Kanjeng nabi anu mulya Muhamad jeninganana Arab kures nyabangsana
Ramana gusti Abdullah
Ibuna Siti Aminah Di babar keunna di mekah Wengi senen taun gajah
Rabiul awal bulanna
Tanggal ka dua belasna April bulan masehi Tanggal ka dua puluhna
Ari bilangan taunna
Lima ratus cariosna Tujuh puluh panambahna Sareng sahiji punjulna
Siti aminah misaur
Waktos babarna ka catur Ninggal caang mani ngempur Di bumina hurung mancur
Babar taya kokotoran
Orok lir kenging nyepitan Soca lir kenging nyipatan Sarta harum sesengitan 2. Medal nabi akhitr jaman Pirang pirang kaanekaan Sesembahaan bangsa setan Kabeh pada keruk sakan
Nabi yuswa lima bulan
Geus tiasa angkat angkatan Yuswana salapan bulan Geus capetang sasauran
Yuswana sapuluh bulan
Tiasa ameng papanahan Ngelehkeun budak nu lian Tapi taya kasombongan
Parangina kanjeng nabi
Jatnika pinuh kupuji Pinter tir gede kawani Sobar nyaah ka sasami
Keur opat tahun yuswana
Di bersihan manahna Nabi di Beulah dadana Malaikat nu melahna
Jibril kadua rencangna
Mikail jeunengan nana Ngeusikeun kanu manahna Ilmu hikmah sapinuhna 3. Tuluy dada kanjeung Nabi Gancang di rapetkeun deui Sarta teu ngaraos nyeri Kalayan pitulung gusti
Harita nabi ayana
Di lembur ibu inangna Halimah jenengannana Sadiah ngaran lemburna
Rama nabi ka caturkeun
Pupusna kacarioskeun Basa nabi di boborkeun Dua sasih ka unggulkeun
Keur lima tahun yuswana
Dikantun pupus ibuna Tuluy di rawat eyangna Abdul mutolib namina
Kersana robbulalamin Kanjeung nabi nu prihatin Yuswa dalapan taun yatim Eyangna pupus ngantunkeun
Sabada wafat eyangna
Nabi di rawat uwa na Abi tholib kakasihna Saderek teges ramana 4. Kanjeung nabi sering pisan Di candak ka nagara syam Sok nyandak barang dagangan Didinya the pajeung pisan
Kacatur di eta nagri
Seueur pandeta yahudi Sarta pandeta nasroni Nu tepang jeung kanjeung nabi
Sadayana sasauran Ieu jalma moal nyalahan Pinabieun akhir jaman Taurot injil geus ngibaran
Sifat nabi pangang geusan
Aya di anjeunna pisan Harita loba nu iman Kanabi nyangkeun panutan
Lami lami kanjeung nabi
Disambat ku hiji istri Dagang ka unggal negri Ka untungan na di bagi
Isteri jenengan khodijah
Putra huwailid katelah Nu pang bengharna di mekah Ka nabi ka langkung nyaah