Bismillahi rohmanirohim
Ana kidung rumeksa ing tengah wengi
Teguh ayu luputa ing lelara
Luputa bilahi kabeh
Jin setan datang ora purun
Paneluhan tan ora ana wani
Miwah penggawe allah
Gunaning wong luput
Geni ante mahan tirta
Maling adoh tan ara ana ngarah maring mami
Guna duduk pan sirna
Sakabehing lara samiya balik
Sakeh ngama pan sami miruda
Welas asih pan dulune
Sakabehing braja luput
Dadi kapuk tibaning wesi
Sakabehing wisatawar
Sato galak lulut
Kayu aeng lemah sangare
Ronging landhak gumiwang wong lemah miring
Miyang pokiponing merak
Pagupakaning warak sakalir
Nadyan arca miyang segara asat
Temahan rahayu kabeh
Apan sasira ayu
Ing ideran kang widadari
Rineksa malaikat
Sakabehing rosul
Pan dadi salira tunggal
Ati adem uteku baginda esis
Pangucapku ya musa
Napasku nabi musa linuwih
Nabi yakub pamiyar saning wang
Yusup ing rupaku kabeh
Nabi daud swaraku
Kanjeng sulaeman kesaktian aku
Nabi ibrahim nyawaku
Idris ing rambutku
Baginda li kuliting wang
Getih daging abubakar siddik
Balung baginda usman
Siti aminah bayuning angga
Ayub ing ususku kabeh
Nabi nuh ing jejantung
Nabi yunus ing otot aku
Netraku ya muhammad
Pamuluku rosul
Pinayung adam sarak
Sampun papak sakabehing para nabi
Dadiya sarira tunggal
Bismillahirohmanirohim
Tangis asih medalingndalu, tangis ono wali ngubangi
Jagat lungguhku meniru, gajah gajah medal
Malela inembah guru asio para jawara
Gedong wong sajagat marang ingsun
Pati pati mari asih yen durung ketutupan bumi
Langit asio sitempel sari anu linggih dibatu kelir nu
nangtayungi kembang udawireja, amien