HATA APUL APUL (MANDOK HATA)

Parjola Sahali,Mandok Mauliate Ma hita tu Tuhan Pardenggan Basa I,disiala Asi

dohot holong ni Rohana Na mampasu-pasu daging Dohot Tondita diganup ari
nang tingki na tadalani.

Dison pe inang,Amang Rodo hami sian PUGUAN MARGA PATAMBOR (TOGA

MANURUNG DOHOT BORU) Sektor Sei Agul, ima Nalao Pasahathon Hata Apul-
apul tusude keluarga ni damang na bostang ta pa adop adop dibagasan inganan
ta na martua on. ima,naung jumolo marujung ngolu ni amang na tahaholongi on.

Sada sitaonon Na borat dibagasan parngoluan on na soboi tapasiding ima

sinirang ni hamatean.lumobi ma di parmonding ni amangtaon na tahahologi.
Alai ingot Hamu Ma Inang,Dang pasombuon ni Debata Hamu sai Tumatangis molo
pe di ari-ari parngoluan on Sipata hita madabu jong-jong.

Sude do hita jolma ingkon mate molo jumpang tingkina. Sada pe sian hita ndang
adong na boi pasidinghon i. Alai pangidoanta, molo tung marujung pe nian
ngolunta sian hasiangan on, asa jolo sahat ma nian hita tu na saur-matua. Ima
songon pangidoan dohot elek-elekta tu Tuhanta. Alai molo tung masa pe na masa
i, asa dapot ma di hita songon hata ni endenta, “Sai rade ale tondingku, tagam
panjouonna i manang hata ni ende di Buku Ende nomor 539:4 ( Disi ma
marsomba, marende sude tu Tuhan Jahowa singomgom sude, tu Tuhan Jahowa
sigomgom sude ).

Jala songon nidok ni umpasa : Ramba nisipoholon marduhut-duhut sitata. Las ni

roha dohot sitaonon sude do sian Amanta Debata. Asa hau ni Gunungtua
dangkana mardagul-dagul, Tibuma dilehon Tuhannta dihamu Tua jala tibu hamu di
apul-apul.

Asa holan dibagasan Jesus do jumpang lasniroha na manontong,  jala Ibana do

pasohon ilu-ilu sian mata ni angka na tumatangis, jala na mangalean apul-apul ala
parsorion pinarsorihonNa, pangoluhon na mate. Antong tapuji ma Debata
dingolunta, margogo ma hita jala marpanindangion.
unang be sai lalap diparlalapan, Sai tontong marhaporusan tu Tuhan ni ma hita,
ala dang adong naso tarpatupa ni Debata.

Jadi di hamu inang dohot sude sisolhot na tininggalhon ni damang na tahaholongi

on, pabulus ma roha muna dipanadingkon ni ama na tahaholongi on.  Jala nagabe
hata ni Debata sitiopan muna ima natarsurat di Pilippi 1:21 namandok       “Ai
Kristus do hangoluan di au, jala laba do nang hamatean” botima hata apul-apul
sian hami sai anggiat ma tibu tarapul rohamuna.
Mauliate.