Teman-teman saat ini Elis mau cerita tentang Tanjung Marthafons.

Teman-teman
tau seng tanjung Marthafons itu dimana?
Itu to laut yang ada dibawah JMP itu.
Ini kisah tentang Martha dan Alfonso.
Jadi, dolo to waktu Portugis itu ada masih menguasai kota Ambon to, di desa poka
itu ada 1 keluarga yang hidup bahagia. Teman-teman tau seng itu keluaraga sapa?
Itu to keluaraga bapa bram deng ibu mina dong punya anak perempuan 1 dong tau
sg dia nama sapa? Dia to nama Martha.
Bapa bram ni pung Karja tu jadi nelayan, ibu mina ni jaga bakar sagu sedangkan
marta nih jaga bajual sagu. Dia to paleng cantik deng rajin bajual. Kalo Martha su
lelah dia istirahat di bawah pohon dekat tanjung itu. Martha to waktu itu umur 17
tahun.
Satu ketika Martha ni bajual tapi dari pagi sampe sore blm ada sagu yang tajual.
Waktu itu Martha bajual lewat muka asrama tentara Portugis. Pas lewat ada yang
panggel Martha, dia panggel nona beta mo bali sagu. Martha kaget, Ternyata yang
panggel ni Alfonso komandan tentara Portugis, dia to jaga lia Martha kalo bajual. Dia
mau kenalan dengan Martha. Dia bilang nona, beta mau beli sagu. Abis beli sagu
dia ajak Martha kenalan, bt Alfonso. Lalu Martha bilang beta Martha tuan
Tuan Alfonso suka memperhatikan Martha yang suka berjualan sagu dan dengan
alasan ingin membeli sagu. Tuan Alfonso pun mengajak Martha berkenalan.
Sejak berkenalan Martha jaga bajual lewat muka asrama par baku dapa deng
Alfonso.
Suatu ketika Alfonso datang par bapa bram deng ibu Mina par lamar Martha. Tapi
bapa bram bilang musti tunggu Martha umur 19.
Pas Martha balom umur 19 to, pasukan Portugis su dapat panggel dapa kasi pindah
dari ambon ka Batavia.
Dong dua musti berpisah, pas Alfonso su naik di kapal to Martha di dermaga sedih
dia bataria Alfonso.. Kapal su mo balayar, su stok 3 kali. Tut.. Tut… Tut…
Martha bataria lai Alfonso, Alfonso jua bataria Martha..
Lalu Martha lari sambil bataria Alfonso, lalu Martha buang diri ke laut mau berenang
ikut kapal Alfonso. Alfonso sedih dia ikut buang diri kelaut lalu berenang ke arah
Martha. Tiba-tiba gelombang air laut datang lalu hempaskan Martha deng Alfonso
dong dua hilang. Dong pung mayat jua sg dapa sampe sakarang.
Akhirnya tampa dong dua hilang itu dapa kasi nama tanjung Marthafons itu
gabungan nama Martha deng Alfonso.