PA MAMRE GABUNGAN

KLASIS DAIRI

HARUS KIN

AKU?Johanes 6:1-13
PERSIKAPEN
KEE 313:1 “Pulung M’riah Kal Kami
Kerina”
Pulung m’riah kal kami kerina
Jumpa ibas rumah si Badia
Reh min Kam, o Bapa si Mulia
G’lah kerina Badia jadina.
Reff. Salsali pusuh kami
Layasi ukur kami
Pengarapen reh teguhna
Kiniteken reh paguhna
ERTOTO
KATA PENARUH
KEE 399 :1, 3 ”Ipuji Kami Kam Dibata Simbelin”
Mari surak muji Tuhan
Endesken ‘nde-enden m’riah,
O surga doni ersurak kerina,
Mari rende muji Ia
Alu ukur si meriah,
Puji gelarNa si Badia.
Reff. La ‘rngadi ngadi kupuji kam Tuhan,
bas k’rina dampar kegeluhen,
ersurak m’riah pusuhku ibas kam,
terpuji Tuhan rasa lalap.
KEE 399 :1, 3 ”Ipuji Kami Kam Dibata Simbelin”
Mari surak puji Tuhan
Alu ukur ras tendinta
Sabab Kam mehuli kap o Dibata
pulahiNdu aku
ibas kiniseran doni enda
Kupuji Tuhan haleluya
Reff. La ‘rngadi ngadi kupuji kam Tuhan,
bas k’rina dampar kegeluhen,
ersurak m’riah pusuhku ibas kam,
terpuji Tuhan rasa lalap.
 Votum - Salam

L :I bas gelar Dibata Bapa sinepa wari-wari, i bas gelar

AnakNa Jesus Kristus simereken kegeluhen si mbaru, ras
i bas gelar Kesah Si Badia sinemani perdalanen geluh
manusia.
Keleng ate Dibata si la ersibar, tetap ngarak-ngarak
kegeluhenta (ndu), ikawaliNa kita (kam) subuk suari ras
berngi, IA kap si mada kuasa seh rasa lalap. Amin.
P : Amin..... Amin..... Amin..... (Iendeken)
Berita Kerna Perbahanen Ras
Sura-Sura Dibata (Invocatio)

”Tapi adi aku ras isi

jabungku, TUHAN saja
ngenca isembah kami”
(Josua 24:15b).
KEE 424 :1, 2 ”Ipuji Kami Kam Dibata Simbelin”

Ipuji kami kam Dibata Simbelin,

Arah ende-enden Sibadia
Suari ras berngi kawali kami min.
Segelah la celus bas percuban

Reff: Sangap kap kalak si’rnalem banNdu e

daten tuah ras kesenangen pe.
Sangap kap kalak si’rnalem banNdu e
daten tuah ras kesenangen pe
KEE 424 :1, 2 ”Ipuji Kami Kam Dibata Simbelin”

Dibata sajalah tetap si man pujin,

Endeskenlah g’luhta man baNa min
Tetap Ia si mperdiateken kita min,
KelengNa man banta la erkerin.

Reff: Sangap kap kalak si’rnalem banNdu e

daten tuah ras kesenangen pe.
Sangap kap kalak si’rnalem banNdu e
daten tuah ras kesenangen pe
Kinata Kegeluhen Manusia i Bas
Nimai Kerehen Dibata
L Tuhan, adi nulih kami ku paksa-paksa kegeluhen
siiberekenNdu, megati kal kami nundalken Kam, la tutus
erminggu, kurang muat bagin i bas perpulungen, kisat i
bas erdiakoni, njuruken i bas pengelako kami, bagepe
kurang beluh ngamparken ranan. Ngaku kami
kuadepenNdu Tuhan.
L+P (Ngendeken KEE 292:1)
Manusia nggo erdosa, meluat mekalesa
Nggeluh labo lit damena ‘di sirang ras Dibata.
Kinata Kegeluhen Manusia i Bas
Nimai Kerehen Dibata
Mamre Tuhan, kami selaku anggota Mamre, bapa itengah jabu,
rusur kami la jadi usihen, megati la jadi ikuten
nandangi se isi jabu kami. Kurang tanggung jabab kami
i bas mabai keluarga guna nandai Kam, erkiteken
kesibuken kami sekalak-sekalak.
Kerina (Ngendeken KEE 292:1)
Manusia nggo erdosa, meluat mekalesa
Nggeluh labo lit damena ‘di sirang ras Dibata
Begikenlah pendiloNa, malang erlajar baNa
Nggeluh pelimbaruiNa rembak kita ras IA
 Berita Pengalemi Dosa
(Perpulungen Tedis)
L Turang ras senina, la ate Dibata anakNa bene i bas
kegeluhen si la erguna. Emaka tetap kita ialemi dingen
ipelimbaruiNa. Selaku persuruhen Dibata, aku nehken
kataNa man banta (ndu) kerina, niNa :
“Kalak si nggit megiken kata Dibata, si nggit
ngalokenca, janah ersura-sura mperobahi kelepakenna,
ia kap si ngaloken kesangapen i bas Dibata nari. Kalak
si ngasup nadingken kerina biak si la ngena ate Dibata,
ipekena-kena Dibata kap geluhna janah dame jadi
sikerajangenna”
KEE 215:1,3 “Lias Ate ni Tuhanta”

Lias ate ni Tuhanta, e lalap man pujin,

Ras pe kebenarenNa, pebelinlah madin
Ku eteh peratenNa ras dosa labo singgur
Nggo tetap jujurenNa, si labo banci luntur
E desken batu mamak enteguh labo mugur
Bagem kepeken Kam, nggo tetap ibas bujur
KEE 215:1,3 “Lias Ate ni Tuhanta”

Kam kap penundalenku, Kam pematangku kin

Ban b’linna kuasaNdu, meparas man pujin
Tambah kekelengenNdu, si seh man kami enda
Em jadi tahan-turu, aminna ukur nera
Kelewet gia imbangku, Dibata kap njagasa
Kailah kebiarenku, di aku sampatiNa
 KHOTBAH

HARUS KIN

AKU?
Johanes 6:1-13
PENGAKUH KINITEKEN
 Persembahen
L Seh paksana man banta genduari nehken
pengataken bujurta man Dibata. Kata Dibata
si jadi palas man banta eme :
“Ietehndu uga liasna Tuhanta Jesus Kristus:
maka aminna bayak gia IA, tapi guna
kiniulinndu, ipemusilNa baNa, gelah arah
kemusilenNa e jadi bayak kam” (2 Korinti
8:9).
KEE 450:1- “Endesken Kami Man baNdu”
Endesken kami man baNdu
Sada bagin pemereNdu
Persembahen kami baNdu
Gelah ialokenNdu

Reff : Pasu-pasuNdu min gelah

Si tading ibas kami
AjariNdu dage kami
M’re persembahen baNdu
KEE 450:1- “Endesken Kami Man baNdu”
Sipepulung persembahan
Si endesken e man Tuhan
Asa gegeh kengasupen
Mari si persembahken

Reff : Pasu-pasuNdu min gelah

Si tading ibas kami
AjariNdu dage kami
M’re persembahen baNdu
KEE 450:1- “Endesken Kami Man baNdu”
K’rina jine si aloken
Erta ras pe kiniliten
Sada bagin si ulihken
Asa si nggo sikapken

Reff : Pasu-pasuNdu min gelah

Si tading ibas kami
AjariNdu dage kami
M’re persembahen baNdu
KEE 450:1- “Endesken Kami Man baNdu”
Enda enggo ipepulung
Amin lenga bo metunggung
Ersembah lenga bo beluh
Tapi ukur ersuruh

Reff : Pasu-pasuNdu min gelah

Si tading ibas kami
AjariNdu dage kami
M’re persembahen baNdu
Pertoton Persembahan ras Syafaat
 Perpadanen Man Dibata
L Ngidah uga belinna lias ate Dibata, si nemani ras nampati kita
(kam) i bas kegeluhenta (ndu) sedekah enda, i bas tahun si
mbaru enda, nggit nge kita (kam) alu tutus erpenalem man
Dibata?
P Erpadan aku Tuhan, ateku tetap ernalem man baNdu. Enda me
jadi kesaksinku nandangi keluarga, bage pe nandangi
sekelewetku.
L Dibata ngatanken kita (kam) ngaloken tahun si mbaru enda,
dingen ndilo kita (kam) gelah maba kiniulin ku sekelewetta
(ndu).
P Erpadan aku Tuhan, kupakeken me tahun si mbaru enda, Jadi
pasu-pasu man kalak sideban.
KEE 400:1-2 “Si Beritaken Brita si Meriah”

Si b’ritaken b’rita si meriah,

Ulanai pedekah-dekah
Ku sebelang-belang doni enda,
Seh ku kerina bangsa-bangsa
Yesus kap simada persuruhen,
Mari dage siberitaken
Reff. Siberitakenlah kata ni Dibata
Kesah si Badia kap si peturahsa
Cidahken arah kata ras perbahanen
Jadi kesaksin man jelma si enterem
KEE 400:1-2 “Si Beritaken Brita si Meriah”

Si pembarken b’rita keriahen

Ibas geluh ni perpulungen
Ersada ibas sada rarasen
Kerina sikeleng-kelengen
Bas si mehuli la si toganen
Radu ras sisampat-sampaten
Reff. Siberitakenlah kata ni Dibata
Kesah si Badia kap si peturahsa
Cidahken arah kata ras perbahanen
Jadi kesaksin man jelma si enterem
PERTOTON TUHAN
 Pengutusen Ras Pasu-pasu Dibata
L Turang ras Senina, dalankenlah kegeluhenndu i
teruh penampat Kesah si Badia, janah sialoken
pasu-pasu idur Dibata nari :
“Patuhlah kam man perentahKu, Kupepaler me
man bandu kemalemen ate desken lau; janah
kemenangen reh nepet kam, desken galumbang si
ergalun ku tepi lawit”, Amin. (Bdk. Jesaya 48: 18)
P Amin..... Amin..... Amin..... (Iendeken)