VIII GANCARAN

Kompeténsi Dasar Indikator

3.8 Menganalisis teks gancaran Bali PERTEMUAN 1
Modern (Novel) dan gancaran 3.8.1 Menelaah teks gancaran Bali modern (novel)
Bali Tradisional (satua Tantri 3.8.2 Merinci unsur- unsur novel
dan satua Panji), Beraksara Bali
dan berhuruf Latin
4.8 Menginterpretasikan 4.8.1 Mengintegrasikan nilai- nilai positif novel dalam
(menafsirkan) pesan moral kehidupan
dalam teks gancaran Bali
Tradisional, (satua Tantri dans
atua Panji) secara lisan dan
tulis

PAPLAJAHAN 21 GANCARAN BALI MODERN

1. Teks Gancaran Bali Anyar

Depang Tiang Bajang Sakayang- Kayang

Nyoman Sari wantah anak istri sané makarya dados pedagang acung ring Monkey
Forest, Ubud. Nyoman Sari wantah anak istri sané manis, wikan, lan jemet. Yadiastun wantah
tamatan silih sinunggil SMP swasta ring Ubud, kéwanten Nyoman Sari prasida mareraosan
nganggé basa Inggris lan ngwasayang basa asing sané tiosan sakadi basa Jepang, lan Prancis.
Soréné punika ring Monkey Forest, dahat ramé akarahuhing olih para wisatawan. Para pedagang
acung , taler Nyoman Sari iteh nawahang barang daganganné majeng ring wisatawan.
Ri kala sedek madolan, Nyoman Sari kacunduk sareng John Pike ( Wartawan saking
Australia ). John Pike rauh ka Bali wantah jagi ngruruh orti indik kahuripan Pariwisata, adat
istiadat, taler kabudayaan Bali. John mikayunan jagi meneng ring Ubud lan nunas wantuan
majeng ring Nyoman Sari mangda prasida ngrerehang genah marerepan.
Ngawit ipun makenalan pakilitanipun sareng kalih sayan raket. Nyoman Sari satata
nyarengin John ri tatkala jagi malancaran ring genah wisata. Antuk modal basa Inggrisnyané
Nyoman Sari mautsaha ngwantu lan ngicénin informasi nganinin indik sahanan pitakén sané
kaajuang olih John ring sajeroning mupulang orti. Pamuputnyané metu rasa tresnannyané
pantaraning Nyoman Sari lan John. Pajalan satwan tresnanipun sareng kalih nénten kapialang
antuk binannuyané kabudayaanipun. Taler pabinayan punika dados pangukuh ring
pitresnanipuné sareng kalih.
 I Soblér lumbrah sampun kauningayang dados anak lanang sané seneng makarya byut
ring Monkey Forest. Geginanipuné wantah supir taxi taler madué pakaryan sampingan pinaka
anak lanang sané seneng ngicen hiburan majeng anak tiosan utawi gigolo, napi malih ring para
wisatawané sané sedek kasepian. Dahat kayuné I Soblér nagatut pitresnané Nyoman Sari
sakémaon Nyoman Sari nénten nanenin rungu. Nika makawianan I Soblér ngamargiang naya
upaya pacang masahang john sareng Nyoman Sari.
Kala dina anu, ri tatkala John lan
Nyoman Sari nonton kesenian ring Art Centre
Denpasar, I Soblér tan pasangkan ngadang
pamargin John sareng Nyoman Sari ring
tengahing margi, karasa pisan I Soblér tan
prasida nyingidang rasa gedegipunné majeng
ring John. Parebatan pantaraning John lan I
Soblé nénten prasida kakelidin. John
ngamolihang anteman tan surud-surud saking I
Soblér, sakémaon antuk kabisannyané ilmu
beladiri, john prasida naen anteman I Soblér. Ri
kala punika polisi lalulintas sané sedek patroli
nganampekinipun antuk mriksa SIM I Soblér
sané negakin motor antuk kecepatan tinggi
saking kawéntenanipun sedeng punyah., I Soblér
nénten prasida ngraksa plaib montornyané,
pamekasnyané ipun nemuang labuh tur padem.
Wus lami makasih-kasihan ring Nyoman Sari, John mutusang jagi mamadik Nyoman
Sari pinaka kurenan. John nguningayang orti bagia puniki majeng ring kulawargannyané ringt
Australia. Pamekasnya dewasa ayu pawiwahannyané sampun taler kacumpuang tur di gelis
pacang kalaksanayang ring panguntat bulan oktober puniki.
Pangrauh Bob Jurn ( sawitran John saking Australia ) ka Bali kasanggra becik olih john
lan Nyoman Sari. Duk dina anu nuju wengi, Bob nunasang mangdané John praisida nesalang
dina malam minggunyané ring Kuta. Nyoman Sari nénten prasida nyarengin ri antukan wénten
upacara keagamaan. Ri tatkala punika John & Bob sedek ngarasayang kawentenan wenginé
Legian Kuta, tan pasangkan wénten ledakan Bom antuk kekuatan sané dahat, sané ngluluhang
kawéntenan wenginé ri Legian Kuta. Angga sariran John, Bob saha pengujung Diskotik Sari Cub
lan Paddys nénten prasida kaslametin
Semengan bénjangnyané tanggal 12 Oktober 2002, Nyoman Sari nyantosang
pangrauhnyané John ring pondoknyané. Nyoman Sari midabdabang ajengan lan inuman antuk
nyanggra sapangrauh John lan sawitrannyané, kémaon John tan rauh-rauh kajantosang. Ri tatkala
Nyoman Sari sedek iteh nonton televisi, tan pasangkan orti sané embas wantah orti indiik
ledakan Bom ring Kuta lan Legian. Ring Kuta ledakan bom ngledakang Sari Club lan Paddys,
Dasaan mayit angus lan panyatusan tiosan kanin-kanin, apah tengah korban bom punika wantah
wisatawan asing .
Ngaksiang orti punika Nyoman Sari dahat tengkejutnyané tur digelis ngontak John,
sakémaon John nénten prasida kakontak. Nyoman Sari dahat inguh, pamekasnyané ipun uning
wantah John lan sawitrannyané dados korban ledakan Bom ring Legian Kuta tur sampun
lampus. Nyoman Sari dahat sungsut miragiang kawéntenan punika, upacara pawiwahan sane
nyantos a mingguan dados pamuputnyané nyengsarain pisan. Nyoman Sari dahat nyungsutin
pamargin lampusnyané kakasiahanipuné. Tangisnyané tan putus-putus, Nyoman Sari saking
tresnannyané masumpah jagi ngukuhang raga tetep kanyaka “ perawan tua” salaminnyané,
nyantos lampusnyané rauh.

Kaketus saking :
Skripsi: Ni Nyoman Astiti Dewi, S.S. " Analisis
Sosiologi Sastra Novel Depang Tiang Bajang
Sekayang-kayang

Kosa Basa
Kacunduk = Kapanggih Wengi = Peteng
Orti = Berita Angga sarira = Awak
Marerepan = Sirep Pawiwahan = Ngantén
Metu = Medal Kanyaka = Anak istri ten marabian
Byut = Uyut Dahat = Sanget
Lampus = Padem Mamadik = Nyuang
Sakémaon = Nanging
Gigolo = Geginané dados tukang serpis.