Struktur jaku ulih dibiah ngagai

1. Rurun munyi jaku

2. Simbol (tulis)

Aku minta kita bejurai dua bengkah pekara nya. Jurai kita digaga dalam tukuh esei.

Nitihka Abdullah Hassan(2006),morfologi iya nya bidang ke mansik tukuh leka jaku.Tukuh

leka jaku iya nya struktur leka jaku ba tukuh sepil ke dikena besehari-sehari. Morfologi nya
pampang penemu linguistik ti mansik struktur, enggau kelas jaku.

Morfologi dikumbai bekaul enggau pansik munyi sebut jaku laban iya ngemeranka
pansik pasal gaya leka jaku ti datai ari munyi sebut. Iya bekaul enggau pansik sintaksis
laban ari leka jaku iya tau didijir nyadi frasa, klausa enggau ayat ti mai reti. Ba struktur jaku
Iban iya nya mungkur munyi sebut tauka lambang tulis ti nyadii unit jaku ti bisi ngundan reti.
Tukuh jaku nya gaya unit jalai jaku, sekalika iya betukuh tunggal tauka datai ari proses meri
penambah, beturuka leka jaku tauka proses jaku betandu.

Struktur jaku ulih biah ngagai dua iti iya nya rurun munyi jaku enggau simbol. Ba
rurun munyi jaku ulih diperatika ari munyi vokal enggau konsonan. Munyi konsonan engau
vokal tu mega bisi dibagi ngagai bemacham munyi. Ambika chunto munyi vokal `a`, iya ulih
ngasilka munyi ti enda sama taja iya urup ti sebaka. Kebuah pia laban munyi vokal enggau
konsonan bisi ngembuan ketu glottis.

Dalam jaku iban, simbol sigi dikena dalam jaku iban lalu bisi sekeda leka jaku
bekenaka simbol dalam ngasilka ayat ti engkeman. Chunto symbol ke bisi dikena dalam jaku
Iban iya nya tanda tanya [?]. Nyadi tanda tanya tu dikena dalam struktur ayat tanya maya
nulis. Tanda tu nyadi ke lambang tauka nunjukka ayat ke ditulisnya jaku tanya.