TUGAS BASA SUNDA

DRAMA SUNDA

Kelompok Ganjil II : 1. Muhammad Naufal Najib Alghyfari

2. Muhammad Shiddiq Munadi

3. Nina Shervia

4. Nuur Azhiim Badridduja

5. Padli Satria Cultur

6. Raffi Setyo Haryanto

7. Rifan Daniswara Soemantri

8. Rizqy Fauzan Algibrani

9. Yaumid Akhirin

Kelas : XII OTIN

Pangajaran : Basa Sunda

Tugas : Ngadamel Naskah Jeung Drama Sunda

SMK NEGERI 1 KOTA SUKABUMI

 DRAMA SUNDA
Identifikasi Drama :

Judul : 3 Sohib Sabalpen

Raffi Setyo Haryanto : Gopal (Pemeran Utama)

Muhammad Shiddiq Munadi : Radiq (Murid Teladan Pinter)

Padli Satria Cultur : Dede (Babaturan Gopal)

Nur Azhim Badridduja : Ari (Babaturan Gopal)

Rifan Daniswara Soemantri : Arfan (Murid Pinter Biasa )

Rizqy Fauzan Algibrani : Saqy (Ketua Kelas)

Nina Shervia : Bu Indah (Bu Guru)

Muhammad Naufal Najib Alghyfari : Pa Safar (Pa Guru/Wali Kelas)

Yaumid Akhirin : Mang Reksa (Penjual Balpen)

 3 SOHIB SABALPEN

Babak 1 (di jero kelas)

Sora bel sakola

Murid-murid : (Suara murid ngarobrol)

Bu Indah: (Asup kelas) “Caralik barudak, sok ngadoa heula !

Saqy : “Sateuacan diajar hayu urang maca doa sasarengan, ngadoa dikawitan”

Murid-murid : (Ngadoa)

Saqy : “Rengse, ucap salam”

Murid-murid : “Assalamu’alaikum warahmatullahi wabarakatuh”

Bu Indah : “Waalaikumussalam warahmatullahi wabarakatuh”

Bu Indah : “Sateuacan mulai diajarna ibu absen hela nya ?”

Murid-murid : “Muhun bu”

Bu Indah : (Ngabsen murid hiji-hiji), “Hayu urang mulai diajar, fokusnya barudak !”

2 jam saterasna

Bu Indah : (Nulis di papan tulis)

Bu Indah : “Nah, saha nu bisa jawab soal ieu, mun sinus a=12/13 jeung a sudut lancip, jadi
sabaraha nilai cosinus a + tangen a ?”

Bu Indah : “Gopal, coba jawab !”

Gopal : (Rada tunduh)

Gopal : “Eh, e...enya bu, eta teh e............, duh baraha nya, 7 meren bu”

Bu Indah : “Kunaon make jawab 7 ?”

Gopal : “Heheheehhe”

Bu Indah : “Aya deui nu tiasa ngajawab ?”

Radiq : “Ieu Radiq bu” (Cung lengen)

Bu Indah : “Sok Radiq maju ka payun”

Radiq : (Ngerjakeun nulis di bor) “181/65, l..leres teu bu ?” (bari gugup)

Bu Indah : “Enya leres”

Murid-murid : “Wiiiiiih” (Emprak)

Gopal : (Dina jero hate : si eta mah pinter ning, kumaha nya carana bisa kitu ?)

Bu Indah : “Tos tabuh 9 nya, nah sateuacana istirahat ibu bade ngingetan deui sakedap deui bade
ulangan, jadi lobakeun diajar, tong loba teuing ulinnya barudak !”

Murid-murid : “Siap bu”

Bu Indah: “Assalamu’alaikum”

Murid murid : “Waalaikumussalam”

Bu Indah : (Kaluar kelas)

Dede : “Pal, geus balik sakola urang ulin yuk ?”

Ari : “Heeh pal, hayu urang mabar, ieu sakedeng deui urang naek rank”

Gopal :“Hayu atuh, gas”

Ari : “Fan, maneh ngilu moal hayu ?”

Arfan : “Moal waka ah, ari maraneh moal diajar kitu jeung ulangan engke ? Kedeng deui oge”

Dede : “Ah santai we, da 2 minggu deui ieuh”

(Saminggu saterasna)

Babak 2 (di lapangan maen bola)

Dede : “Duh cararape euy, suku laleles beres maen bola teh”

Gopal : “Sarua da urang ge, leles De”

Ari : “Kos urang tuh teu cape teu leles”

Gopal : “Heeh da maneh mah jadi kiper, atuh moal cape”

Ari : “Hayu ah urang balik, tong kapeutingan didieu aya penungguna cenah”

Dede : “Hayu atuh bareng, Pal hayu !”

Gopal : “Sok we tiheula, urang rek cicing heula”

Babak 3 (di pohon)

Gopal : (Muka hp)

Gopal : “Duh naon teh, maenya ulangan teh jadwalna dipajukeun jadi isukan”

Gopal : “Duh, mana urang can diajar deuih eh”

Gopal : (Nagog bari mikir)

Gopal : “Ieu urang mun menang nilai goreng, kumaha mun teu naek kelas, pasti dicarekan ku
kolot ieu mah”

Teu lila aya nu nepok si Gopal

Mang Reksa : “Kunaon jang ? Rieut jangar?

Gopal : “Eh maneh saha ?”

Mang Reksa : “Perkenalkeun abdi Mang Reksa, abdi aya solusi keur masalah anjeun”

Gopal : “Wah nu bener mang, kumaha solusina tah mang ?

Mang Reksa : “Tah ieu solusina” (Muka kotak)

Gopal : “Hah, naon ieu? Ieu mah balpen kan mang”

Mang Reksa : “Ieu lain balpen sembarangan jang, ieu ngarana Balpen Dewantara. balpen sakti”

Gopal : “Wah si amang mah ngabodor wae”

Mang Reksa : “Eh jang, beneran ieu mah, tempo yeuhnya cara makena !”

Mang Reksa : “Mimitina anjeun roekeun kertas, kertas naon wae. Terus anjeun tulis dina kertas
tadi anjeun hayang bisa naon. Nah contona “Jago Matematika”. Terus legleg kertasna !”

Mang Reksa : “Nah, coba bere pertanyaan matematika nu hese”

Gopal : (Muka kalkulator dina hp)

Gopal : “Coba mang hasil tina 512x√25+3x9 sabaraha ?

Mang Reksa : “2587, tah gampang pan jang”

Gopal : “Weh bener ning mang”

Mang Reksa : “Kumaha anjeun geus percaya? Nah meh anjeun leuwih percaya cobaan yeuh
sakali, gratis keur anjeun “

Gopal : (Nulis dina kertas “Jago Maen Catur” tuluy di telen)

Gopal : (Muka aplikasi catur)

Gopal : “Coba urang lawan bot catur level paling luhur level 15”

Gopal : “Eh, beneran menang ning mang , padahal lawan bot catur level 3 ge kamari mah eleh
urang teh”

Mang Reksa : “Kumaha percaya kan anjeun ?”

Gopal : “Percaya mang, ieu balpen ku abdi dipeser, bade dijual sabaraha ?”

Mang Reksa : “Teu mahal, sajuta we lah”

Gopal : “Aduh sing mikir atuh mang, maenya pulpen balpen sajuta hargana, 100 rebu nya mang”

Mang Reksa : “Weh naon teh, rugi bandar atuh abdi jang. Kumaha mun 700 rebu moal bisa
kurang deui !”

Gopal : “Hegae lah mang ku abdi dipeser”

Mang Reksa : “Alus. Ditampi acisna nyanggakeun barangna nya jang”

Gopal : “Sumuhun nampi mang”

Mang Reksa : “Oh heeh, efek balpen ieu ngan 3 jamnya jang, jeung kade oge tintana gancang
beak, mun geus beak tintana balpena moal bisa dipake deui !

Gopal : “Oke siap hatur nuhun mang”

Mang Reksa : “Sami-sami jang”

Si Mang Reksa tiba-tiba leungit

Gopal : “Weh kamana teh si amang, bisa leungit kitu kawas jurig”

Ka isukanna

Babak 4 (di jero kelas rek ulangan)

Bu Indah : Sok mangga dibagikeun kertas ulanganna, teras dikerjakeun soalna, ulah
garandengnya, ulah nyarontek deuih ! Saqy bagikeun kertas ulangana ieu !

Saqy : “Muhun bu” (Ngabagikeun kertas ulangan)

Murid-murid : (Mulai ngerjakeun ulangan)

Gopal : (Sura-seri pas menang kertas ulangan)

Saqy : “Ari maneh kunaon sura-seri sorangan pal ?”

Gopal : “Ah henteu Qy, mana dieu kertas ulanganna ?”

Saqy : “Yeuh Pal”

2 jam saterasna

Bu Indah : “Waktosna tos rengse barudak, sok mangga kertasna di kempelkeun ka payun”

Saqy : (Ngumpulkeun kabeh kertas ulangan)

Bu Indah : “Hatur nuhunnya barudak. Assalamu’alaikum” (Kaluar kelas)

Murid-murid : “Sami-sami bu. Wa’alaikumussalam”

Arfan : “Diq, ari maneh nu nomer 24 jawabanna naon ? Urang tadi rada hese euy”

Radiq : “M...mun nu eta mah u..urang mah B jawabanna”

Arfan : “Urang mah A eung, kumaha atuh ?”

Radiq : “Yaaah, t..tempo we e..engke”

Ka isukanna

Bu Indah : “Barudak, ibu aya kabar alus, nilai ulangan nu pang gedena di sakola aya di kelas ieu”

Murid-murid : (Ngobrol panasaran)

Bu Indah : “Nilaina 100, nyaeta .............. Gopal”

Murid-murid : (Kabeh murid reuwas)

Gopal : (Sura-seri bari melak cangkeng)

Bu Indah : “Wilujeng, ka Gopal, sok atuh bere emprak barudak !”

Murid-murid : (Emprak)

Dede : “Wih, maneh bisa menang nilai sakitu ning, kumaha carana Pal ?”

Ari : “Heeh pal, kumaha bisa kitu ?”

Gopal : “Gampang da, engke pas balik ku urang ditempokeun carana”

Babak 5 (di luar kelas)

Ari : “Jadi kumaha pal rahasiana, bere nyaho atuh urang !

Dede : “Heeh Pal bere nyaho atuh”

Gopal : “Heeh kalem, tah ieu rahasiana”

Gopal : (Ngaluarkeun balpen)

Dede : “Ah maneh mah hereuy we hayoh Pal”

Gopal : “Eh tara percayaan”

Gopal : (Nyaritakeun kajadian nu kamari jeung cara make balpen sakti eta)

Ari : “Oh kitu nyah, coba minjem dieu balpenna”

Ari : (Nulis dina kertas “Jago Maen Game Mobile Legend”)

Ari : “Geus aya tilu kertas yeuh, sok legleg kertasna, urang langsung mabar babarengan”

3 murid : (Ngalegleg kertas , teras mabar)

Dede : “Wihh, gelo beneran ning urang jadi jago pisan maenna”

Ari : “Heeh, ieu ges menang leuwih ti 12 kali”

Gopal : “Nya cek urang ge naon”

Ari : “Ari isukan teh tanggal berem nya, isukan urang cobaan deui yuk, coba nulis nu lain lain”

Dede : “Hayu Ri, kumaha Pal hegae teu ?”

Gopal : “Heeh hegae”

Ka isukanna tilu murid eta nyobaan nulis sagala rupa, nepi ka poho waktu.

Gopal : “Ari isukan teh ujian praktek SKEP pelajaran Pa Safar ?”

Dede : “Heeh ujian praktek, eh kamari kan latihan praktek arurang teu ngiluan”

Ari : “Ah santai we da aya balpen ieu ieuh”

Ka isukanna
Babak 6 (di bengkel )

Pa Safar : (Asup kelas) “Sok ngadoa heula !”

Saqy : “Sateuacan diajar hayu urang maca doa sasarengan, ngadua dikawitan”

Murid-murid : (ngadoa)

Saqy : “Rengse, ucap salam”

Murid-murid : “Assalamu’alaikum warahmatullahi wabarakatuh”

Pa Safar : “Wa’alaikumussalam warahmatullahi wabarakatuh”

Pa Safar : “Ayeuna tos sariap kan ujian praktek barudak, bapak mah moal ngomong panjang
panjang, pokokna nu tos siap mangga langsung ka bengkel, ujian praktekna sorangan-sorangan.
Sok mangga saha nu bade ti payun ?”

Arfan : “Ieu pak” (Bari cung leungeun)

Arfan : (Asup ka bengkel teras ngerjakeun ujian)

Gopal : “Heehehehhe.... geus ieu urang ah”

Arfan : (Kaluar bengkel)

Saqy : “Kumaha Fan, gampang atawa hese ujian praktekna ?”

Arfan : “Alhamdulillah, teu hese teuing teu gampang teuing, sarua kos nu diajarkeun kamari”

Saqy : “Oh alus atuh soalna kan kamari arurang diajar bareng”

Pa Safar : “Sok saha deui saterasna ?”

Gopal : “Ieu pa”

Gopal : (Asup bengkel)

Gopal : (Nyiapkeun kertas )

Gopal : “Eh eh....Astaghfirullah kunaon teh ? Ning teu bisa katulis”

Gopal : (Nempo isi tinta pulpen)

Gopal : “Astaghfirullah.....Ning geus beak deui, duh kumaha atuh ieu ?

Sabab teu pernah latihan si Gopal bingung kudu kumaha dina ujianna. Kitu oge sarua jeung
babaturanna.
Saminggu saterasna

Babak 7 (di jero ruang wali kelas)

Tilu murid eta dipanggil ka ruang Pa Safar sabab nilai ujian praktekna leutik pisan

Pa Safar : “Tos terang kan ku naon ku bapa dipanggil ?”

3 murid : “Enya pa”

Pa Safar : “Aranjeun niat sakola didieu teu ? Hoyong naek kelas kan ?”

3 murid : “Hoyong atuh pa”

Pa Safar : “Mun kitu atuh berusaha saeutik mah, bapak asa can pernah nempo aranjen ngiluan
latihan praktek kos barudak nu lain”

Pa Safar : “Ayeuna mah kieu we bapak bere waktu saminggu jeung remedan, kumaha siap teu ?

3 murid : “Enya siap pa”

3 murid : (Kaluar ruangan)

Gopal : “Aduh kumaha atuh ieu ?”

Dede : “Teuing atuh, da kudu kumaha urang ge bingung”

Ari : “Ngan dibere waktos saminggu deuih”

Gopal : “Bangunna teh ayeuna mah ngan aya hiji pilihan, urang kudu menta bantuan ka si Radiq
meh ngajarkeun ujian praktek”

Teu lila saterasna

Gopal : “Diq, aya waktu teu maneh?”

Radiq : M...muhun aya Pal, aya naon ?”

Ari : “Pang ajarkeun arurang kumaha carana bisa lulus ujian praktek”

Arfan : “Lainna maneh ges jago nya, kamari ge menang nilai panggedena padahal tara diajar”

Gopal : “Hampura nya, urang keur kamari mah ngaku licik. Ngan ayeuna mah urang geus sadar
yen di dunia mah eweuh nu instan, jadi tulungan ajarkeun arurang kumaha carana meh bisa lulus
ujian praktek”

Radiq : “H..hegae, ngan isukan tong talelatnya !”

3 murid : “Siap, hatur nuhun nya Diq”

Ka isukanna 3 murid eta datang, teras diajar kangge remed, ayeuna mah maraneh na getol
diajarna, saminggu eta maranehna terus we diajar, teu hilap oge ngerjakeun tugas tugas lain nu
katinggaleun.

Babak 8 (di ruang bengkel)

Pa Safar : “Sok, aranjeun tos ngerjakeun tugas remedan ti guru nu sejen kan ?”

Gopal : “Muhun atos pa”

Pa Safar : “Alhamdulillah..... Jadi ayeuna tos sariap ieu teh, inget ieu kasempatan terakhir meh
bisa lulus ujian praktek”

3 murid : “Insyaallah siap pa”

Pa Safar : “Sok mangga saha nu bade ti payun”

Ari : “Ari heula we pa”

Ari : (Mulai ngerjakeun remedan)

30 menit saterasna

Ari : (Kaluar bengkel)

Dede : “Kumaha bisa teu Ri ?”

Ari : “Alhamdulillah lancar De” (Bari seri)

Gopal : “Ayeuna abdi pa”

Gopal : (Asup bengkel)

Gopal : “Bismillah”

Gopal : (Ngerjakeun remedan)

Gopal : “Oh ieu teh mun teu salah kudu kieu...teras kieu...jeung akhirna kirim programna....tah
kuduna mesinna hurung lancar”

Gopal : “Alhamdulillah Ya Allah.. mesinna jalan, Alhamdulillah. Siap rengse pak”

Pa Safar : “Oke”
Ka isukanna

Babak 9 (ruang wali kelas)

Pa Safar : (Ngabagikeun kertas penilaian)

Ari : “Teras kumaha pa lulus teu ujian praktekna ?”

Pa Safar : “Tingali we ku anjeun, mun di luhur 70 berarti lulus”

3 murid : (Kaluar ruangan)

Ari : “Nempo sabaraha nilai maneh euy ?”

Dede : “Nempo nu maneh heula atuh”

Gopal : “Hayu urang buka we babarengan”

3 murid : (Babarengan nempo nilai)

Dina kertas teh nilai ka tiluanana sami nyaeta 77

Ari : “Wish 77 euy”

Dede : “Berarti lulus nya”

Gopal : “Heeh atuh kan leuwih ti 70, syukur atuh nya akhirna arurang teh bisa lulus ujian praktek
ku hasil gawe sorangan teu ngandelkeun nu sejen”

Ari & Dede : “Heeh bener Pal, alhamdulillah”

Gopal : “Moga-moga we arurang teh terus bisa getol kieu dina diajar teh nya dak”

Ari & Dede : ”Aamiin Pal”

Gopal : “Aamiin Yaa Allah Yaa Rabbal ‘Alamiin”

Akhirna, tilu murid eta ngucap syukur sabab bisa lulus ujian praktek jeung ngadua meh bisa
getol dina satiap kali diajar.

TAMAT