Sempama Jako Iban.

Kunchit di tisi langit di asu,rusa di kaki tangga enda di emparu

Reti iya : Rindu tauka kelalu deka kiruh ngereja pengawa ke enda menuku tauka nadai
ngenatai ke penguntung ba menoa ti jauh ,tang pengawa ti menyana tauka utai ti endang udah
ditemu nguntung ke diri empu ba endor ti semak ,enggai kiruh ngereja ia.

Baru ngelangkah sesingkang udah bekalau panjung neratang ka diri menang

Reti iya: orang ke sumbung madah ke diri lebih ari orang bukai taja pan utai diulih iya mimit
aja lebih ari orang bukai.

Manjung di pala wong

Reti ia: bedau belaban tauka betanding dulu madah ke diri udah menang.

Baka tapang diwan rembia, baka lubok diwan baya

Reti iya: madah ke siko-siko orang indu udah bisi orang empu tauka bini orang.

Baka remaung di rumah, baka raung di tanah

Reti iya: orang ti regas tauka kering di rumah tang ngereja pengawa di tanah nadai endar
pengering tauka utai ulih.

Banyak tai badak, mayuh tai nyumboh

Reti iya: Bala tubuh aja mayuh leboh ngereja utai tang utai ulih enda ngipak ke pemayuh
tubuh.

Bisi niki pinang, bisi niki nibong

Reti iya: Besiping atur/adat ,tauka enda adil/betul magi /mutuska pengawa.(kitai endang sama
nemu,batang nibong tu endang utai ti mar tauka pedis di tiki laban ia endang beduri,tang meh
batang pinang tu lamus@enda beduri lalu ia pan nyamai agi di tiki.
Tuai Pala Upa

Reti iya: disema ke kitai ngaggai siku-suku tuai@pemimpin ke kelalu lembut tauka nadai
penamu serta enda patut mangku pengawa tuai.Kira ke tuai ambi ke syarat aja meh nya.

Baka pipit ti deka nelan buah embawang

Reti iya: disema ke ngagai Orang ti ngembuan juluk ati ti besai ,tajapan iya endang nemu utai
nya endang enda ulih di kerja .

Baka kenyulong mabok keroh, baka empalekong mabok amboh

Reti iya: Ngetu, tebalengga enda lama.

Gerah mata undan

Reti iya: baka orang indu ti jinak bendar enggau besulu, tang enti kitai nyau keran deka ka
iya, iya lalu beguai nyurut ka diri.

Angkat Engkerawai

Reti iya: dikena madah ke orang ti angkat sareta bebala mayuh.

Belakang bungkuk diasuh ngema pintu, lengan singkung diasuh ngenyan alu.

Reti iya : Orang ti nadai penemu nya diasuh ngereja pengawa.

Kijang nyungkah punggu rebah, kijang manjung punggu pumpung.

Reti iya : Apin kitai ngaga penyalah, apin ga orang bulih penusah, lalu enti laban kitai orang
enda kena penusah.

Nadai runggang baka pededang mata keti, nadai lilih baka benih padi wi.

Reti iya: Atur ti enda bechiping tauka enda ngari ari sepiak-sepiak.

Ditusun: keeling temuda dot com