Cerita Putri Mandalika Versi Bahasa Sasak

CERITE RAKYAT PUTRI NYALE

Lek jaman laek to Pante Kute Pulau Lombok arak sopok kerajaan sak aren Tonjang
Beru. Sekiter kerajaan ni tepinak kamar-kamar beleq. Kamar ni tekadu jari taok bedait rajeraje. Negeri Tonjang Beru ni teperintah isiq Raja terkenal isiq kepacuanne raja nu aren Raja
Tonjang Beru bekeq seninen Dewi Seranting. iye bedoe sekeq anak nine, aren Putri
Mandalika. Demen putrid wah beleq, sik inges jarin. iye sanget sikne solah. Manten maraq
ruen bintang lek timuq. Sangkepne maraq pauh di laying. Selain inges putrid terkenal ramah
bekeq sopan. Unin ngeraos lembut. Iye wah beng putri jari idaman rakyat. Selapuq dengan
bengaq bedoe raje sak arif sak mele tulung rakyat sak susah. Berkat tetulung sik raje rakyatb
negeri Tonjang Beru iru makmur, aman bekeq sentosa. Keingesan putri mandalika sanget
terkenal langan ujung timuq sampe ujung bat Lombok. Keingesan putrid terengah siq
pangeran-pangeran sak leq Lombok. Marak lek kerajaan Johor, Lipur, Pane, Kuripan, Daha
bekeq kerajaan Beru. Selapuq pangeran berangen. Selapukne teller gitaq ingesne putri.
Selaukne saling besaing, sai tao merariq kance putrid Mandalika. Dengan ate sak lemah
lembut, putrid Mandalika tolak ye. Para pangeran kakoq ime. Due pangeran gedeq rengah nu.
Iye adalah pangeran Datu Terune bekeq pangeran Maliawang. Masing-masing lek kerajaan
Johor bekeq Lipur. Datu Terune kirim Arya Bawal bekeq Arya Tebuik lalo ngelamar, dengan
ancaman hancur kerajaan Beru anden lamaranne tetolaq. Pangeran maliawang mengirim Arya
Bumbang dait Arya Tuna kadu ancaman sak pade.
Putri Mandalika ndek peduli, bekeq Datu terune lepasan senggeger utusaning Allah,
sedang Maliawang tiup senggeger jarring sutra. Kekuatan kedue senggeger ni ndek ne
mempan lek putri, muen kedue pangeran penggitan barengan. Ndek tao mangan, ndek tao
tindoq. Jarin putrid kurus gero. Selapuq dengan Tonjang beru aseq. Kembeqne putri tolaqne?
Laguk, selain rasa cinta yak muni, iye kendah ngerase menanggung tanggung jawab sak
belek. Yakne timbul bencane seanden putri pileq salaq sekeq pangeran nu. Dalam semadi,
sang putri mauk wangsit yak undang selapuq pangeran dalam pertemuan tanggal 20 bulan 10

sak gae subuh nu. Bebarengan kance rakyat masing-masing. Selapuq sak teundang tesuruk
dating kumpul lek pante Kute. Sak ndek teduge-duge para pangeran dating, bekeq rakyat
pnoq dating. Pantai ini mak ruen tekerumpun sik teres. Arak sak dateng due jelo sendek man
tesuruk. Kanaq-kanaq sampe papuk-papuq dating segaq teundang sik putrid. Iye mele
nyaksian brembe sang putrid yakne pileq. Teemue bedelokan dating lek selapuk wilayah
Lombok. Selapuk ngumpul dengan sabar ngantih kedatengan putrid. Marak unin janji, sang
putrid dating se ndek man ngebang. Pas demen langit beak leq timuq, sang putrid sak inges
dating kadu onsongan emas. Prajurit kerajaan lampak lek kiri, bekeq kanan bekeq murin tuan
putri. Pengawalan sak ketat, selapuq undangan ngantih bejelo-jelo ngangaq gitaq keingesan
putrid. Tuan putrid dating kadu gaun sak solah. Kadu bahan kain sutra sak halus. Ndek arak
maraq ke ngonekn, tuan putrid lampaq, trus mentelah lek bawon batu, temuriq segare. Lek to
tuan putri nganjeng trus gitaq selapuq tmue undangan. Tuan putri ngeraos singet, laguk berisi,
umuman keputusan ye dengan suara sak nyuraq : wahai amaq inaq bekeq selapuq pangeran
dait rakyat Tonjang Beru sak sik ku tunah. Jelo ni aku putusan bahwa aku ni umak kamu
slapuan. Aku ndek ke tao pileq salaq sekeq pangeran. Sengaq ni takdir sak tekehendaki adek
sak aku jari Nyale sak bau tekaken bareng-bareng lek bulan bekeq tanggal sak sugul nyale lek
segare.
bebarengan dait berahirne unin sak nu slapuq pangeran pade bingung rakyat kendah
pade bingung bekeq beketuan trus mikiran unin sak baruk nu. Ndek te duga-duga putri teteh
dikn langas atas batu nu trus timpoh dikn jok segare sak langsung te gulung sik ombak segare
tebarengan sik angin deres, kilat bekeq petir menggelegar. ndarak tande-tande tuan putrid
arak lek to. Demen sak pade kebingungan sugul lah binatang kode-kode sak penok sak nane
te sebut aren nyale. Binatang nu mak ruen longe. Pikiran selapuq dengan ye wah jelmaan
tuan putri. trus rame-rame selapuk berlomba-lomba bait binatang nu penok-penok yakn kaken
jari rasa cinta kasih dait jari kakenan bekeq keperluan lain.