ATURAN SAMBAYANG ANDAU MINGGU

MAHAPAN BASA DAYAK NGAJU

( BENTUK IV )

Minggu, 27 Pebruari 2022

Nas Alkitab: Keluaran 34 : 29 - 35 & Lukas 9 : 28 - 36

MAJELIS PEKERJA HARIAN

JEMAAT GKE TUMBANG KUNYI

Jl. Muliono RT.III, No. 0036 Kel. Tumbang Kunyi, Kec. Sumber Barito, 73981
Kab. Murung Raya, Prop. Kalimantan Tengah

Jemaat GKE Tumbang Kunyi Minggu, 27 Pebruari 2022 0

 ATURAN SAMBANYANG

1. PANYIAP/ INTROITUS
a. Pandita dengan bakas ungkup balakudoa intu ruang konsistori
b. Pansanan ungkup tuntang auh tarimakasih
c. Auh sulakah (kata pengantar)

Pahari ungkup samandiae tabe huang aran Tuhan Yesus Kristus. Selamat
hasundau tuntang malalus pumpong sambayang hung Huma Gereja Barita Asi
Tumbang Kunyi hanjewu tuh. Sambayang itah katika tuh mahapan aturan
sambayang bahasa Dayak Ngaju bentuk je ka epat, itah nampara tame huang
Minggu Sengsara ka ije. Aton ije melayani itah katika toh iete Bpk. Pnt. Abetnego P.
Musan, tuntang penggawi atau bakas ungkup GKE Tumbang Kunyi.
Buah itah manatap arep itah tuntang manampara pumpung sambayang toh
ungkup manyanyi bara Nyanyian Ungkup Nomor 5 : 1-2 “Hong Andau AyuM, O
Yesus” (sama dengan KJ No. 10 “Pujilah Tuhan”)
Ayat kadue ungkup samandiai irawei mendeng (Katika te penetua manyarah
surat barasih akan pandita/ palayan, hayak te bakas ungkup tame eka sambayang)

Jemaat GKE Tumbang Kunyi Minggu, 27 Pebruari 2022 1

2. VOTUM / TABE (Ungkup Mendeng)
a. VOTUM
Palayan : Pandohop itah huang aran Tuhan, ije jari manjapa langit
tuntang petak. (Masmur 124 : 8)
b. TABE
Palayan : Keleh asi mampahayak keton tuntang kasanang bara
Hatalla, Bapa itah tuntang bara Tuhan Yesus Kristus. (1
Koritus 1 : 3)
P+J : “Amin”

3. MANGAKU HATATOMBAH
Liturgos : Pasi aku, Hatalla, tumon kasayanMu! Puas kare kalangkahku tumon
kahain asim! Penyau aku lingi-lingis bara kadarhakangku, parasih
aku bara dosangku! (Masmur 51 : 3 – 4)
Ungkup : Soho aku mahining kahanjak karantang, uka tolangku ije indaraiMu
tau mangat tinai. (Masmur 51 : 10)
L+J : Manyanyi Nyanyin Ungkup No.180 : 1 “Kasayang Tuhan Dengan
Itah” (sama dengan KJ No. 39 “Ku Diberi Belas Kasihan”)

(Ungkup Munduk)

Jemaat GKE Tumbang Kunyi Minggu, 27 Pebruari 2022 2

4. MAMBASA AUH HATALLA
Liturgos : Auh hatallan ije handak imbasa akan itah,induan bara Surat Barasih
Janji Je Solakah, Surat Eksodus (Pampalua) 34:29-35, dengan
takuluk surat “Baun Moses Hasangkowong” je kalutuh auh :….
Ungkup : “AuhMu indu palitan paingku tuntang kalawan jalangku”(Masmur
119 :105)

5. UNGKUP MENYANYI (L) : Nyanyin Ungkup No. 212 :1-2 “O Yesus, Aku Toh
Manyembah” (sama dengan KJ No. 367 “PadaMu Tuhan dan Allahku”)

Jemaat GKE Tumbang Kunyi Minggu, 27 Pebruari 2022 3

6. KHOTBAH / MANARANG AUH HATALLA: ( P )
a. Balakudoa
b. Mambaca Nas
c. Khotbah
d. Katika benyem tunis

7. LAKUDOA AKAN OLOH ARE ( SYAFAAT) : ( P )

(inutup dengan Lakudua TUHAN (Mateus 6:9-13))
Apang ikei ije huang sorga! Aram imprasih. Keleh karajaam dumah. kahandakMu
akan manjadi kilau huang sorga, kakai kea hunjun petak. Tenga taloh kinan ikei,
ombet akan andau toh. Tuntang ampun kare kasalan ikei kilau kea jari mampun
oloh, ije sala dengan ikei. Ela manamean ikei huang tingkes, tapi l;iwus ikei bara ije
papa. Karana ayuM aton karajaan tuntang kuasa tuntang kahai katatahie, Amen.

8. MALUPUT PARAPAH : (L)

a. Pengatar
Tuh atun katika itah maluput parapah akan Tuhan, hining auh Hatalla tahiu
parapah: Masmur 96 bagi 7 sampai 8 “keleh tara TUHAN ,O ungkup oloh
kalunen,keleh tara kahain Aie je paham,tuntang kaabas Aie. Keleh tara akan
aran ayue je ihormat pangkahai,tuntang imbit parapah akan human Ayue”

b. Lakudoa Parapah
Keleh itah balakudoa manyarah parapah akan inampunan itah,je ingutak
hayak-hayak “ o Tuhan ikau jari manenga kare panenga ije bahalap akan ikei,
tarima toh parapah ungkup ayuM, akan inyarah tomon parentahM, uka tau
inguna kan manyang Tuhan, akan kahain araM, Amen.

Jemaat GKE Tumbang Kunyi Minggu, 27 Pebruari 2022 4

 c. Menyanyi Nyanyin Ungkup No. 200 : 1 - dst “Amon Hunjun Tasik Ain
Pambelom” (sama dengan KJ No. 439 “Bila Topan K’ras Melanda Hidupmu ”)

9. PENGAKUAN IMAN : ( L ) (Ungkup Mendeng)

Jemaat GKE Tumbang Kunyi Minggu, 27 Pebruari 2022 5
 (Ilalus dengan mendeng dia suntop atau ngambutep mate tuntang malipat lenge
kilau jaka balakudoa, tapi mendeng tarereng nampayah akan baun)

Palayan : buah itah mendeng,huang kahinjen dengan kapercaya dengan uloh

Kristen hong kare katika tuntang kare eka.Hapan atei tuntang nyame kalotoh:
1) Aku percaya huang Hatalla bapa ije jatun tikas kuasae, ije jari manjapa langit
tuntang petak.
2) Aku percaya huang Yesus Kristus, Anak Hatalla ije tonggal,Tuhan itah
3) Jari inakan Maria bujang salia awi kuasan Roh Barasih
4) Jari ingapehe, zaman Pontius Pilatus, matei hong kayu sampalaki, ingubur,
mohon akan eka kare liau
5) Andau telo jari misik tinai bara marak oloh matei
6) Mandai akan sorga, mondok hila gantaun Hatalla, Bapa je jaton tikas kuasae.
7) Bara hete ie kareh haluli uka mariksa tuntang mameleh oloh belom oloh matei
tomon gawie
8) Aku percaya huang Roh Brasih.
9) Aku percaya aton ije jalahan ain Kristus ije brasih, iete kare Ungkup oloh brasih
ije ihanjean Roh;
10) Aku percaya ampunan dosa
11) Kamisik bereng oloh matei
12) Tuntang pambelom ije katatahie

10. PENGUTUSAN
Pandita : Keleh itah bagawi kilau Tuhan Yesus jadi bagawi tuntang masie.
Ungkup : Yoh Tuhan, hapan pambelom ikei..

11. BERKAT : ( P )
Keleh Tuhan mamberkat ikau tuntang mangalindong ikau!
Keleh Tuhan manyangkuwong baue tambuan ikau tuntang masi ikau!

Jemaat GKE Tumbang Kunyi Minggu, 27 Pebruari 2022 6

 Keleh Tuhan manggatang baue hunjun ikau hayak manenga kasanang akam!
(Numeri 6 : 24 – 26)

Ungkup Manyanyi “AMIN”

Tabe Presbiter
Katika Benyem Tonis

Jemaat GKE Tumbang Kunyi Minggu, 27 Pebruari 2022 7