INSTITUT PENDIDIKAN GURU

KAMPUS KENT,
TUARAN, SABAH

PENTAKSIRAN BERTERUSAN

PROGRAM IJAZAH SARJANA MUDA PERGURUAN (PISMP)

BKDB3083
LINGUISTIK BOROS KADAZANDUSUN

Ngaran Mokiikinobos : DANNEY ROLAND STANIS

Numbur Giliran : 2020062340007

No. Kad Kointutunan : 010403-12-1317

Program : PISMP SEMESTER 5

Unit : BAHASA KADAZANDUSUN (SK)

Uhu Timbabaon : PONUATAN ILMIAH

Ngaran Lungkitas : GUNDOHING WILFRED DOUSIP

Tadauwulan Kapaatadan : 04 NGIOP 2022

KOOKUNAN KOTORIMO MAKLUM BALAS MANTAD LUNGKITAS.

KOMI LUNGKITAS TANDATANGAN OM TADAUWULAN

( DANNEY ROLAND STANIS )

Tadauwulan: 04 NGIOP 2022

TONSI BOLIKAN

1.0 ROROITON RUMANDAWI .................................................................................. 3

2.0 KOPOINTUTUNAN .............................................................................................. 4

3.0 RATI SINDING SUMANDAWI .............................................................................. 4

4.0 ANALISIS POLA OM STILISTIK .......................................................................... 4

4.1 Imejan ............................................................................................................... 4

4.2 Hybrid................................................................................................................ 5

4.3 Repetisi ............................................................................................................. 5

4.4 Ansonansi ......................................................................................................... 5

4.5 Aliterasi ............................................................................................................. 6

4.6 Anafora ............................................................................................................. 6

4.7 Sinkope ............................................................................................................. 6

4.8 Hiperbola........................................................................................................... 7

5.0 SUKUON .............................................................................................................. 8

1.0 ROROITON RUMANDAWI
CLARICE JOHN MATHA

(Sundu-sundukud kinomulok

Tondu ko mantad id kayangan)

Sundu-sundukud kinomulok

Tondu ko mantad id kayangan

Tondu ko mantad rumandawi

Do royohon tulun id riniba

Boros-boros ka di kudingking

Sonong nogi kopiongoi kito

Tu miagal kito rumandawi

Om miagal mantad id kayangan

Nung poimpasi ku daa kinomulok

Om orongou nu iti sindingku

Mamarayou dino linundus nu

Om nogi dino korondowi yonuh

Iti no tangon gulu-gulu

Roitonku kumaa dikoyu tompinai

Parangahan ku do tulun dusun

Id sodu toiko id somok

2.0 KOPOINTUTUNAN
Ponoriukan stilistik nopo nga pomorindakaan winorun sastera di poinguwou linguistik toiko’
parameter linguistik soira monoriuk winorun sastera. Kaa di Leech om Short (1984), pinoboros
diolo do stilistik nopo nga ponoriukan kokomoi kinohinoon do boros id suang do isoiso sastera
di winorun. Koundaliu o konteks stilistik kumaa boros momoomogun, miagal do boros sains,
kooturan, kotumbayaan, pisingkiwalan, sastera toiko’ taang sosial di mogisuusuai (Crystal,
1985). Sundung po miagal dii, aanu pibogion iti linguistik kumaa duo kawo, iri nopo nga
ponoriukan kokomoi kopogisuayan boros di papahanggum do koyuuyuo’ pongohulitan boros,
panatakan, piadangan, pionitan om kopogisulakan (Crystal, 1985). Tootopot nopo kopio nga
poinsuang nogi iti tukadan boros, sisindiron retorik id suang kopogisuayan boros. Koulalaho’
di koduo nopo nga kopomogunaan boros di kahanggum do gana linguistik miagal ko fonologi,
morfologi, sintaksis om semantik. Mantad do kointalangan dii, kaanu oku momorindako do
tondig di Clarice John Matha di kiuhu’ do Rumandawi id aspek hiperbola, sinkope, repetisi,
ansonansi, aliterasi, epifora, responsi, anaphora, hybrid, metafora om imejan.

3.0 RATI SINDING SUMANDAWI

Tumanud do korotian ku, sinding Rumandawi nopo diti nga poposusui do songulun tondu di
roitan do i Kinomulok. Osundu ngawi o tulun kumaa di Kinomulok tu’ olundus kopio gisom do
roitan tulun do mantad id kayangan, om royo-royohon do tulun id pomogunan toiko’ riniba.
Komoyon nopo do riniba nga id pomogunan om kayangan nopo nga id sawat. Ogumu kusai
di muhang kumaa dau kaampai no i Kudingking, songuulun kusai di awantang. Otumbayaan
i Kudingking do kopiontok yolo do miongoi tu’ miagal kito rumandawi toiko’ mantad kayangan
kaa dau. Sundung po miagal dii, minidu pogun no yolo ngoduo. Adalaan kopio daa ginawo
diolo miginawo, gisom do nung kaanu yolo do kosiwatan apasi kawagu, muhang daa yolo
sopirayou-rayou do kolundusan om kawantangan songgoro-gorot. Id kolimpupuson do
sinding, iri nopo ngawi sabaagi iso metafora do popokito kinoluudan om ralan tulun Dusun do
sogipapantang kumaa tulun suai.

4.0 ANALISIS POLA OM STILISTIK

4.1 Imejan

Tumanud di Hidayat, R. (2014) imejan nopo nga kopomogunaan do roromu-roromu boros

sandad posorili miagal do kayangan, tulun id riniba om rumandawi id roroiton diti.

Tondu ko mantad id kayangan,

Tondu ko mantad rumandawi,

 Royohon tulun id riniba (Rangkap 1)

Tu miagal kito rumandawi

Om miagal mantad id kayangan (rangkap 2)

Maya do pomorindakaan ku, norotian ku do momoguno o sinding diti do imejan montok

popokito koulalaho’ di noindamaan kumaa kinolunduson om kinawantangan di Kinomulok om
i Kudingking. Hogot “mantad kayangan”, “rumandawi”, om “royohon tulun riniba” popokito iso
koulalaho’ di noindamaan kopio kolundus om awantang di aiso nakaagalan id pomogunan.

4.2 Hybrid

Kaa di Sukma & Sihes (2014), hybrid nopo nga ponugkuan duo patod boros sumiliu iso
kolombusan so boros.

(Sundu-sundukud kinomulok

Tondu ko mantad id kayangan)

Sundu-sundukud kinomulok

Tondu ko mantad id kayangan

“Sundukud” nopo nga boros noiniba’ mantad do boros “sundu”, “ku” om “di”. Soira pinosugku’,
noiniba’an nodi kumaa do “sundukud” tu natatak o “i”. Sundung miagal dii, au i kasari
nokosimban o rati hogot id panandatan dii.

4.3 Repetisi

Repetisi nopo nga pongulitan boros di miagal id panandatan.

Sundu-sundukud kinomulok (Baris 1 & 3)

Tondu ko mantad id kayangan

Tondu ko mantad rumandawi

Boros-boros ka di kudingking

Pongohulitan nopo ditin ga pongulitan boros guas. Noulit o boros “sundu” om “tondu” .

4.4 Ansonansi

Nokoboros i Shaari, R. (2001) do ansonansi nopo nga pongohulitan pimato vokal di miagal id
iso panandatan.

Sonong nogi kopiongoi kito (baris 8)

 Om nogi dino korondowi yonuh (baris 14)

Id sodu toiko id somok (baris 18)

Ogumu o ula’ ansonansi id sinding Boros Kadazandusuun tu tumanud do harmoni vokal

mantad do hogot di pogulu. Soira osimbanan o pimato “o” dii kumaa do “a” nga araag o
harmoni vokal id iso panandatan dii. Sabaagi poomitanan, id baris 8 notimpuunan o hogot
“sonong” do pimato vokal “o”. Nadadi iri sabagi tonudon kumaa pimato vokal id hogot
sumusuhut, iri nopo nga “kopiongoi” om okon “kopiangai” tu’ tumanud do kooturan harmoni
vokal. Id panandatan baris 14 om 18 nga miagal nogi, iri nopo nga ansonansi pimato vokal
“o”.

4.5 Aliterasi

Aliterasi nopo nga pongohulitan pimato konsonan id suang do iso panandatan (Hidayat, R.,
2014).

Tondu ko mantad id kayangan

Om nogi dino korondowi yonuh

Parangahan ku do tulun dusun

Mooi do osonong karaarangahai roroiton diti sinding, naanu o hogot di haro pimato konsosnan
“n” mooi do oulit iri id iso panandatan.

4.6 Anafora

Anafora nogi nga iso kawo pongohulitan boros, nga baino nopo nga id dumbangan do
panandatan (Zaini-Lajoubert, 2010).

Tondu ko mantad id kayangan

Tondu ko mantad rumandawi

Haro ogumu pongohulitan hogot id roroiton ditin ga iso no nokosuang id kawo anafora tu’
hogot “tondu” no o noulit id dumbangan do panandatan.

4.7 Sinkope

Sinkope nopo nga iso kawo do variasi popoiniba’ boros miampai au osimbanan o rati (mMusa,
2012).

Sonong nogi kopiongoi kito

Id sodu toiko id somok

Hogot ‘sonong” nopo nga boros noiniba’ mantad do boros guas “osonong”. Hogot “sodu” nopo
nga mantad do boros gua “osodu”. Mooi do koontok o kopolombusan do sinding, minangan
inibao’ iti boros nga kakal au kosimban o rati.

4.8 Hiperbola

Tumanud di Arifin (2017), hiperbola nopo nga kopomogunaan do boros i nadalaan toiko
ginawo di noindamaan montok popokito ginaras do kolombusan topurimanan. Tumanud do
pomorindakaan toiko’ analisis ku, aiso o roromu hiperbola id sinding diti, Sundung pia do
kopogowit o sinding diti do rati di “adalaan” toi ko poposotol do koinusan di Kudingking om
Kinomulok nga, kakal i kasari momoguno boros di osuriba montok popokito ginawo di osuriba.
5.0 SUKUON
Arifin, F. (2017). Citra Perempuan Dalam Lirik Lagu Kimcil Kepolen Karya Ndx Aka Familia
Dalam Perspektif Linguistik Kognitif. Jurnal Bahasa Lingua Scientia, 9(2), 161-176.

Hidayat, R. (2014). Analisis Semiotika Makna Motivasi Pada Lirik Lagu “Laskar Pelangi” Karya
Nidji. eJournal Ilmu Komunikasi. Samarinda: Fakultas Ilmu Sosial dan Ilmu Politik.
Universitas Mulawarman.

Musa, M. F. (2012). Fenomena Sastera Islam di Indonesia. International Journal of the Malay
World and Civilisation, 30(1), 41-53

Shaari, R. (2001). Bimbingan istilah sastera. Utusan Publications.

Sukma, E., & Sihes, A. J. (2014, December). Kompetensi Mata Pelajaran Apresiasi Sastera
Kanak-Kanak. In International Education Postgraduate Seminar 2014 (p. 431).

Zaini-Lajoubert, M. (2010). Karya Sastera Melayu Moden yang Berilhamkan Karya Sastera
Melayu Lama. Jurnal Terjemah Alam & Tamadun Melayu, 1(2), 113-143.