1. Merende narap BE. No. 10 : 1-3 Kupoji Kupesangap Ko (Bes=1)
1. Kupoji kupesangap Ko, Bapa Permende basa. SinihanakenMu ngono karinana simasa. Itempa Ko ngo karina dagingku dekket tendipe kupoji mo gerrarMu. 2. Karina sinitempa Mi, naing sennang dok ateMu. Tasari dekket berngin pe, isarihken ukurMu. Bang hukum bai ginemnggemMi, soh nteger soh tuhu ngo i. kupoji mo gerrarMu! (cender) 3. Oda nung tading ummatMi sienggo nipilihMu. Kono ngo keperusen ni, tersenget mi gerrarMu. Dagingku dekket tendingki, Kennah memoji sangapMi, kupoji mo gerrarMu! 2. Votum - Introitus - Sodip Jemaat : “Haleluya... haleluya... haleluya...” 3. Merende narap BE. No. 361 : 1-2 Merandal Kalohon Ngo (Bes=1) 1. Merandal kalohon ngo, memoji Debata. Jahowa sindatesna, tong mende basana. Mende ngo bagahenken, sicegen masehmi. Cibonna mengendeken, bujurMu ntegerMi. 2. Merdengan onong-oning, mende kaloon tuhu. Dak naing mo tong pojien Karina siburju. Ko Tuhan debatangku, ngo lolo atengki. Ingo sini bakin-Mu sini pepada –Mi. 4. Menjaka Patien Kuria :“Ale Tuhan Debata, dak pergegohi mo kami mengulaken simerdemmu mi Patien-Mi, Amen.” 5. Merende narap BE. No. 182 : 1-2 Mi LebbeMu Debatangku (B=1) 1. Mi lebbeMu Debatangku dak tongkis ngo ukurken. Dak pasita mo sodipku dekket tangis eluhken. (cender) 2. Kuselselli ngo ukurku sidom dosa I tuhu. Mbue ngo ari- aringku, magosia pemaingku. 6. Meneppeti Dosa 7. Koor Partua Ibages 8. Merende BE. No. 192 : 1-2 O Tuhan Jesus Raja Ni Karina (F=1) 1. O Tuhan Jesus Raja ni karina tubuh Anak Bapa i. Kekelengenku, Sisembahenku, sada Ko ngono Tuhanki. 2. Tembak pe mende tahuma pe mende meratah karina i. Jesus sellohen Jesus mendeen, simaingken sampang atengki. 9. Solo-solo Jamita/Epistel: Johanes 4 : 20-26 (Pegancih-gancih) Liturgist :20 Idokken empung nami i delleng èn ngo kusembah kami Dèbata, tapi bangsa ndènè mendokken pellin i Jerusalem ngo kessa bekkas menembah Dèbata." Jemaat :21 Nina Jesus mo, "Percaya mo kono. Roh mo tikkina, oda nè i delleng èn barang i Jerusalem bekkas menembah Dèbata. Litrugist :22 Isembah kènè kalak Samaria ngo siso nitandaan ndènè. Tapi ukum kami kalak Jahudi kusembah kami ngo Ia sikutandai kami, ai bai bangsa Jahudi nai ngo roh kelluahen i. Jemaat :23 Tapi dapet nè mo tikkina janah enggo roh tupèh, merkitè Tendi Dèbata, isembah karina jelma mo Bapa i. Merpenguèi tuhu-tuhu mo kalak i bagè nipergeddo atè Bapa. Liturgist :24 Tendi ngo Dèbata, janah pellin merkitè kuasa Tendi Dèbata ngo kalak ndorok menembah Dèbata Bapa, bagè situhunna ia lot. Jemaat :25 Nina daberru idi mo mbang Jesus, "Kubettoh ngo naing roh nè mo Raja Sipaluahken i (sinigerarenna Kristus). Mula roh kessa Ia ibagahken mo karinana banta." Rebakken :26 Nina Jesus mo, "Aku ngo i, simengeranai bagèndari dekket kono." Liturgist :Bagidimo sakatna, “Sayurntua ngo kalak simemegeken kata Debata Janah simengeradum- radumisa. Amen” 10. Koor Partua Ibale 11. Merende narap BE. No. 265 : 1-2 Melias Ate Mo Ale Tuhan (F=1) 1. Melias ate mo ale Tuhan kumernaken ngkellengMu i isorga nai ngo no roh Kono, pegelluhken simbalangi. Kudokken Bamu lias ate kerna tunna nggelluh aku, kumerna basa bak ngkellengMu, bai nami siperdosai (cender) 2. Bamu kubreken mo tendingku bakin mo idi bekkasMi. Pesulak mo tendingMu bangku menegu negu ukurki. Arnia ing ngkelleng ateMu memaing roh Ko mitanoh en. Jah ing mengkarah Kono gia pegelluhken simpersuki 12. Mengkesaksiken Kata Kepercayaen 13. Koor Simatah Daging 14. Mongmong 15. Sodip Kemeddu 16. Merende narap SBE. No. 44 : 1..Buah Tendi Simbadia (C=1) (Pepulungken peleen I & II) 1. En mo buah sini arak tendi simbadia perkelleng lolo dame sobar budi ate mbersih janah setia, merukur ncerrep mengerajai diri oda ngo meralo hatoren patin Tuhani bai kalak sibagidi 2. Kalak sienggo milik ni Jesus Kristus. Enggo ipersilangken bakko kejelmaen. Rebakken dekket cubellek daging, enggo ibereken tendi simbadia banta nggelluh barasirembaru. Kuasai mo nggelluhmi. 3. En ngo sikudokken belli tendi simbadia. Mengarak arak kono asa ulang laling. Begeken mono kata Debata, imo peddah nai ulaken moi. Asa terpasu pasu ko, sidekkah nggelluhmi. 17. Jamita Psalm 95: 1-11 18. Merende narap SBE. No. 82 : 1... Mersampang Ate Ngo Aku Inggelluhken (G=1) (Pepulungken peleen III & IV) 1. Mersampang ate ngo aku inggelluhken inggelluhken inggelluhken, Mersampang ate ngo aku inggelluhken roh Ko mi ukurken. Melias ate kudokken Bamu, merian kellengMi bangku Tuhan Melias ate kudokken Bamu, merian kellengMi bangku Tuhan 2. Merdame janah sennang ngo nggelluhken ngo nggelluhken ngo nggelluhken, Merdame janah sennang ngo nggelluhken pengkepkepMi Tuhan. Melias ate kudokken Bamu, merian kellengMi bangku Tuhan Melias ate kudokken Bamu, merian kellengMi bangku Tuhan 3. Dom maseh ate Jesus i nggelluhken, i nggelluhken, i nggelluhken. Dom maseh ate Jesus i nggelluhken, maing senang ukurken. . Melias ate kudokken Bamu, merian kellengMi bangku Tuhan Melias ate kudokken Bamu, merian kellengMi bangku Tuhan 19. Sodip Peleen + Ende Peleen 20. Pasu-pasu (Mengendheken “Amen, amen, amen”.)