LITURGI MINGGU SEPTUAGESIMA

1. Kata Pengalo - Ngalo Ras Momo

2. Kata Penaruh
Rende : ... (Perpulungen Tedis)
3. Votum – Salam
4. Berita Kerna Perbahanen Rads Sura – Sura Dibata (Invicatio)
Rende : ...
5. Berita Kerna Keleng Ate Tuhan (Perpulungen Kundul)
L: Jesus enggo naluken kerina percuban guna engklini manusia i bas kuasa dosa nari. Emaka
gelah tetap kita ibas kemenangen Kristus , nina Tuhan :
“ Kelengilah Tuhan Dibatanndu asa ukurndu, asa tendindu, dingen asa gegehndu lit . enda
me perentah si mbelin dingen si pentingna. Si peduaken bali ras si ndai e me, ‘kelengilah
temanndu manusia bagi kam engkelengi dirindu.’ Kerina Undang-undang agama si ibereken
Musa ras nabi-nabi erpalasken duana perentah enda ndai kap.”
P: Ipuji kami Kam Tuhan, I bas kinigengenNdu ngalaken percuban. Kam me Dibata si meteruk
ukur, la Kam ngukurken DiriNdu saja, gelah kami terkelin.
L: Sipuji Dibata erkiteken perbahanenNa alu ngendeken : ...
6. Pengakun Diri Kerna Kinilasanggupen Ndalanken Kegeluhen Si Mbaru (Paksa Teneng)
Rende : ...
7. Padan Dibata Guna Ndalani Kegeluhen Si Mbaru (Perpulungen Tedis)
Rende : ...
8. Kata Dibata (Perpulungen Kundul)
a. Ngoge Kata Bagin Si Pemena
L: Ketuahen kalak si megiken Kata Dibata dingen simakekenca i bas geluhna si teptep
wari, Haleluya.
P: Haleluya ... Haleluya ... Haleluya ...(Iendeken)
b. Khotbah : (Ibenai ras idungi alu pertoton)
9. Pengakun Kiniteken (Perpulungen Tedis)
10. Persembahen (Perpulumgem Kundul)
Rende : ...
Pertoton Persembahen ras Doa Syafaat.
11. Perpadanen Man Dibata (Perpulungen Tedis)
L: Enda me undang-undang Tuhan : “Kelengilah Tuhan Dibatandu asa ukurndu, asa tendindu,
dingen asa gegehndu lit. Si peduaken bali ras si ndai e me, kelengilah temanndu manusia
bagi kam engkelengi dirindu.”
P: Erpadan aku O Tuhan, kukelengi me Kam, lebihen asangken kai pe bas doni enda, kukelengi
me Kam, arah engkelengi temanku manusia.
L: Sipeteguhi perpadanenta man Dibata alu ngendeken : ...
12. Pertoton Tuhan
13. Pengutusen ras Pasu-pasu Dibata
L: Bengketilah kegeluhenndu, saksikenlah man kerina jelma maka kita (kam) anak-anak
Dibata, janah alokenlah pasu-pasu idur Dibata nari :
“KekelengenKu la ersibar ngarak-ngaark geluhta (ndu). IkawaliNa kita (kam), ipegegehiNa
ras ipasu-pasuNa me kita (kam) si ndalanken si ngena ateNa. IA sijamini ras nikapken
keperlunta (ndu). La kita (kam) kekurangen janah IA tetap ras kita (kam) seh ku kedungen
jaman.” Amin.
P: Amin... Amin... Amin... (Iendeken)