MARKAH

[BNL3023] [MORFOLOGI BAHASA IBAN]

TAJUK:

MANSIK LEKA JAKU

DISEDIAKA
NO. MATRIK NAMA PROGRAM
D20202096490 STEPHENIE FIFI AT12-ISMP FIZIK
ANAK LOUIS

PENSYARAH: PUAN SARIPAH ANAK BANSENG

1.0 PELASAR JAKU

Morfologi sesebengkah bansa jaku nya jalai nempa leka jaku. Bisi sekeda bansa jaku di
dunya tu sebaka jalai nempa leka jaku lalu bisi mega bebida. Morfologi jaku Iban nya bidang
penemu ti betungkapka struktur, tukuh enggau raban jaku. Tukuh jaku iya nya unit jalai jaku
sekalika iya leka jaku tunggal, bepenambah tauka betandu. Lalu pia mega, kelas jaku iya nya
proses nentuka bansa leka jaku bepelasarka ba tukuh sereta fungsi iya dalam kelas tauka
raban jaku ke sama.

Morfologi beguna bendar dikena meretika penerang senentang konsep morfologi

dalam bidang linguistik jaku Iban. Morfologi mega dikumbai bekaul enggau pansik munyi
sebut jaku laban iya ngemeranka pansik pasal gaya leka jaku ti datai ari munyi sebut. Iya
bekaul enggau pansik sintaksis laban ari leka jaku iya tau dijir nyadi frasa, klausa enggau ayat
ti mai reti. Dalam Morfologi mega, iya bisi nerangka senentang pengawa nempa leka jaku,
raban jaku, jaku nama, jaku pengawa, jaku adjektif enggau jaku tugas ke bisi dalam jaku kitai
Iban.

Nya alai morfologi tu siti ari pekara ti beguna bendar kelebih agi dikena kitai
belajarka jaku dalam jaku Iban ngambika jaku tau meruan sereta menyana baka bansa jaku
bansa bukai ke udah dulu maju nitihka arus singkang pemansang dunya. Berindik ari tu, iya
ulih mantu jaku kitai ngambika mudah diperatika lalu mudah dipelajarka orang bansa bukai
ke bisi pengerindu tauka pengingin ati ti deka belajarka jaku Iban.
1.1 Tibak Karang Ti Dipilih Ari Media Sosial: Karang Licha

Pemanah Enggau Aktiviti Kokurikulum

Ti dipebasa Tuan Pengerusi Kepala Sekolah, Sekolah Menengah Kebangsaan St.Luke, ti

Mulia bala pengajar, bala abak indai enggau bala nembiak mega.

Hadirian,

Keterubah dulu, aku meri jutaan terima kasih gai pihak sekula iya nya kepala sekolah
menengah ti sanggup ngundang aku datai kitu meri seleka dua jaku sentang ceramah ti
bertajuk “Pemanah enggau aktiviti kokurikulum” sempena. Majlis Ngerasmika Serangkup
Apai Indai enggau Pengajar taun 2013.

Bala menyadi,

Sekeda masyarakat, kelebih agi abak indai kemaya ari diatu agi memikirka peneleba
anak-anak sida ba pengawa kokurikulum nya semina ngayahka masa enggau tenaga anak-
anak sida aja. Pemanah aktiviti kokurikulum ti ulih ngasilka rebak baru ti seimbang enggau
mujur semina dipeda sepiak mata aja enggau enda dikemeratka laban lebih ngemeratka
pemujur ba akademik aja. Sistem peperiksaan semina nyadi alasan ambika enda terlibat
enggau aktiviti sekolah. Nya kebuah, Kementerian Pelajaran Malaysia ngadu mayuh macham
langkah agar sida nembiak enggau ibu bapa nembiak sedar aktif kediri ba pengawa
kokurikulum nya penting. Ari pengawa kokurikulum dia kitai ulih ngasilka generasi-generasi
ti berketrampilan enggau berwawasan nitihka acuan negara kemaya ari diatu. Ukai nya mega,
kitai ulih mengelakka nembiak tu ngaga pengawa ti enda sihat ba luar sekula enggau
menghabiskan masa ti lapang enggau pengawa kokurikulum ti sihat.

Pengawa kegiatan kokurikulum mega meri kebaikan ari aspek mengeratkan hubungan
antara murid enggau murid. Kebuah bakanya laban ba sekolah nembiak dapat berkenalan
enggau mayuh kaban iya ti pelbagai bangsa enggau ulih membiasakan diri berkomunikasi
enggau bekerjasama antara siku nembiak enggau siku nembiak. Lebuh siku-siku nembiak bisi
semangat perpaduan, negara kitai ulih nyadi aman serta maju. Aktiviti kokurikulum ulih
meransang nembiak mengeratka hubungan kaul lebuh sida berkerjasama enggau ngemantu
pangan diri ngerja pengawa. Arinya enda pupus alu hubungan nembiak enggau kaban iya
enda regang.
 Naka tu aja ceramah aku kali tu enggau jaku ti kepenudi ari aku iya nya minta ampun
sema bisi tersalah seleka dua jaku maya aku bejaku tadi. Terima kasih.

1.1.1 Tibak Perenggan Ti Dipilih

Bala menyadi,

Sekeda masyarakat, kelebih agi abak indai kemaya ari diatu agi memikirka peneleba anak-
anak sida ba pengawa kokurikulum nya semina ngayahka masa enggau tenaga anak-anak sida
aja. Pemanah aktiviti kokurikulum ti ulih ngasilka rebak baru ti seimbang enggau mujur
semina dipeda sepiak mata aja enggau enda dikemeratka laban lebih ngemeratka pemujur ba
akademik aja. Sistem peperiksaan semina nyadi alasan ambika enda terlibat enggau aktiviti
sekolah. Nya kebuah, Kementerian Pelajaran Malaysia ngadu mayuh macham langkah agar
sida nembiak enggau ibu bapa nembiak sedar aktif kediri ba pengawa kourikulum nya
penting. Ari pengawa kokurikulum dia kitai ulih ngasilka generasi-generasi ti berketrampilan
enggau berwawasan nitihka acuan negara kemaya ari diatu. Ukai nya mega, kitai ulih
mengelakka nembiak tu ngaga pengawa ti enda sihat ba luar sekula enggau menghabiskan
masa ti lapang enggau pengawa kokurikulum ti sihat.

(Tibak Karang Diambi ari Blogspot Anak Apai)

2.0 MANSIK GAYA JAKU KARANG ARI SUKUT MORFEM, PROSES
MORFOLOGI ENGGAU BEJADIKA JAKU

Morfem diberi definisyen nyadi unit ti pemadu mit dalam jalai jaku ti bisi resti. Berindik ari
nya, morfem tu ulih dikumbai kitai sebengkah leman jaku. Tu siti utai ti ditemu lebuh
morfem diterangka maya ti bejadika leka jaku. Tang dalam definisyen morfem ti beguna
sechara rama ba semua bansa jaku, morfem diengkah ba konteks ayat, dipeda enggau seluruh
jalai jaku.

2.1 Mansik Gaya Jaku Karang Licha

Dalam tibak karang ti mantaika penemu tauka licha senentang Pemanah Enggau Aktiviti
Kokurikulum baka ke udah dirintaika ba atas nyin tadi, ngembuan morfem ti mi reti tauka
bisi reti. Chunto iya ulih dipeda dibaruh tu:

Penambah Pun Jaku Urat Jaku Pemun Jaku

peneleba pe- teleba peneleba
pemanah pe- manah pemanah
dipeda di- peda dipeda
pemujur pe- mujur pemujur
ngadu ng- (penambah pun jaku adu ngadu
munyi sengau)

Ba jadual di atas nya tadi kitai ulih meda tiap leka jaku nya tadi ngembuan dua iti morfem ti
dipenyadi bepelasarka penambah pun jaku enggau urat jaku.

Nangkanka nya, ari atur meratika morfologi nya gaya ti dikena bejadika leka jaku, dia
proses morfologi tu endang proses bejadika leka jaku. Dalam jaku Iban, bisi tiga bengkah
proses bejadika leka jaku iya nya ngena penambah, penganti enggau betanduka jaku lalu
setiap bengkahnya ulih dibagi ngagai bemacham-macham bansa iya.

Dalam tibak karang ti mantaika penemu tauka licha senentang Pemanah Enggau
Aktiviti Kokurikulum baka keudah dirintaika ba atas nyin tadi, bisi ngembuan gaya besekat ti
bisi munyi sengau, penambah pun, penambah ujung leka jaku enggau leka jaku ti bisi
alternan. Semua perkara nya tadi dipansik ari sukut morfologi lalu dikeluarka ari kereban
karang sereta ulih dipeda di baruh tu:

1. Munyi Sengau Penganti enggau Penambah

Leka Jaku Gaya Morfem

ngayahka ayah  ngayah
Urat jaku ayah nerima bunyi sengau penambah ng- ba pun leka jaku
iya nya ngayah.
ngasilka asil  ngasil
Urat jaku asil nerima bunyi sengau penambah ng- ba pun leka jaku
iya nya ngasil.
ngemeratka berat  ngemerat
Urat jaku berat nerima bunyi sengau penambah ng- ba pun leka jaku
iya nya ngemerat.
nyadi jadi nyadi
Urat jaku jadi nerima bunyi sengau penambah ny- ba pun leka jaku
iya nya nyadi.
ngadu adu  ngadu
Urat jaku adu nerima bunyi sengau penambah ng- ba pun leka jaku
iya nya ngadu.

2. Penambah Pun Jaku

Leka Jaku Gaya Morfem

kemaya ke  maya
Urat jaku maya nerima penambah -ke ba pun leka jaku.
peneleba pe  teleba
Urat jaku teleba nerima penambah -pe ba pun leka jaku.
dipeda di  peda
Urat jaku peda nerima penambah -di ba pun leka jaku.
pemujur pe  mujur
Urat jaku mujur nerima penambah -pe ba pun leka jaku.
3. Penambah Ujung Jaku

Leka Jaku Gaya Morfem

ngayahka ayah  ngayah  ngayahka
Urat jaku ayah nerima penambah -ka ba ujung leka jaku.
ngasilka asil  ngasil  ngasilka
Urat jaku asil nerima penambah -ka ba ujung leka jaku.
ngemeratka berat ngemeratka
Urat jaku berat nerima penambah -ka ba ujung leka jaku.
ambika ambi  ambika
Urat jaku ambi nerima penambah -ka ba pun leka jaku.
nitihka nitih  nitihka
Urat jaku nitih nerima penambah -ka ba pun leka

4. Leka Jaku Alternan

Ba senentang leka jaku alternan, sepil leka jaku ti ditulis enda sebaka enggau laku jaku lebuh
iya disebut. Ambika chunto, baka leka jaku nya lebuh disebut iya bisi bunyi q tauka k ba
belakang leka jaku iya nya; nyaq. Tambah nya mega bisi sekeda leka jaku ti disebut lenyau
munyi vokal iya baka leka jaku enda lebuh disebut iya nyadi ~nda.

Leka Jaku Alternan

enggau nggau
enda nda
nya nyaq
3.0 NISIH PENYILAP KARANG

Senentang tu, penyilap ti bisi dalam karang ti udah dipilih deka ditisih lalu dikemetulka.
Tibak karang ti udah ditisih ulih dipeda ba rintai dibaruh tu.

3.1 Nisih Penyilap Karang

Bala menyadi,

Sekeda Masyarakat (sesebengkah pupu bansa), kelebih agi abak indai (apai indai) kemaya
ari diatu agi memikirka (berundingka) peneleba anak-anak (anak) sida ba pengawa
kokurikulum nya semina ngayahka (masau) masa (jam) enggau tenaga anak-anak (anak)
sida aja. Pemanah aktiviti kokurikulum ti ulih ngasilka rebak baru ti seimbang (setimbang)
enggau mujur (pemujur) semina dipeda sepiak mata aja enggau enda dikemeratka laban
lebih ngemeratka pemujur ba akademik (pelajar) aja. Sistem peperiksaan (peresa) semina
nyadi (nyadika) alasan (penanggul) ambika (ngambika) enda terlibat (kiruh) enggau
aktiviti sekolah (sekula). Nya kebuah, Kementerian Pelajaran Malaysia (Menteri Pelajar
Malaysia) ngadu (ngaduka) mayuh macham langkah (bengkah) agar (ngambika) sida
(bala) nembiak enggau ibu bapa (apai indai) nembiak sedar (ngeleda) aktif kediri ba
pengawa kokurikulum nya penting. Ari pengawa kokurikulum dia kitai ulih ngasilka
generasi-generasi (rebak baru) ti berketrampilan enggau berwawasan nitihka acuan negara
kemaya ari (hari) diatu. Ukai nya mega (Ukai semina naka nya), kitai ulih mengelakka
(ngelaungka) nembiak tu ngaga pengawa ti enda sihat (manah) ba luar sekula enggau
menghabiskan (masau) masa (jam) ti lapang (nadai pengawa) enggau pengawa
kokurikulum ti sihat (manah ke pengerai kitai).
4.0 SIMPUL JAKU

Jaku Iban diatu benung mansang enggau chukup chakah kemaya hari tu. Kebuah pia laban
dunya makin mansang lalu mayuh leka jaku baru dikena kitai. Jaku Iban enda tinggal
disegang gelumbang pemansang. Mayuh anda jaku Iban udah mansik sereta nempa leka jaku
Iban ti baru. Leka jaku nya engkeman enggau guna kitai diatu. Ambika banding, suba jaku
Iban semina dikena berandau aja lalu nadai ngembuan lebas jaku ti standard baka kediatu. Pia
mega jaku Iban suba nadai ngembuan dokumen ti dikena ngemekuhka jaku Iban ngambika
nyadi standard lalu ulih dikena serata menua Sarawak. Diatu semua udah berubah, jaku Iban
udah mansang ngagai tikas ti tinggi. Nya meh beguna amat deka nambah pengaya leka jaku
Iban ngambika ulih ngerembai senindik enggau segang pemansang dunya lalu enda kelalu
tinggal jauh ari jaku bansa bukai.

Nya alai morfologi tu siti ari pekara ti beguna bendar kelebih agi dikena kitai
belajarka jaku dalam jaku Iban. Pia mega, iya ulih mantu jaku kitai ngambika mudah
diperatika lalu mudah dipelajarka bansa bukai ti bisi pengerindu tauka pengingin ati deka
belajarka jaku Iban. Morfologi beguna bendar dikena meretika penerang senentang konsep
morfologi dalam bidang linguistik jaku Iban. Morfologi mega dikumbai bekaul enggau
pansik munyi sebut jaku laban iya ngemeranka pansik pasal gaya leka jaku ti datai ari munyi
sebut. Iya bekaul enggau pansik sintaksis laban ari leka jaku iya tau dijir nyadi frasa, klausa
enggau ayat ti mai reti. Dalam Morfologi mega, iya bisi nerangka senentang pengawa nempa
leka jaku, raban jaku, jaku nama, jaku pengawa, jaku adjektif enggau jaku tugas ke bisi dalam
jaku kitai Iban.
5.0 KEREBAN SANDING

Omar. H.A & Sandai. R (2012). Morfologi Jaku Iban. Universiti Pendidikan Sultan Idris.

Hassan.A (2002). Tatabahasa Bahasa Melayu: Morfologi dan Sintaksis untuk Guru dan
Pelajar. Pahang Darul Makmur: PTS Publications & Distrubutors Sdn. Bhd.

Osup.C & Luna.P (2011). Morfologi Jaku Iban. Perak: Emeritus Publications

https://abbie-97.blogspot.com/2023/11/ti-dipebasa-tuan-pengerusi-kepala.html