Kasusastraan Bali Anyar

Indayang telatarang teges ring sor puniki!

1.Kasusatraan Bali Anyar inggih punika...
2. Napi tatujon nyelehin/malajahin kasusatraan Bali Anyar?
3.Napi manten soroh kasusastraan Bali Anyar punika?
4.Napi manten cecieen (ciri-ciri) saya kasusastraan Bali Anyar punika?
5.Napi pabinayaan kasusastraan Bali Anyar sareng Kasusastraan Bali purwa punika?
6.punapi tatacara nyaga kawentenan kasusatraan Bali Anyar punika mangda tetep lestari?
7. Kasusastraan Bali anyar punika wenten duk warsa kuda?
8. Kasusastraan Bali anyar kamanggehang warsa kuda lan kacirinin antuk napi?
Pasaur :
1. Kasusastraan Bali Anyar inggih punika kasusastraan sane ngawit wenten sekolahan ring
jagat Bali, sampun kacampuhin antuk kruna-kruna saking basa dura negara.
2. Tetujon iraga nyelehin/malajahin kasusastraan Bali Anyar :
- Ngiwikanin nilai nilai budaya adiluhung sane pacang mawiguna sajeroning
nglimbakan budaya budaya Baline
- Anggen tetimbang midabdabin budaya baline rikala ngarepin aab jagate
- Kaange nincapang rasa bangga makrama Bali
- Kaanggen buatan nincapang seni, Ilen ilen, miwah unen unen ring Bali
- Molihang daging daging tatwa agama kaangen nincapang sradha bhaktine ring Ida
Hyang Widhi Wasa
3. Soroh kasusastraan Bali Anyar luire Puisi, cerpen, novel, miwah drama.
- Puisi Bali Anyar
            Puisi Bali Anyar, kakawitin antuk kamedalang puisi sane mamurda “Basa
Bali” pekaryan Sutari Pr. Sane Kunggahan ring majalah Medan tahun1959, sane
kapikukuhang pinaka puisi Bali Anyar kapertama. Ring Sajeroning panglimbaknyane,
unteng-unteng tetuek puisi Bali Anyar sayan-sayan maendahan manut aab lan
panglimbak jagat Baline, pamekasipun pengaruh pariwisata ring Bali.
- Cerpen Bali
            Cerpen utawi gancaran wantah awi-awian sane karipta ring aab jagate
mangkin sane critannyane cutet, niru wangun cerpen ring sastra Indonesia. Lantang
satuannyane kirang ring 10.000 tali kruna, tur nyritayang pariindikan apaos.
- Novel Miwah Drama Bali Anyar
            Sane Kabaos novel Inggih Punika crita sane panjang, nyritayang kahuripan
tokoh-tokohnyane saking alit ngantos lingsir utawi padem. Karya sastra sane
mawangun Novel Bali minakadi:
Nemu Karma antuk I Wayan Gobiah.
Melancaran Ka Sasak antuk I Gede Srawana.
Sayong antuk I Nyoman Manda (1999)
Awengi ring Hotel olih I G. P Bawa Samargantang (2004)
 - Drama
            Karya sastra drama wantah madue wangun sane kabaos dialog utawi kabaosan
sadu arep ring para tokoh critannyane. Karya sastra Bali Anyar sane mawangun
drama luire :
Kirana (drama anak-anak) antuk I Nyoman Manda warsa 2004
Gusti Ayu Kulantir, antuk A. Wiyat S. Ardi warsa 1999
Nang Kepod, antuk Ketut Aryana, warsa 1940
Kobaran Apine, Ki Bayan Suling
Aduh Dewa Ratu, antuk Gede Darna warsa 1931
Phala Karma, antuk Putu Arya Semadi.
4. Ceciren kasusastraan Bali Anyar inggih punika:
- Bebas ten wenten Uger uger
- Bantang Kesusastraan bali modern inggih punika pikobet sosial para jnanane
- Kaunggahang secara janten aran pengarang nyane
- Kesusastraan bali modern ngangge Basa Bali Modern sane mangkin
5. Pabinayan Kasusastraan Bali Anyar lan Kasusastraan Bali Purwa :
Kesusastraan bali Purwa
 - Ngangge awig awig
 - Bantang Kesusastraan bali Purwa inggih punika pewayangan, kerjaan
 - Nenten Kaungahang aran pangarannyane
 - Kesusastraan bali Purwa ngangge basa kawi, jawa kuna miwah Bali Tradisional
Kesusastraan bali modern
 - Bebas ten wenten Uger uger
- Bantang Kesusastraan bali modern inggih punika pikobet sosial para jnanane
- Kaunggahang secara janten aran pengarang nyane
- Kesusastraan bali modern ngangge Basa Bali Modern sane mangkin
6. Nganutin penelitian kewentenan karya sastra modern sampun kakaryanin duk warsa 1910
miwah 1920 sane kakawi olih I Made Pasek miwah Mas Niti Sastro. Kalih gur punika
pinaka perintis embasnnyane karya sastra Bali modern. Sane pinih kakawenang cerpen-
cerpenipun nenten katerbitang ring satu antologi cerpen, yening katerbitang sinah duk
punika dunia sastra Bali Modern kapertama dados pupulan cerpen sadurung cerpen-
cerpen sastra daerah sane tiosan. Ring pantaraning panglimbak puisi-puisi nasional ring
surat kabar, nenten wenten angin miwah sabeh medal roman mebasa Bali sane mamurda
“Nemoe Karma” pikardi I Wayan Gobiah sane keterbitang olih Balai Pustaka 1931.
7. Rauh warsa 1931 punika Kasusastraan Bali Anyar kamanggehang lan kacirinin antuk
novel roman” Nemoe Karma “ olih I Wayan Gobiah katerbitang oli Balai Pustaka.