Elok Fadlillah M. (9) Haura Hurmayla A. (12) Rahma Meilia S. (24) Yayang Olivia Y. (36) Pengerten Drama Miturut Asal-Usul Basane • Drama yaiku gancaran kang gambarake wataking manungsa lumantar solah bawa, tingkah laku, paguneman sing dipeentasake. • Sandiwara saka tembung sandi+wara. Sandi tegese wadi lan wara tegese piwulang utawa pitutur, dadi sandiwara iku duweni teges piwulang kang ditindakake kanthi pralambang. • Ciri utama drama yaiku obahing awak kanggo nyethakake panggawene manungsa. • Tulisan utawa naskah drama diarani repertoire. Struktur Drama • Orientasi Para paraga ditepungake watake uga pandhapuke ing drama. • Komplikasi Para paraga diadhepake ing prakara dhewe-dhewe nganti klimaks. • Resolusi Para paraga wis nemokake cara kanggo ngrampungake prakarane. • Koda Pesen utawa nilai-nilai moral kang disampekake marang pamiyarsa. Unsur-Unsur Drama 1) Tema Mujudake gagasan pokok sawijine crita drama. 2) Alur (plot) Dalan cerita saka sawijine tontonan drama wiwit babak kapisan nganti pungkasan. Alur dibedakan dadi 3 werna, yaiku: alur maju, alur mundur, lan alur campuran. 3) Paraga yaiku wong kang didhapuk ngayahi jejibahan maragani, nindakake lelakon kaya kang wis dirantam dening pangripta utawa sutradara. 4) Watak yaiku perilaku kang diperananake dening paraga drama. Watak dibagi 3 werna, yaiku: Antagonis, Protagonis, lan Tritagonis. 5) Latar/Setting yaiku gambaran panggonan, wektu, situasi prastawa sajrone cerita drama. Latar dibagi 3 werna, yaiku: latar wektu, latar papan, lan latar suwasana. 6) Amanat yaiku pesan kang disampekake pangripta marang penonton. 7) Basa Basa sing digunakake sajrone drama duweni kekhasan kang diangkat adhedhasar masyarakat, pendhidhikan, budaya, lsp.