(Caritayang ring puri Dhaha, ring jaba tengah puriné panyeroané I Dadap sedek iteh mareresik
saget rauh Putri Raja sareng sawitran Idané I Manik Lara)
Drama tradisioanal ring Bali wantah drama sané sampun katami saking nguni ring Bali.
Drama tradisional puniki akéhan nyaritayang indik kawéntenan ring puri (istana sentris).
Lelampahan sané kaambil akéhan saking carita Panji sané kantun nganutin agem-ageman saking
Jawi. Drama tradisional puniki akéhan sané madaging gending utawi nembang sambil masolah.
Dadosné, tiosan ring wikan masolah, sekaa drama Bali tradisional puniki wikan taler ring
matatembangan. Santukan sampun panglimbak jagat sané sayan modéren, drama Bali
tradisional puniki nénten malih kasenengin utawi sayan rered kawéntenannyané. Wénten
makudang-kudang drama Bali tradisional sekadi Arja, Gambuh, Prembon, Wayang Wong, miwah
sané tiosan.
Drama tradisional madué makudang-kudang cecirén sané minayang ring drama modéren.
Cecirén ring drama tradisional inggih punika:
Santukan marupa drama tradisional sané kantun karaket antuk kawéntenan cerita-cerita panji
utawi cerita indik kahanan puri, sampun pastika anggah-ungguhing basa sané kaanggén
nganutin anggah-ungguhing basa Bali kadi tradisional. Makudang-kudang tata-titi basa sané
kaanggén rikala nyolahang drama tradisional, inggih punika:
Parekan miwah parekan miwah panyeroan miwah panyeroan nganggé basa andap
miwah basa kasar
Parekan / panyeroan matur ring pepatih nganggén basa alus miwah madya
Parekan/ panyeroan matur ring sang prabu nganggén basa alus
Pepatih ring sang prabu nganggé basa alus
Pepatih ring parekan nganggé basa andap
Prabu ring parekan nganggé basa kapara miwah kasar
Prabu ring para sametoné nganggé basa alus miwah andap
Rikalaning kroda sami sering nganggé basa kasar.