NAMA : ANNISAA’ R.

NO : 03

KELAS : IX F

AJHAR BISNIS MOLAE SATEYA

ASSALAMUALIKUM WARAHMATULLAHHI WABARAKATUH

Se terhormat guru pembimbing bahasa madureh ibu lu’luah s.pd. sareng ca kanca se bhadhan kaula
molja aghi.

Ngereng ngonjhungaghi sokkor ka ‘ ajunan Allah SWT se ampon apareng rahmat sareng hidayah se
ka dimma bhadan kaula sareng panjhennengan sadhaja e are mangken eparenge kasaeyan ,sehat
walafiat. Sholawat sareng salam ngereng atorraghi da’ ajunan , Nabi Muhammad SAW se abhakta
bhadan kaula sadhaja da’ jhalan se loros.

Para rabu se kaule moljha aghi. Maksod sareng tojjhuwan kaule papanghiyan e are mangken, engghi
paneka aberri pangaonengan ban pengalaman cara berbisnis sejak dini . bisnis paneka ghamphang
ghamphang sossa . tergantung usaha ba’aba’ a wujudaghinna . berbisnis lo kodhu dari attas . dang
kadang ba’aba’ kodhu ngerassa aghi dhari bhebhe . usaha se kene’ apaa bhai mon serius ngelakone
paste la tanto badha hasella.

E dhalem bisnis ba’aba’ kodhu kreativ . ponapa demikian ? kreativitas dhalem berbisnis e ghuna
aghi gebey nyare konsumen sopaja endek aghuna aghi barang hasil produk ba’aba’. Mon ba’aba’
ghilok terbiasa ajhuwwal suatu produk secara besar besaran , ba’aba’ bisa nyoba sareng hal hal se
akadhi ajhuwwal rang barang se tantona ghi’ sae ban jarang e anghhuy otaba ba’aba’ keng abanto
ebhu ajhuwwal se bisa e massak sareng ebbhu. Ba’aba’ bisa ajhuwwal de’ tetanggeh , kanca sakola’an
otaba golongan masyarakat laenna.

Ba’aba’ keya bisa ngala’ hasel dhari ajhuwwalan neka eka ghabbay sango ban le ta’ osa menta
pole da’ oreng towa.

Tape badha hal hal se kodhu e jhelling , engghi paneka :

1. Kodhu olle izin sareng dukungan dhari reng towa

2. Kodhu aghabay suatu tampilan suatu produk menarik
3. Aberri’ pelayanan terbaik da’ konsumen
4. Kodhu penter ajhuwwal suatu produk da’ oreng laen

Paneka hal hal se kodhu e jhelling sabelum nyoba a bisnis molae sateya . malar mogha hal hal
se ampon kaula sampaikan bisa aghuna e jaman sateya ban jaman se akan dating. Malar mogha
sekalian para rabu se kaule molja aghin lo ‘ takok nyoba a bisnis molae sateya polana ghi’
banyya’ manfaat se bisa e kala’ dhari a bisnis’.

Para rabu se badhan kaula molja aghi cokop saka’dinto pamator bhadan kaula manabi bada
tor ator se korang parjuga ta’ sondhuk da’ pangghaliyan ta’ langkong nyo’onna sapora se tada’
batessa . malar mogha se sakone’ paneka dhaddhiya bannya’ peghunana da’ bhadan kaule
sareng panjhennengan sadhaja .

WABILLAHITAUFIQ HIDAYAH WASSALAMUALIKUM WARAH MATULLAHI WABAROKATUH