SUN-3-3/4.

3/1/3-3

Nyusu Laporan Kagiatan … Gampang!

1. IDENTITAS UKBM

a. Mata Pelajaran : Bahasa Sunda

b. Semester : 1
c. Kompetensi Dasar dan Indikator :
Kompetensi Dasar Indikator Pencapaian Kompetensi
3.3 Menganganalisis isi, struktur 3.3.1 Siswa dapat menceritakan kembali isi teks
dan aspek kebahasaan laporan kegiatan.
laporan kegiatan 3.3.2 Siswa dapat menganalisis kaidah, isi, ciri-ciri
dan struktur téks laporan kegiatan

4.3.1 Membuat rancangan perencanaan dan

4.3 Menulis laporan kegiatan
dengan memperhatikan pelaksanaan suatu kegiatan.
struktur dan aspek 4.3.2 Menyusun laporan kegiatan berdasarkan
kebahasaan rancangan yang telah ditentukan

d. Materi Pokok : Laporan Kagiatan

e. Alokasi Waktu : 2 JP X 4 ( 8 X 45’)
f. Tujuan Pembelajaran :

Melalui pembelajaran ini peserta didik dapat menjelaskan, isi, struktur dan aspek
kebahasaan laporan kegiatan, serta mampu menyusun teks laporan kegiatan sesuai
dengan kaidah, ciri-ciri dan struktur laporan dengan baik.

g. Materi Pembelajaran :

Fakta:
• contoh teks laporan kegiatan.

Konsep:
• Wangenan laporan kegiatan
• Ciri-ciri, dan struktur, laporan kegiatan.

Prosedur:
• Langkah-langkah penyusunan teks laporan kegiatan.
• Proses penyajian laporan hasil penyusunan téks laporan kegiatan.

Ukbm3- sunda: laporan kagiatan 1

 SUN-3-3/4.3/1/3-3

2. PETA KONSEP

MACA TEKS
LAPORAN STRUKTUR EUSI
KAGIATAN (Kasang Tukang, Tujuan,
Waktu dan tempat,
Pamilon, Waragad,
Kagiatan, panutup )
MEDAR
LAPORAN
LAPORAN
KAGIATAN
KAGIATAN

STRUKTUR BAHASA
NYUSUN (Diksi, Aksara Gede)
LAPORAN
KAGIATAN

3. PROSES BELAJR

A. Petunjuk Umum Penggunaan UKBM

1. Baca dan pahami beberapa wacana dan bahasan yang ada di UKBM ini.
2. Setelah memahami isi materi, berlatihlah memperluas pengalaman belajar melalui
tugas-tugas atau kegiatan-kegiatan belajar baik yang harus kalian kerjakan sendiri
maupun bersama teman sebangku atau teman lainnya sesuai instruksi guru.
3. Kerjakan tugas-tugas di buku kerja yang sudah kalian siapkan sebelumnya.
4. Apabila kalian yakin sudah paham dan mampu menyelesaikan permasalahan-
permasalahan dalam kegiatan belajar, kalian boleh sendiri atau mengajak teman lain
yang sudah siap untuk mengikuti tes formatif agar kalian dapat belajar ke UKBM
berikutnya (jika belum memenuhi KKM, maka pelajari kembali materi ini kemudian
minta tes lagi sampai memenuhi KKM).
5. Jangan lupa melalui pembelajaran ini kalian dapat mengembangkan sikap jujur,
peduli, dan bertanggung jawab, serta dapat mengembangkan kemampuan berpikir
kritis, komunikasi, kolaborasi, kreativitas.

B. Bubuka (Pendahuluan)

Laporan kagiatan the disusun minangka bukti hiji kagiatan geus dilaksanakeun. Lian ti eta,
laporan kagiatan oge geus bisa dianggap bukti ayana tanggung jawab salasaurang jalma atawa
calagara (panitia) ka nu mere pancen. Pikeun hiji lembaga/ institusi, laporan kagiatan bisa
dijadikeun cecekelan keur nyieun kagiatan atawa program satuluyna.

Ukbm3- sunda: laporan kagiatan 2

 SUN-3-3/4.3/1/3-3
C. Perkara Laporan

Laporan teh nya eta ringkesan ngeunaan hiji kagiatan, kaayaan, atawa hal naon bae nu geus
kaalaman atawa kalaksanakeun anu kudu ditepikeun ka pihak anu mere pancen minangka
pertanggungjawaban.
Rupa-rupa laporan
I. Laporan disawang tina cara nepikeunana aya dua nya eta:
a. Laporan lisan
b. Laporan tinulis
2. Laporan disawang tina eusina, aya tilu nya eta:
a. Laporan kagiatan, nya eta laporan hiji kagiatan nu geus dilaksanakeun. Contona:
laporan kagiatan piknik, laporan kagiatan lomba, jst.
b. Laporan keuangan, nya eta laporan anu eusina ngeunaan kaluar asupna duit di hiji
lembaga/pausahan.
c. Laporan jurnalistik (laporan lalampahan), nya eta laporan anu eusina ngeunaan
lalampahan wartawan dina ngaliput hiji peristiwa atawa kagiatan anu dipandang aya
mangpaatna keur batur.

D. Maca Téks Laporan Kagiatan

Conto laporan (1)

Pék baca sing gemet ieu laporan kagiatan di handap!

Laporan Kagiatan Pagelaran Seni Sunda

Karang Taruna Desa Tumaritis

1. Bubuka

Dina raraga milangkala kamerdékaan Indonesia anu ka-73, Karang Taruna Desa Tumaritis
ngayakeun kagiatan Pagelaran Seni Sunda pikeun lingkungan Desa Tumaritis. Ieu kagiatan téh
minangka ngareuah-reuah kana milangkala kamedékaan anu ka-73, sarta salasahiji kasempetan
pikeun némbongkeun kaparigelan jeung karancagéan sakumna masarakat Désa Tumaritis. Salian
ti éta, ieu kagiatan téh pikeun miara tur ngamumulé budaya nu aya di Indonésia. Dina ieu kagiatan
téh bakal mintonkeun sababaraha seni tradisi Sunda, di antarana nyaéta calung, longsér, ibing
penca, réog, tari, jeung rampak kawih.

2. Waktu jeung Tempat

Ieu kagiatan téh dilaksanakeun dina poé Saptu, 19 Agustus 2018. Jam 19.30 WIB nepi ka
22.00 WIB. Tempatna di Aula Désa Tumaritis, Jalan Tumaritis No. 3 Kota Tumaritis.

Ukbm3- sunda: laporan kagiatan 3

 SUN-3-3/4.3/1/3-3
3. Pamilon
Pamilon nu midang dina ieu kagiatan téh nyaéta:
a. Ibu-ibu PKK Desa Tumaritis
b. Barudak Sanggar Tari
c. Calung Grup Mang Iwa
d. The Bojeg Longsér Tumaritis
e. Ibing Penca DésaTumaritis
f. Réog Grup Mang Mahdi
g. Rampak Kawih Kampung Lénjong

4. Waragad

Waragad pikeun ngayakeun ieu kagiatan nu katarima téh nyaéta Rp. 5.000.000,-, anu
sumberna tina anggaran Désa Tumaritis. Éta waragad téh dipaké pikeun rupa-rupa kaperluan
jeung kabutuhan pagelaran.

5. Kagiatan jeung Hasil

Kagiatan Pagelaran Seni Sunda téh lumangsung sapoé. Ari runtuyan acarana mah dibuka
heula ku pamapag ti Kepala Desa. Sabada kagiatan dibuka, kelompok wawakil ti unggal kampung
nu aya di Désa Tumaritis téh tatahar pikeun mintonkeun kaparigelanana dina panggung, luyu
jeung runtuyan pidangan anu geus disadiakeun.
Unggal pidangan kelompok téh didokuméntasikeun mangrupa potrét jeung vidéo, anu
satuluyna dijieun albeum potrét jeung DVD. Pidangan kelompok wawakil ti unggal kampung téh
katangén parigel pisan sarta bisa méré kesan anu hadé ka anu narongton. Émprak-surak ti anu
nongton teu eureun-eureun, tepi ka kagiatan pidangan réngsé.

6. Panutup
Kagiatan Pagelaran Seni téh lumangsung kalawan lungsur-langsar luyu jeung rarancang anu
geus dijieun saméméhna. Unggal pamilon nu midang némbongkeun kaparigelanana sarta bisa
méré kesan anu hadé ka nu nongton. Sanajan kitu, aya saeutik kakurangan dina pasualan téhnis
nataharkeun panggung, pangpangna dékorasi. Éta hal téh lantaran kurangna koordinasi antara
pihak panitiana sorangan. Muga-muga bisa jadi bahan évaluasi pikeun kagiatan ka hareupna.
Pamungkas, panitia ngahaturkeun nuhun ka sukumna pihak anu geus ngarojong kana ieu
kagiatan. Mugia Allah SWT maparinan ganjaran kana kasaéan sadayana. Amin.

E. Medar Laporan Kagiatan

Laporan kagiatan téh enas-enasna mah minangka bukti yén éta kagiatan téh geus
lumangsung. Ari eusina mangrupa sagala informasi anu patalina jeung kagiatan anu geus
lumangsung. Umumna mah informasi anu dilaporkeun téh museur kana prak-prakan kagiatan,
waktu, tempat, jeung lumangsungna kagiatan.
Dina conto téks laporan di luhur, laporan kagiatan anu dituliskeun téh kaitung lengkep. Ti mimiti
prak-prakan kagiatan, bangbaluh, waragad, jeung pasualan-pasualan téhnis bari disusun kalawan
ngaruntuy.
Geura ilikan deui runtuyanana!

Ukbm3- sunda: laporan kagiatan 4

 SUN-3-3/4.3/1/3-3

Cara midangkeun laporan kagiatan téh bisa ku rupa-rupa cara. Aya anu formal cara conto laporan
ka-1 jeung ka-3, aya ogé anu teu formal maké narasi atawa dicaritakeun wungkul. Tapi, boh anu
formal boh teu formal, struktur laporanana mah teu pati béda. Didadarkeun heula kasang tukang
jeung tujuanana, didadarkeun prosés kagiatanana, sarta dipungkas ku hasil kagiatan.

Geura ilikan laporan kagiatan ieu di handap, anu ditulis maké susunan (struktur) teu formal.

Ukbm3- sunda: laporan kagiatan 5

 SUN-3-3/4.3/1/3-3
Conto laporan (2)

Pék baca sing gemet ieu laporan kagiatan di handap!

Agustusan Urang Sunda di Kuwait

Kénging RH. Tarmidzi

Sanajan ngumbara jauh ka nagri deungeun, tapi teu poho ka lembur sorangan. Kitu nu kaalaman
ku urang Sunda di Kuwait, nu aya dina beungkeutan Paguyunan Pasundan Kuwait (PPK). Éta
pisan anu ngajurung sumanget aranjeunna milu dina kagiatan ngareuah-reuah HUT RI 17 Agustus
2015 nu diayakeun ku KBRI di Kuwait.

Tujuan kagiatan agustusan téh, ceuk Kepala Dubes Kuwait Bapa Tatang Budi Razak nu ogé
teureuh Ciamis, , sangkan urang Indonésia nu di luar negeri tetep teu poho kana sajarahna. Kitu
deui, nurutkeun Ketua PPK Dr. Agus Abdullah, P.hD., milu ngareuah-reuah agustusan nu
dilaksanakeun ku KBRI tzh bisa ngaraketkeun duduluran urang Sunda di Kuwait, ogé keur
némbongkeun préstasi urang Sunda ka sélér séjénna nu aya di Kuwait.

Kagiatan agustusan dilaksanakeun ti tanggal 31 Juli nepi ka puncakna tanggal 7 Juli 2015,
kalawan dibuka ku Kepala Dubes Kuwait di gedung Al Nasser Sports Centre Ishbilya. Sababaraha
jenis kagiatan digelar, di antarana aya lomba futsal déwasa, futsal anak-anak, badminton,
pingpong, catur, karaoké, jeung gapléh.

Kumaha ari préstasi urang Sunda? Sabada lomba lumangsung, Tim Paguyuban Pasundan Kuwait
nyangking sawatara juara, di antarana juara badminton perorangan nu diwakilan ku Karjan. Kitu
deui olah raga futsal barudak PPK ogé geus némbongkeun préstasina, nyaéta asup juara 3. Keur
PPK, saperti nu ditsebutkeun ku sesepuh/déwan penaséhat Abu Ridwan Nanang Suyono,
nyangking sababaraha préstasi olahraga téh tangtu matak reueus. Lantaran, lian ti bakal mawa
sumanget betah di tempat gawé di Kuwait, ogé bakal tetep nyaah ka Tatar Sunda ku cara miéling
agustusan. ***

Conto laporan (3)

Pék baca sing gemet ieu laporan kagiatan di handap!

WISATA BUDAYA KA KAMPUNG MAHMUD

1. Kasang Tukang
Ku pangaruh moderenisasi jeung kamajuan jaman, kiwari beuki loba budaya urang anu
kalindih ku budaya deungeun. Para rumaja loba anu henteu apal kana adat kabiasaan urang
Sunda anu mibanda ajen-ajen atikan nu luhung. Eta sababna kudu aya kagiatan anu bisa
ngawanohkeun para rumaja atawa para siswa di sakola kana budaya Sunda nu aya di tatar
Sunda. Dumasar kana kasang tukang pamikiran eta, SMA Sunda Jaya ngayakeun kagiatan
Wisata Budaya ka Kampung Mahmud.

Ukbm3- sunda: laporan kagiatan 6

 SUN-3-3/4.3/1/3-3
2. Tujuan
Ieu wisata budaya diayakeun kalayan tujuan sangkan para siswa:
a. Mikawanoh kana adat kabiasaan di Kampung Mahmud
b. Ngajenan kana budya nu hirup di eta wewengkon
c. Boga tekad jeung sumanget pikeun miara banda budaya titinggal karuhun.

3. Waktu jeung Tempat Tujuan

Wisata budaya lumangsung dina tanggal 15 November 2016, kalawan tujuan Kampung
Mahmud di Desa Mekarrahayu, Kacamatan Margaasih, Kabupaten Bandung.

4. Pamilon
Jumlah pamilon 255 urang (250 urang siswa jeung 5 urang guru pangaping).

5. Waragad
Waragad ieu kagiatan the tina iuran para siswa anu gedena Rp 75.000,- saurangna, jeung
dana bantuan ti sakola. Eta waragad the digunakeun pikeun transportasi (ongkos Beus), mayar
karcis di lokasi jeung konsumsi di perjalanan.

6. Kagiatan
Di Kampung Mahmud para siswa ningalian kaayaan lembur, nitenan wangunan imah
panggung sarta nanyakeun adat kabiasaan urang dinya k cara ngawawancara sababaraha
tokoh masarakat. Para siswa oge jarah ka makam Eyang Abdul Manaf, anu mimiti ngadegkeun
Kampung Mahmud.

Hasil tina nitenan kaayaan di Kampung Mahmud, bisa dicindekkeun sawatara ha lieu di
handap:
a. Kampung Mahmud the perenahna di Desa Mekarrahayu, Kacamatan Margaasih, Kabupaten
Bandung. Kaasup kampong anu masih keneh tukuh nyekel adat-istiadat titinggal karuhun.
Dina kahirupan sapopoe aya pantrangan anu teu meunang dirempak ku masarakat di eta
wewengkon.
b. Nurutkeun sajarahna, Kampung Mahmud the diadegkeun ku Eyang Abdul Manaf. Dina
jaman Walanda anjeunna ngamukim di Mekah. Samemeh mulang ka lemah cai, kungsi
ngadu`a sarta munajat ka Alloh di kubah Mhmud nu aya di wewengkon Masjidil Harom.
Anjeunna menta pituduh di mana tempat pamulangan anu moal katincak ku Walandanu
kuda. Nya meunang ilapat, yen tempat anu kudu dijugjug the nyaeta wewengkon ranca. Eta
sababna Eyang Abdul Manaf tuluy ngajugjug ka tanah ranca anu aya di deukeut walungan
Citarum, di pasisian Bandung. Kitu saskalana naon sababna ieu lembur dingaranan
Kampung Mahmud.
c. Di Kampung Mahmud loba keneh wangunan imah panggung. Sawarehna deui imah gedong.
Baheula mah imah the kabeh oge panggung cenah, sabab kitu wasiat ti Eyang Abdul
Manaf, teu meunang imah permanen ku tembok. Di hiji tempat aya makam tempat
panagjarahan. Dina gapurana aya tulisan “makom Mahmud”. Anu dikuburkeun di dinya the
Eyang Abdul manaf jeung karuhun Kampung Mahmud sejenna. Ieu makam sok haneuteun
bae ku anu ngadon jarah ti mana-mana, boh ti Bandung boh ti daerah sejen.

Ukbm3- sunda: laporan kagiatan 7

 SUN-3-3/4.3/1/3-3
d. Aya sababaraha pantrangan di Kampung Mahmud teh, nyaeta:
1) Teu meunang nyieun imah tina bahan tembok (permanen)
2) Teu meunang nyieun imah ngagunakeun kaca
3) Teu meunang nabeuh goong
4) Teu meunang nyieun sumur
5) Teu meunang ngingu soang

Eta pantrangan-pantrangan the aya pakaitna jeung gentingna kaayaan dina jaman
Walanda harita. Ku sabab Eyang Abdul Manaf hayang ulah kanyahoan ku panjajah, nya
lingkungan lembur oge kudu simpe. Ulah aya s sahora goong atawa soang, sabab bakal
babari kapanggihna ku Walanda. Kitu deui imah oge ulah make kaca ngarah nu ngeusina
teu katenjo ku saha-sahana. Ayeuna mah eta pantrangan the geus loba anu dirempak. Ari
sababna eta pantrangan geus teu saluyu jeung kaayaan jaman.

7. Panutup
Sanggeus nengetan kahirupan urang Kampung Mahmud, tetela yen urang kudu miara
sarta ngajenan kana tradisi titinggal karuhun. Eta tradisi the naha nu mangrupa wangunan
uamana wae imah, paparabotan, jeung sajabana, atawa anu mangrupa adat kabiasaan hirup
sapopoe. Horeng henteu sakabeh pantrangan karuhun teu bisa dirempak. Di Kampung
Mahmud, eta pantrangan the disurahan deui sarta diluyukeun jeung kaayaan jaman kiwari. Ku
nitenan adat kabiasaan urang Sunda sakumaha anu katempo di Kampung Mahmud muga-
maga bae sing jadi pelajaran keur para rumaja atawa para siswa.yen urang kudu ngahargaan
kana banda budaya titinggal karuhun.

F. Nyusun Laporan Kagiatan

Sanggeus hidep maham kana struktur laporan kagiatan bari nengetan contona, ayeuna urang
diajar nyusun laporan kagiatan, bisa maké laporan anu sipatna formal atawa non formal.
Nuliskeun laporan kagiatan téh bisa dipilampah upama kagiatanana geus réngsé. Ari wangun
kagiatanana bisa rupa-rupa, upamana kagiatan pasanggiri agustusan, pagelaran musik, kagiatan
nganjang ka pabrik, kagiatan bakti sosial, jeung sajabana.
Dina nyusun laporan kagiatan ogé hadéna ngayakeun wawancara, sangkan laporan urang téh
jadi leuwih lengkep. Salian ti éta, basa anu digunakeun keur nyusun laporan kagiatan mah basa
loma. Ulah maké ragam basa hormat, da saéstuna ngalaporkeun kagiatan téh kaasup kana
kagiatan formal.

Pancén:
Ayeuna hidep latihan nyusun laporan kagiatan. Hidep bisa nagtukeun leuwih ti heula
masalah nu rek dilaporkeun. Samemehna tangtukeun heula rangkay laporanana, tuluy susun
eta rangkay laporan teh dina wangun laporan saperti conto di luhur.
Cara midangkeun laporan kagiatan pilih salahsahiji cara. Aya anu formal cara conto
laporan ka-1 jeung ka-3, aya ogé anu teu formal maké narasi atawa dicaritakeun wungkul cara
conto laporan ka-2. Tapi, boh anu formal boh teu formal, struktur laporanana mah teu pati béda.
Didadarkeun heula kasang tukang jeung tujuanana, didadarkeun prosés kagiatanana, sarta
dipungkas ku hasil kagiatan.

Ukbm3- sunda: laporan kagiatan 8

 SUN-3-3/4.3/1/3-3
G. Aspék Basa (Aksara Gede)
1. Aksara gede dipake pikeun nuliskeun aksara kahiji dina awal kalimah.
Contona: Horeng manehna teh can mandi.

2. Aksara gede dipake pikeun nuliskeun aksara kahiji dina awal kalimah cutatan langsung.
Contona: Manehna nanya, “Ku naon budak teh ceurik?”

3. Aksara gede dipake pikeun nuliskeun aksara kahiji dina kecap anu aya patalina jeung hal-
hal kaagamaan, kitab suci, jeung jenengan Allah (kaasup kecap sulur-Na).
Contona: Allah
Nu Mahakawasa
Islam
Qur`an
Mugi Allah nangtayungan ka umat-Na.

4. Aksara gede dipake pikeun nuliskeun aksara kahiji gelar kahormatan, turunan,
kaagamaan, jeung sesebutan anu dituturkeun ku ngaran macakal atawa jujuluk.
Contona: Raden Memed Sastrahadiprawira
Haji Hasan Mustapa
Si Gegep

5. Aksara gede dipake pikeun nuliskeun aksara kahiji kahormatan, turunan, jeung
kaagamaan anu dituturkeun ku ngaran macakal.
Contona: Gubernur Jawa Barat
REktor UPI
Laksamana R.E. Martadinata
Lamun teu dituturkeun ku ngaran macakal mah (ngaran jalma, instansi, tempat) ulah
ditulis ku aksra gede.
Contona: Saha gubernur nu dilantik kamari the?
Pangkatna ditaekeun jadi colonel
Lanceukna mah insinyur

6. Aksara gede dipake pikeun nuliskeun aksara kahiji ngaran jalma.

Contona: Dewi Sartika

7. Aksara gede dipake pikeun nuliskeun aksara kahiji ngaran bangsa, seler bangsa, jeung
basa.
Contona: bangsa Indonesia
urang Sunda
basa Arab

8. Aksara gede dipake pikeun nuliskeun aksara kahiji ngaran taun, bulan, poe, hari raya,
jeung kajadian sajarah.
Contona: tauh Hijriah
poe Juma`ah
Proklamasi Kemerdekaan
Ukbm3- sunda: laporan kagiatan 9
 SUN-3-3/4.3/1/3-3
9. Aksara gede dipake pikeun nuliskeun aksara kahiji ngaran macakal dina geografi.
Contona: Gunung Galunggung
Walungan Cihaliwung
Selat Sunda

10. Aksara gede dipake pikeun nuliskeun aksara kahiji ngaran resmi badan, lembaga
pemerintahan, katatanagaraan, jeung ngaran dokumen resmi.
Contona: Departemen Pendidikan dan Kebudayaan
Undang-Undang Dasar 1945

11. Aksara gede dipake pikeun nuliskeun aksara kahiji kecap-kecap ngaran baku, majalah,
surat kabar, jeung judul karangan iwal kecap partikel (di, ka, ti, pikeun, anu, jsb.) anu lain
dina posisi awal.
Contona: Di Luhureun Jukut Reumis, kumpulan carpon karangan Yus Rusyana.
Dina Majalah Mangle rea sajak nu harade.

12. Aksara gede dipake pikeun nuliskeun aksara kahiji kecap-kecap judul bab, subbab, jeung
salian ti eta, iwal partikel.
Contona: Bab I Kasang Tukang
1.1 Kasang Tukang Panalungtikan

13. Aksara gede dipake pikeun nuliskeun singgetan gelar jeung sesebutan. Singgetan gelar
salawasna dipungkas ku tanda titik.
Contona: Dr. Doktor
Ir. Insinyur
S.H. Sarjana Hukum
Prof. Profesor
Sdrk. Saderek

14. Aksara gede dipake pikeun nuliskeun aksara kahiji kecap anu nuduhkeun pancakaki
(saperti bapa, ema, saderek, kakang, emang, jste.) anu dipake pikeun gaganti kecap sulur
atawa sesebutan.
Contona: Iraha Bapa angkat ka Bogor teh?
Kumaha damang, Ma?
Mangga calik, Kang!

15. Aksara gede dipake pikeun nuliskeun aksara kahiji kecap anu nuduhkeun jujuluk.
Contona: Dongeng Sakadang Kuya jeung Sakadang Monyet pikaresepeun.
Saha ari Ki Umbara teh?
Anu dileler Si Jalak Harupat teh nyaeta Oto Iskandardinata.

Ukbm3- sunda: laporan kagiatan 10

 SUN-3-3/4.3/1/3-3
H. Ringkesan
1. Laporan kagiatan téh minangka bukti yén éta kagiatan téh geus lumangsung. Eusina sagala
informasi anu patalina jeung kagiatan anu geus lumangsung.
2. Struktur laporan ngawengku kasang tukang, tujuan kagiatan, prosés kagiatan, sarta dipungkas
ku hasil kagiatan.
3. Nyusun laporan kagiatan téh bisa ku cara formal maké struktur, aya ogé anu teu formal maké
narasi atawa dicaritakeun.
4. Nuliskeun laporan kagiatan téh dipilampah upama kagiatan geus réngsé.
5. Nuliskeun laporan kagiatan téh ngagunakeun basa loma.

4. LATIHAN TES FORMATIF

Soal Pilihan Ganda

Béré tanda cakra (X) dina pilihan jawaban A, B, C, D, atawa E nu ku hidep dianggap bener!
1. Laporan kagiatan pagelaran seni Sunda Karang Taruna Desa Tumaritis téh diayakeun dina
raraga ....
A. miéling poé basa Indung sadunya
B. milangkala Désa Tumaritis nu ka-100
C. milangkala Kota Tumaritis
D. milangkala kamerdékaan Indonesia
E. milangkala Kepala Désa

2. Dina ngayakeun kagiatan pagelaran seni Sunda, Karang Taruna Désa Tumaritis téh
nyanghareupan sawatara bangbaluh atawa kakurangan, di antarana ....
A. kakurangan dina urusan waragad
B. nataharkeun panggung
C. kakurangan pamilon anu midang
D. ngayayayna waktu kagiatan
E. kurang publikasi kagiatan

3. Salian ti pikeun miéling kamerdékaan Indonesia nu ka-73, kagiatan Pagelaran Seni Sunda téh
diayakeun pikeun...
A. milangkala Désa Tumaritis
B. ngamumulé jeung miara budaya daérah
C. némbongkeun karaméan Désa Tumaritis
D. ngareuah-reuah wali kota Tumaritis nu anyar kapilih
E. nilangkala ngadegna gedung aula Désa Tumaritis

4. Sabada maca laporan kagiatan pagelaran seni Sunda nu diayakeun ku Karang Taruna Désa
Tumaritis, informasi anu katarima ku urang téh nyaéta ....
A. weruh kana struktur lumangsungna kagiatan
B. kagiatan pagelaran seni téh diayakeun pikeun némbongkeun kaparigelan jeung karancagéan
masarakat Désa Tumaritis
C. kagiatan pagelaran seni téh mikabutuh waragad ti sponsor
D. weruh kana wangun laporan kagiatan
E. ngayakeun kagiatan pagelaran seni Sunda téh mikabutuh kasadaran masarakat Désa
Tumaritis
Ukbm3- sunda: laporan kagiatan 11
 SUN-3-3/4.3/1/3-3
5. Laporan kagiatan pagelaran seni Sunda nu diayakeun di Désa Tumaritis téh kaasup kana
laporan anu sipatna formal, sabab....
A. lantaran disusun ngaguluyur
B. lantaran disusun maké narasi
C. lantaran disusun maké struktur bab
D. lantaran disusun dumasar wangun artikel berita
E. lantaran bisa ditulis ku saha baé

6. Laporan kagiatan “Wisata Budaya ka Kampung Mahmud “ teh temana nyaéta ....
A. ngamumulé budaya Sunda kiwari ku barudak sakola
B. mikawanoh adat kabiasaan hiji wewengkon di tatar Sunda
C. minangka upaya pikeun nanjeurkeun budaya Sunda
D. ngamumulé budaya Sunda di Kampung Mahmud
E. pikeun nyangking préstasi dina widang tradisi

7. Hal-hal atawa aktivitas anu dipilampah ku urang dina hiji waktu di tempat anu tangtu
disebutna….
A. diajar
B. kagiatan
C. kajadian
D. peristiwa
E. pangalaman

8. Tujuan kagiatan Wisata ka Kampung Mahmud téh pikeun...

A . ngamumulé budaya Sunda kiwari
B. miara tali paranti ti karuhun
C. minangka upaya pikeun nanjeurkeun budaya Sunda
D. mikawanoh, ngajenan jeung mibanda tekad pikeun miara budaya titinggal karuhun
E. pikeun nyangking préstasi dina widang tradisi

9. Anu ’teu kaasup’ kana struktur nyusun laporan kagiatan téh nyaéta ....
A. kasang tukang
B. tujuan kagiatanana
C. prosés kagiatanana
D. hasil kagiatan
E. bangbaluh

10. Laporan kagiatan anu eusina ngeunaa lalampahan wartawan dina ngaliput hiji peristiwa atawa
kagiatan anu dipandang aya mangpaatna keur batur disebut laporan ….
A. lisan
B. tinulis
C. jurnalistik
D. kagiatan
E. kauangan

Ukbm3- sunda: laporan kagiatan 12

 SUN-3-3/4.3/1/3-3
II. Soal Uraian
1. Naon anu disebut laporan kagiatan téh?
2. Naon anu ngabédakeun antara laporan kagiatan formal jeung non formal?
3. Prak runtuykeun kumaha struktur nyusun laporan kagiatan téh!
4. Naon sababna nyusun laporan téh kudu ngagunakeun basa loma?
5. Pék caritakeun deui dina wangun tulisan tina salah sahiji conto laporan kagiatan dina ieu bab
maké basa Sunda sakamampuh hidep!

Konci Jawaban
1. Pilihan Ganda
1. D 6. B
2. B 7. B
3. B 8. D
4. B 9. E
5. C 10. C

2. Uraian

1. Laporan kagiatan téh intina mah minangka bukti yén éta kagiatan téh geus lumangsung, anu
eusina mangrupa sagala informasi anu patalina jeung kagiatan anu geus lumangsung téa.
2. Ari anu formal mah maké struktur bab, ari anu teu formal maké narasi, mangrupa artikel warta.
3. a. Kasang tukang
b. tujuan kagiatanana
c. prosés kagiatanana
d. hasil kagiatan
4. Lantaran ngalaporkeun kagiatan téh kaasup kana kagiatan formal. Ari basa Sunda dina
kagiatan-kagiatan formal téh ilaharna mah ngagunakeun basa loma.
5. Gumantung kaparigelan siswa

Lajuning Laku
Sanggeus hidep neuleuman matéri di luhur, sangkan leuwih paham jeung ngawasa éta matéri pék
baca buku anu aya patalina jeung laporan kagiatan. Di antarana bisa dibacaan dina référénsi nu
dibéréndélkeun di handap.

Kagiatan kaparigelan (prakték) dina ieu modul omat laksanakeun, sarta ngalaksanakeunana
hadéna babarengan jeung babaturan sakelompok. Sagédéngeun éta, hasil nyusun laporan
kagiatan téh kudu dikumpulkeun ka guru/tutor. Upama aya matéri nu teu dipikaharti, boh matéri
pangajaran boh pituduh dina nganalisis struktur laporan kagiatan, tanyakeun sarta diskusikeun
(konsultasi) jeung guru bina.

Ukbm3- sunda: laporan kagiatan 13

 SUN-3-3/4.3/1/3-3
Kandaga Kecap

mintonkeun: asal kecapna tina minton, midang, tampil; Ind. menampilkan.

tatahar: tatan-tatan; Ind. persiapan.
katangén: katingali; Ind. Terlihat.
Émprak: keprok; Ind. tepuk tangan.
pamungkas: panungtung; Ind. terakhir.
ngarojong: ngadukung; Ind. mendukung.
ngumbara: cicing lain di lembur sorangan lantaran katalian ku pagawéan; Ind. mengembara,
mentap dan bekerja di luar kampung halaman.
bangbaluh: kasusah, halangan; Ind. kesulitan.
waragad: biaya; Ind. dana, biaya.

5. PENUTUP

Setelah kalian belajar bertahap dan berlanjut melalui kegiatan telaah, analisis dan
penyelesaian pancén-pancén (tugas), isilah tabel berikut untuk mengukur diri kalian terhadap
materi yang telah kalian pelajari. Jawablah sejujurnya terkait dengan penguasaan materipada
UKBM ini.

Tabel Refleksi Diri Pemahaman Materi

No. Pertanyaan Ya Tidak
1. Naha hidep resep kana teks laporan kagiatan
2. Naha hidep paham yen nyusun laporan kagiatan teh gampang
3. Naha hidep ngajenan kana hasil karya nyusunlaporan kagiatan
4. Naha hidep weruh kana tata cara nyusun laporan kagiatan
5. Naha hidep weruh yen nyusun laporan kagiatan teh aya aturanana

No. Kabiasaan Kuring Ya Tidak

1. Kuring sapopoe ngagunakeun basa Sunda
2. Kuring sapopoe ngagunakeun basa Indonesia
3. Kuring sapopoe ngagunakeun basa campuran Sunda jeung Indonesia
4. Kuring geus bisa ngahartikeun kecap-kecap Sunda kana basa Indonesia
5. Kuring geus bisa ngahartikeun kecap-kecap basa Indonesia kana Sunda

Jika menjawab “TIDAK” pada salah satu pertanyaan di atas, maka pelajarilah kembali
materi tersebut dan pelajari ulang kegiatan belajar 1 dan 2, yang sekiranya perlu kalian ulang
dengan bimbingan Guru atau teman sejawat. Jangan putus asa untuk mengulang lagi!.
Dan apabila kalian menjawab “YA” pada semua pertanyaan, maka lanjut ke berikutnya.

Ukbm3- sunda: laporan kagiatan 14

 SUN-3-3/4.3/1/3-3
Dimana Posisimu?
Ukurlah diri kalian dalam menguasai materi dalam menerjemahkan teks atau wacana dalam
rentang 0 – 100, tulislah ke dalam kotak tersedia.

Yuk cek pemahaman terhadap materi ini!

Agar dapat dipastikan bahwa kalian telah menguasai materi “Narjamahkeun”, maka kerjakanlah
soal berikut secara mandiri di buku kerja kalian.

6. DAFTAR PUSTAKA

Hadi, Ahmad. 1991. Peperenian. Bandung. Geger Sunten.

Iskandarwassid. 1992. Kamus Istilah Sastra. Bandung Geger Sunten.
Jurusan Basa jeung Sastra Sunda FPBS UPI. 1990. Palanggeran Éjahan Basa Sunda. Bandung.
Rahmat Cijulang.
Lembaga Basa jeung Sasatra Sunda. 1995. Kamus Umum Basa Sunda. Bandung. Tarate.
Sudaryat, Yayat. 1997. Pedaran Basa Sunda. Bandung. Geger Sunten.
------------- 2017. Panggelar Basa Sunda. Jakarta: Penerbit Erlangga.
Sumarsono, Tatang. 1983. Pedaran Sastra Sunda. Bandung. Medal Agung.
Faturohman, Taufik, Spk. 2017. Cahara Basa: Pangajaran Basa Sunda pikeun Murid
SMA/SMK/MA KELAS X
Bandung: Geger Sunten
Darpan, spk., 2017. Basa Sunda Urang: Pangajaran Basa Sunda pikeun Murid SMA/SMK/MA
Kelas X. Bandung: Geger Sunten.
Héndrayana, Dian, spk., 2017. Rancagé Diajar Basa Sunda pikeun Murid SMA/SMK/MA/MAK
Kelas X. Bandung: Pustaka Jaya.

Wilujeng midamel !!!

Ukbm3- sunda: laporan kagiatan 15