Acara Tolak Bala

Rabu, 17 November 2021

1. Merendhe BE No. 223:1-2 “Kusembhah Ko Tuhan”

 Kusembah Ko Tuhan, dengkoh aku
TakiMu mo padan pesaut bangku
Makin gandha na mi, ngkelleng atengku i
Tambahi mo ngkelleng mbang Ko
 Sidang laling aku, ndaoh ngo tan Ko
Itulus Ko aku, jah jumpa ngo
Kerna i ngkelleng ngo, ukurku i mbhang Ko
Tambahi mo ngkelleng mbang Ko

2. Invocatio/Introitus/Sodip
(P: Pemimpin SK: Sendihi Kuria)
P: Merkiteken Gerrar Debata Bapa, dekket Gerrar ni AnakNa Tuhan
Jesus Kristus, dekket Gerrar Tendi Perbadia situmenempa langit
dekket tanoh en. Amen.
Sidari èn ndorok mo pilih kènè, tah pasu-pasu ngo barang sumpah.
Ipasu-pasu ngo kènè mula iulaken kènè pati-patien JAHOWA
Dèbata ndènè, sikupesakat bai ndènè i ari sidari èn. Tapi kenna
sempetta mo kènè mula oda iulaken kènè pati-patien JAHOWA
Dèbata ndènè, mula gabè merbalik nola ngo menembah dèbata-
dèbata sidèban siso nung isembah ke. (5 Musa 11:26-28), Haleluya.
Mersodip mo kita
Ale Tuhan Debata simertahta i babo karinana, Bapa simermaseh ate
janah siperngkelleng mendahiken karina sinitempaMi. Pellin
kumerna maseh dekket ngkelleng ateMu sambing ngo sikurasaken
kami memaingken ndorok nola kupoji kami Ko soh sidekkah ni
nggeluh nami. Kono ngo simemeritaken Berita Kelluahen taba kami
 ibagasen Jesus Kristus sipaluahken kami, memaingken terolih janah
maluah kami. Mermaseh ate mo Kono mendahiken kami siperdosa
en. Kusatdari kami ngo kumerna narap masehMu ngo asa ndorok
nola kami merdame dekket Bapa idi. Kumernaken idi ale Bapa,
ibagasen katika en naing ngo kupesakat kami bolet diri nami mbang
Ko imo merkiteken peribadahen nami en lako memutusken kuasa-
kuasa sinjahat silot i babo tanoh en. Kusatdari kami ngo ale Bapa,
Kono ngo kessa sidasa kami soh mi sidekkah ni dekkahna. Ajari
janah pergegohi mo kami asa tuhu-tuhu merkeposen kami
mendahiken Kono janah kutadingken kami kuasa silot i babo tanoh
en. Baingken mo KataMu idi ibagasen ukur nami asa dak tong
merkeposen kami pellin mendahiken Kono. Dengkohken mo sodip
dekket pengidoen nami en pellin ibagasen Jesus Kristus simerkuasa i
babo karinana. Amen.

3. Merendhe Suplemen No. 43:1+3 “Makin Ndessing Aku Mi Tuhanki”

 Makin ndessing aku, mi Tuhanki
Ku cekep tanganMi Debatangki
Naing lenneng bungking ki, i laut simbages i
Tegu maku Tuhan mi gembarMi
 Makin ndessing aku mi Tuhanki
Petutus langkahki mi gembarMi
Ajari mo aku memoji gerrarMi
Rasken malaikat i i Sorga i
4. Pembacaan Firman Tuhan (Jesaya 41:9-15)

P: Enggo kualengi kono i punca tanoh èn nai, kutenggoi i bekkas

sindaoh nai. NingKu ngo, 'kono ngo naposongKu; oda Kutulak
sinipilihKu.
 SK: Ulang kono mbiar kerna Aku ngo denganmu, ulang rembekbekken,
kerna Aku ngo Dèbatamu. Kupetegguh pè kono janah kuurupi
Kuteggu merkitè tanganKu simergegoh i.

P: Tengen mo, karina kalak simelaga bamu, kennah italuken janah

termalu. Kalak simengalo kono, kennah binasa janah kerri ibantun.

SK: Itulusi kono mo kalak simengalo kono, tapi oda nè idah kono. Kalak
simergeraha dekket kono enggo mo bennè bana mersep bagèndari.

P: Kumerna Aku JAHOWA, Dèbatamu, menjemak tangan

kamuhunmu; ningKu ngo, 'Ulang mbiar, aku ngo mengurupi kono.'

SK: Nina JAHOWA, "Ulang mbiar, alè Israel, kasi pè kono cituk janah
oda mergegoh. Aku JAHOWA ngo mengurupi kono, Simbadia
kalohon, Dèbata kalak Israel ngo sipaluahken ko

P+SK: Tengen mo, kubaing mo ko bagè rimpi pengerriken rembaru,

ntajem janah merdori dua mbaris. Ierrik kono mo delleng-
delleng bak mengelalasa; uruk-uruk pè ibaing kono mo tosè
ronci

P: Ncayurntua ngo kalak simemegeken kata ni Debata janah

simengeradum-radumisa. Amen.

5. Merendhe BE No. 449:1+4 “Dak Ndessing Mi Silangmi”

 Dak ndessing mi silangMi, o Jesus bekkasku
Lae mul simarir isi, imo enumenku
Reef: SilangMi Tuhanki, i mono pojinku
Mema segen soh aku, imo endhekenku
 Menjemak silangMu i, ninganna pemanku
Tenggomi mi Sorga i, mi rudang jalonku
 Reef…

6. Sodip Kemeddu
7. Sakramen Merulaan Simbadia

8. Merendhe BE No. 437:1-2 “Mobah Ngo Ukurki Ibaing”

 Mobah ngo ukurki ibaing Tuhanku i, kessa Jesus mrian bangku
Enggo sennang aku merdame ukurki, kessa Jesus mrian bangku
Reef: Kessa Jesus mrian bangku, kessa Jesus mrian bangku
Sennang ngo aku kessa mi Jesus aku, kessa Jesus mrian bangku
 Aku silaling kin dapet rudangku i, kessa Jesus mrian bangku
Enggo dung dosangki ibaing darohNa i, kessa Jesus mrian bangku
Reef…

9. Penutup “Iale Bapa Nami Sini Sorga”+”Pasu-pasu”

Amen… Amen… Amen… (iendekken)