. Manusa, buron,
gumatat-gumitit, teked I entik-entikan pantes anggon conto. Nanging patut pilih-pilihin
niru,ane melah duduk ane jele kutang.”
Komang Naya : “Pa, apa ane sandang tulad uling laksanan ia I semut?”
Bapa : “Luh diastu ia kasenggu gumatat-gumitit, ia ngagemang pesan katatuan makhluk sosial,
rungu tur rukun manyama braya. Ento, tegarang buin tlektekang! Sabilang matemu ia
macapatan, saling anggutin. Rikala maan tetedan setata madum bareng, tur saling tulu-
ngin. Ia tusing taen macokrah ajak timpal. Tusing cara cening, sabilang paek pragat
marebat.”
Luh Putri : “Ampura tiang Sri, sawireh suba tusing ngemaang nyilih Madene tiuk.”
Made Sri : “Tiang masih nunas ampura sawireh suba galakin Mbok teken Komange.”
Komang Naya : “Tiang masih patuh.” (manggut-manggut)
Luh Putri, Made Sri, Komang Naya : “Ampura me,pa. Uling jani tiang lakar ngesehin bikas, suud
miyeg-iyegan!”