KEBAKTIAN MINGGU

* 13 November 2022 *

Minggu XXII Kenca Trinitatis /

Minggu Keluarga
Persikapen
 KEE 374 : 1
Yesus ulu kegeluhenku,
Kam me ngenca pengendesenku,
Lalap tedeh ate pusuhku,
Kupehaga Kam bas geluhku.
Reff :
O Tuhan pernehen pusuhku,
siertedeh ate man baNdu
kugelem pedah ras padanNdu
kusembah Kam ibas geluhku
 KEE 374 : 2
Ku sembah Tuhan penebusku,
Si mereken kekelengenNa,
Alu tutus reh aku Tuhan,
Ras kerina isi jabungku.
Reff :
O Tuhan pernehen pusuhku,
siertedeh ate man baNdu
kugelem pedah ras padanNdu
kusembah Kam ibas geluhku
Kata Pengalo-ngalo
ras
Momo
Kata Penaruh
 KEE 3 : 1

Puji Dibata e, Raja mbelin si mulia

Kita kerina erjimpuh ertoto ku
Ia
Pulunglah min! Rende ersurak
me kin
K’rina me kam manusia
 KEE 3 : 2

Puji Dibata e, si ngrajaisa kerina

E maka kerajang jelma mehuli
jadina
Rajanta e, numpak ginemgemNa
nge
Em peraten bagidina
Votum - Salam
 Berita Kerna
Perbahanen Ras
Sura-sura Dibata
( Invocatio )
 KEE 339 : 1

Wari enda wari badia

Wari meriah jumpa ras Dibata
Gia melala ndube dahinta
Nembah man baNa ula kita
lupa.
Reff :
Wari-warinta Tuhan empuna
Geluhta pe Ia kap si njayamsa
 KEE 339 : 2

Melala giah erdahin ertima

Tedeh ateta jumpa ras Dibata
Si malem baNa isampatiNa
Malem nanamna di rembak ras
Ia.
Reff :
Wari-warinta Tuhan empuna
Geluhta pe Ia kap si njayamsa
 Kecibal Keluarga si Ngena Ate Dibata
Liturgis :
Sangap kap kalak si malang man TUHAN, si nggeluh ngikutken
kerina perentahNa
Mamre :
Ipanna me ulihna latih, sangap nggeluh, mehuli
sikerajangenna
Moria :
Ndeharana bali ras anggur si meramis buahna i bas rumahna,
Anak :
Dingen anak – anakna bali ras tunas batang saitun i sekelewet
mejana
Liturgis :
Bage me pasu – pasu TUHAN,... (Masmur 128 : 1 – 6a). Sipuji
Tuhan alu ras kita ngendeken : ...
 KEE 424 : 1
Ipuji kami Kam Dibata si mbelin
Suari ras berngi kawali kami min
Alu ende-enden si meriah
Segelah la celus bas percuban
Reff :
Sangap kap kalak
si ‘malem baNdu e.
daten tuah ras kesenangen pe.
Sangap kap kalak
si ‘malem baNdu e.
daten tuah ras kesenangen pe.
 KEE 424 : 2
Dibata sajalah tetap si man pujin
Endeskenlah g’luhta man baNa min
Tetap ia si mperdiateken kita min
kelengNa man banta la erkerin
Reff :
Sangap kap kalak
si ‘malem baNdu e.
daten tuah ras kesenangen pe.
Sangap kap kalak
si ‘malem baNdu e.
daten tuah ras kesenangen pe.
 Pengakun Kerna Kinilangasupen Ndalanken Jabu si
Ngena Ate Dibata
Liturgis :
Nina Dibata : “Patuhlah sekalak nandangi sidebanna,
erkiteken kam mehamat man Kristus.” uga nge ndia
pendalankenta i bas jabuta (ndu) sedekah enda?
(Paksa Teneng)
Liturgis :
O kam ndehara, patuhlah man perbulangenndu bagi patuh
man Tuhan. Sabab perbulangen nge takal ndehara, bali ras
Kristus takal perpulungen, janah Kristus nge si engkelini
perpulungen si jadi kulaNa e
Moria :
Ngaku kami o Tuhan, megati kami la ngergaken perbulangen
kami selaku bapa itengah – tengah jabu
Liturgis :
O kam perbulangen, kelengilah ndeharandu, bagi Kristus
engkelengi perpulungen, dingen ngendesken KesahNa guna
perpulungen e
Mamre:
Ngaku kami o Tuhan, megati kami la ngasup engkelengi ndehara
kami bagi Jesus si enggo mereken diriNa man perpulungen
Liturgis :
Kam orangtua! Ola pesega – sega anakndu si erbahansa ia
merawa. Tapi i bas pebelin – belin ia, ajari dingen tegu – tegu
lah ia bagi si ngena ate Tuhan
Orangtua :
Ngaku kami o Tuhan, megati peraten kami ngenca ilumbaken i
bas ngajarken anak kami. Janah la ibabai ras itegu – tegu kami ia
bagi si ngena ateNdu
Liturgis :
O kam anak – anak! Ikutkenlah ajar orangtuandu, sue
ras peraten Tuhan sabab patut idalankendu.
“Pehagalah nande – bapandu” eme pedah sipemena
radu ras padanNa
Anak :
Ngaku kami Tuhan, megati la megiken kata ras ajar
orangtua kami. Megati pengerana ras perbahanen
kami erbahanca ceda ukur orangtua kami
Liturgis :
Mari tole sipebagesi pengakunta man Dibata alu
ngendeken : ...
 KEE 440 : 1

O Bapa, salah lepakku ku ’teh nge.

Dosangku pe rusur kuinget
Man baNdu aku erdosa

Reff :
Mekuah ateNdu min
erkiteken liasNdu
SasapkenNdu min
k’rina dosangku o Tuhan
 KEE 440 : 2

O Bapa, kubahan rusur si jahat

Patut nge aku i ukumNdu
Bujur nge keputusenNdu

Reff :
Mekuah ateNdu min
erkiteken liasNdu
SasapkenNdu min
k’rina dosangku o Tuhan.
 Berita Pengalemi Dosa

Liturgis :
Selaku persuruhen Dibata,... Amin
Ibas keriahen ukurta erkiteken dosanta
(ndu) enggo ialemi Dibata, si puji dage Ia alu
ngendeken : ...
 KEE 184 : 1

Yesus Tuhanku njaminisa,

K’rina dosangku tebusiNa.
Geluh simbaru jujurkenNa,
M’riah ukurku ngalokenca.
Reff :
Tuhanku Yesus Kam me tetap,
Pengendesenku rasa lalap.
Temani aku o, Penampat,
Tuhanku Yesus Jurus’lamat
 KEE 184 : 2

Ngendes man baNa sikap tuhu,

Keleng ateNa negu-negu.
Mindo man baNa ola medu,
Maka ib’reNa pasu-pasu.
Reff :
Tuhanku Yesus Kam me tetap,
Pengendesenku rasa lalap.
Temani aku o, Penampat,
Tuhanku Yesus Jurus’lamat.
Ogen :
Epesus 6 : 1 - 4 (Tunggal)

Khotbah :
Ulangen 7 : 12 – 15 (Tunggal)

Tema :
“Tutus Ngikutken Tuhan”
Pengakun Kiniteken
Persembahen
 KEE 343 : 1
Pasu-pasu bas Tuhan nari,
gejapken kami tep-tep wari,
bas paksa-paksa geluh kami.
Kam me tetap si ngkawali
pasu-pasu bas Tuhan nari,
jadi pergegeh tendi kami
guna ndalani wari-wari.
si rehna bas Kam Tuhan nari
Reff :
Pasu-pasu dage o Tuhan,
Persembahen kami anakNdu.
Labo kapen enda metunggung,
Persembahen si nggo pepulung,
ajariNdu pe kami gelah min,
tetap ngasup mere man Tuhan
 KEE 343 : 2
Buaten lit kami o Bapa,
gejapken kami Kam empuna,
tanda ukur kami meriah,
endesken kami baNdu Bapa.
Persembahen enda o Bapa,
desken bunga ncole merimna,
persembahen ateNdu ngena,
bagelah akapNdu o Bapa.
Reff :
Pasu-pasu dage o Tuhan,
Persembahen kami anakNdu.
Labo kapen enda metunggung,
Persembahen si nggo pepulung,
ajariNdu pe kami gelah min,
tetap ngasup mere man Tuhan
 KEE 343 : 3
Aloken min dage o Tuhan,
persembahen kami anakNdu,
labo ban beluh kami Tuhan,
lako mere kuadepenNdu.
Pakeken min dage o Tuhan,
persembahen kami anakNdu,
guna pebelangken kataNdu,
nandangi k’rina tinepaNdu.
Reff :
Pasu-pasu dage o Tuhan,
Persembahen kami anakNdu.
Labo kapen enda metunggung,
Persembahen si nggo pepulung,
ajariNdu pe kami gelah min,
tetap ngasup mere man Tuhan
Pertoton Persembahan
Ras
Syafaat
 Perpadanen Man Dibata

Liturgi :
Dibata empersadaken isi jabu guna pekena – kena
doni enda
Perpulungen :
Erpadan kami Tuhan, makeken jabu kami ndalanken
kerina kai si isurakenNdu. Nggit kami siergan ras
patuh sada ras sidebanna. Emaka kami ras isi jabu
kami, Kam ngenca isembah kami
Liturgi :
Ibas mpeteguhi perpadanenta, si puji Tuhan alu
ngendeken : ...
 KEE 286 : 1

Kuikutken me dalanNdu
Dalan dame man bangku
Terkelin me kap geluhku
Itebusi darehNdu
Reff :
Ku ikutken me dalanNdu
Ku endesken geluhku
Bas Kam o Jurus’lamatku
Dame senang tendingku
 KEE 286 : 4

Kupetetap me ukurku
Nggeluh bujur ras tuhu
B’reNdu usihen man bangku
Puji sembahku baNdu
Reff :
Ku ikutken me dalanNdu
Ku endesken geluhku
Bas Kam o Jurus’lamatku
Dame senang tendingku
PERTOTON TUHAN
Pengutusen
ras
Pasu-pasu
“MINGGU”