BIBB2041 Morfologi enggau Sintaksis Jaku Iban

PENGELICHA: PN NANCY ANAK GUYANG

NEMBIAK: MANJAN ANAK GENDI (910324136338)
EP 06/07/2021
Topik 4. Proses Penumbuh Ayat Transformasi Generatif

Ayat tumbuh ditempa asil ari proses mali’ ayat pelasar.

Bepelasarka penerang di atas, pejuraika enggau silik proses ningkil enggau proses
nusun baru ayat tumbuh sereta sempulangka enggau chunto ti seriran.

Ayat tumbuh nya ayat ke udah berubah tusun bepun ari proses nusun baru
penuduk elemen ayat, ari jalai ngerembaika ayat tauka ari ningkilka sekeda leman
ayat. Ayat tumbuh ditempa asil ari proses mali’ ayat pelasar. Dikena mali ayat
pelasar ngagai ayat tumbuh begunaka mayuh macham leman proses nyengkaum
proses ningkil tauka ngugur enggau nusun baru ayat tumbuh.

Proses ngugur ayat nya siti proses transformasyen ke nyadi ba tukuh ayat ke
meri biuh ti ngugurka elemen-elemen ba ayat ke digaga nya, enggau nya bisi tikas
senetang tukuh ba mua elemen ke digugur nya nadai agi. Bisi tiga bansa ngugurka
ayat, iya nya ningkilka frasa nama nyadi subjek, ningkilka frasa nama ti dulu ari frasa
relative enggau ningkilka frasa predikat.

Chunto ningkilka frasa nama nyadi subjek dalam ayat

Ayat asal = Pulai magang semua kita ari tu.

Ayat bali = Pulai magang ari tu.

Chunto ningkilka frasa nama ti dulu ari frasa relatif

Ayat asal = Barang ke labuh nya enggi Tina.

Ayat bali = Ke labuh nya enggi Tina.

Chunto ayat ningkilka frasa predikat

Ayat asal = Mina benung dianu ini iya.

Ayat bali = Mina benung dianu.

Proses nusun baru elemen penuduk ayat nya ayat ti diubah nyadi ayat pasif,
ayat ti ngundan dua objek iya nya objek nemban enggau objek sangking sereta ayat
tunsang. Ba dalam proses tu, tajapan ayat bisi bebida tang reti ti dikenataika tauka
dikembuan dalam ayat endang agi sama enggau reti ayat ti asal. Proses nusun baru
elemen penuduk ayat nyengkaum nusun baru objek ayat aktif nyadi subjek ayat
pasif, nusun baru objek sangking nyadi objek nemban enggau nusun nyadi ayat
tunsang tauka tebalit.

Chunto nusun baru objek ayat aktif nyadi subjek ayat pasif

Ayat aktif = Encharang nendang bol nya.

Ayat pasif = Bol nda ditendang Encharang.

Chunto nusun baru frasa nama nyadi objek

Ayat asal = Mina merika adi iya sekelin.

Tusun baru = Mina meri adi iya sekelin.

Chunto nusun nyadi ayat tunsang tauka tebalit

Ayat asal = Kitai patut semampai betulung pangan diri.

Tusun baru = patut semampai betulung pangan diri kitai.