DRAMATISASI

PERUMPAMAAN MARI ANE KAN’E YANG HOBI:

Moderator Yesus Tede muri mari

Nonge no ama tou nenu ana rebe ate rue
Moderator Ana bungsu tede nenu ama mari :
Bungsu Bapa “sorro harta gite yang menjadi bagian gegu
Moderator Wahape Ama nu bage harta warisan uttu ro ruha.
Ode wai ana bungsu durru nenu harta hape no nai
meranto . Daweli no pake doi utu foya-foya dan
utu mori sene-sene lai.
Setelah noe nare gahu harta nbe, odewai musi
mara da Negri nbe hoe, dan ana bungsu be mulai
melarat juge. Wahape no nai nahi krie da edie
bol’o tou da negri nbe.
Majikan Pane mai sage gegu wawe da ma tu’a.
moderator Wahape ana bungsu be nai krie, odewai noe wa’i
malu, no nahi ane sisa wawe nenu mari no ga,
hare penjaga ahi name soro noe wai.
Ana bungsu mulai sadar dengan nenu mori mara
hape noe tede dalam hati mari:
Bungsu Gegu bapa nu pegawe be pi reru keniki wae wda-
wda pare Go dab’i wai malu dahe matta.
Goe harus diri a’i tue da gu bapa nu lango, go
tede gu Bapa mari “Bapa e goe tule dose ei
terhadap Surga no bapa juge.
Goe name layak wai jadi memu an’e, biar go are
bapa nu pembantu lai.
Moderator Ana bungsu diri nai tue da nu bapa nu lango.
Noe ea dedoe wati hare nu bapa penge noe nolu.
Nu bapa wai mele hape pari nai dahe nenu ane
nbe, ro ruha gawa hungo wa’i.
Bungsu tede nu ama mari:
Bungsu Bapa e goe tule dose ei terhadap Surga no bapa
juge. Goe name layak wai jadi memu an’e,
Moderator Wahape Ama be tede nenu pembantu teni:
Bapak Meti Labu no illa mene soro gegu ana hobe.
Guti no sepatu be sore no pake da nu lei.
Guti Lembu ane be sebeli noe bihu bahi noe weti
gite ta’a tenu sene-sene.
Gegu ane nbi mata hare mori ule muri, noe
hobing hare dapa wahei.
Moderator Hare ana Nolne be tue da ma, no denge musik
aleng hape no masa ru pembantu no hape mari:
Sulung Ro tule a be?
Moderator Hape pembantu be tape mari:
Hamba Ari memu hoi ei, hape amamu sebeli lembu
karna no aple dapa nenu anna bedia bedia lai.
Moderator Wahape Anna nolne nbe uno hape no gehi geri
lango bollo wai.
Wahape nu ama lodo tede no noe pare no tede
amma nu mari:
Sulung Bertu tu go nau sage moe, go name lawe memu
prethe wai. Hare bapa name pernah soro go
Lembu utu go tunu a sene-sene no gegu teme ahi.
Hare memu anna yang be hoe, noe mare gah’u
memu harta no bar’e-bar’e hare mo sbeli lembu
soro no ga.
moderator Hape amma nu tede mari
Bapak Anna Gu. Moe tiap hari no goe, harta gegu be pi
memu juge.
Gite harus sene-sene karna memu arri matta
wahai hare no mori tue, noe hobbing hare dappa
no muri.